ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵒⴰⵣⴰ: ⵜⵡⴻⵜ-ⴷ ⵜⵣⴻⵏⵣⴻⵍⵜ, ⵅⴻⵍⵄⴻⵏ ⵎⴻⴷⴷⴻⵏ ⵎⴰⵛⴰ ⵓⵍⴰⵛ ⵉⵅⴻⵚⵚⴰⵔⴻⵏ

ⵜⵉⵒⴰⵣⴰ – ⵜⵉⵣⴻⵏⵣⴻⵍⵜ-ⵏⵏⵉ ⴰⵢ ⴷ-ⵉⵡⵜⴻⵏ ⴷⴻⴳ ⵜⵡⵉⵍⴰⵢⵜ ⵏ ⵜⵉⵒⴰⵣⴰ ⴷⴻⴳ ⵢⵉⴹ ⵏ ⵡⴰⵙⵙ ⵏ ⵙⵙⴻⴱⵜ, ⵜⴻⵙⵙⴻⵏⴽⴻⵔ ⵀⴰⵔⴰⵔⴰ ⴳⴰⵔ ⵢⵉⵎⴻⵣⴷⴰⵖⴻⵏ ⵏ ⵜⵡⵉⵍⴰⵢⵜ-ⴰ ⴷ ⵜⴻⵎⵏⴰⴹⵉⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ, ⵎⴰⵛⴰ ⵓⵔ ⴷ-ⵜⴻⵙⵙⴻⴳⴳⵔⴰ ⵉⵅⴻⵚⵚⴰⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵃⵓⴷⴷⵓ ⴰⵖⴰⵔⵉⵎ ⵏ ⵜⵡⵉⵍⴰⵢⵜ ⵏ ⵜⵉⵒⴰⵣⴰ.

ⵢⴻⵏⵏⴰ-ⴰⵖ-ⴷ ⵓⴼⴻⵙⵢⴰⵏ ⵏ ⵓⵄⴰⵡⴻⵣ ⵏ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵓⵃⵓⴷⴷⵓ ⴰⵖⴰⵔⵉⵎ ⵏ ⵜⵡⵉⵍⴰⵢⵜ ⵏ ⵜⵉⵒⴰⵣⴰ ⴷⴻⴳ ⵓⵙⴰⵡⴰⵍ ⴷⴰⴽⴽⴻⵏ ⵜⵉⵣⴻⵏⵣⴻⵍⵜ-ⵏⵏⵉ ⵏ 4,3 ⵏ ⵜⴼⴻⵙⵏⵉⵡⵉⵏ ⴷⴻⴳ ⵜⴻⵙⴽⴰⵍⴰ ⵜⵓⵔⵥⵉⵎⵜ ⵏ ⵔⵉⵛⵀⵜⴻⵔ ⵜⵡⴻⵜ-ⴷ ⴷⴻⴳ ⵜⵡⵉⵍⴰⵢⵜ ⵏ ⵜⵉⵒⴰⵣⴰ ⵖⴻⴼ ⵜⵉⵙ 11ⵙ57 ⵢⴻⵔⵏⵓ ⴰⵎⵎⴰⵙ-ⵏⵏⴻⵙ ⵢⵓⵙⴰ-ⴷ 10 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⴰⴼⴰ (ⵛⴰⵎⴰⵍ) ⵏ ⵜⵡⵉⵍⴰⵢⵜ-ⴰ, ⵎⴰⵛⴰ ⵓⵔ ⴷ-ⵜⴻⵙⵙⴻⴳⴳⵔⴰ ⵉⵅⴻⵚⵚⴰⵔⴻⵏ ⵍⴰ ⴷⴻⴳ ⵎⴻⴷⴷⴻⵏ, ⵡⴰⵍⴰ ⴷⴻⴳ ⵡⴰⵢⵍⴰ.

ⴰⵎⴰⵙⴰⵢ-ⴰ (ⵎⴰⵙ’ⵓⵍ) ⵢⴻⵡⵡⵉ-ⴷ ⵉⵙⴰⵍⴰⵏ-ⴰ ⵙⵖⵓⵔ ⵡⴰⵎⵎⴰⵙ ⵏ ⵓⵏⴰⴷⵉ ⴷⴻⴳ ⵜⴻⵙⵏⴰⵍⵍⵓⵏⵜ, ⵜⴰⵙⴻⵏⴳⴰⵎⴰ ⵏ ⵜⴰⵍⵍⵓⵏⵜ ⴷ ⵡⴰⴽⴰⵍ (ⵛⵔⴰⴰⴳ), ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵎⴻⵥⵍⵓ-ⵏⵏⴻⵙ (ⵎⴰⵚⵍⴰⵃⴰ) ⵉⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ ⵜⴻⵏⴽⴻⵔ ⵀⴰⵔⴰⵔⴰ ⴳⴰⵔ ⵎⴻⴷⴷⴻⵏ, ⵍⴰⴷⵖⴰ ⴳⴰⵔ ⵢⵉⵎⴻⵣⴷⴰⵖⴻⵏ ⵏ ⵜⵖⵉⵡⴰⵏⵉⵏ ⴰⵢ ⴷ-ⵢⴻⵣⵣⵉⵏ ⵉ ⵜⴻⵎⴷⵉⵏⵜ ⵏ ⵜⵉⵒⴰⵣⴰ ⴰⵎ ⵙⵉⴷⵉ ⵕⴰⵛⴻⴷ, ⵃⵎⴻⵕ ⵍⵄⵉⵏ, ⵏⵏⴰⴹⵓⵔ ⴷ ⵜⴳⵓⵔⴰⵢⵜ. ⵎⴰ ⴷ ⵛⴻⵔⵛⴰⵍ ⵜⴻⴳⵣⴻⵎ ⴷⴻⴳ-ⵙ ⵜⵔⵉⵙⵉⵜⵉ.