ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⴻⵏⵖⵉⵡⵜ ⵏ ⵧⵔⵍⴰⵏⴷⵧ: « ⴷ ⵜⴰⵊⵔⵉⵎⵜ ⵜⴰⵡⴻⵃⵛⵉⵜ » (ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵙⵙ ⵏ ⵍⵃⴻⴷⴷ, ⴷⴰⴽⴽⴻⵏ ⴰⵇⴻⵔⵔⴻⵙ ⵙ ⵔⵔⵚⴰⵚ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⴹ ⵏ ⵙⵙⴻⴱⵜ ⴷ ⵍⵃⴻⴷⴷ ⴷⴻⴳ ⵧⵔⵍⴰⵏⴷⵧ (ⴷⴻⴳ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵔⵉⴽⵜ) ⵢⴻⵔⵏⵓ ⵢⴻⵏⵖⴰ 50 ⵏ ⵎⴻⴷⴷⴻⵏ ⴷ « ⵜⴰⵊⵔⵉⵎⵜ ⵜⴰⵡⴻⵃⵛⵉⵜ ».
« ⵙ ⵡⴻⴷⵀⴰⵛ ⴷ ⴰⵎⴻⵇⵔⴰⵏ ⴰⵢ ⵉⵢⵉ-ⴷ-ⵢⴻⵡⵡⴻⴹ ⵢⵉⵙⴰⵍⵉ ⵏ ⵜⵏⴻⴳⵣⴰⵔⵜ (ⵎⴰⴵⵣⴰⵔⴰ) ⴰⵢ ⵢⴻⴳⵍⴰⵏ ⵙ ⵡⴰⵛⵃⴰⵍ ⵏ ⵢⵉⵎⴻⵜⵜⴰⵏⴻⵏ ⴷ ⵢⵉⵎⴻⵊⵔⴰⵃ ⴷⴻⴳ ⵜⴻⵎⴷⵉⵏⵜ ⵏ ⵧⵔⵍⴰⵏⴷⵧ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵜⴻⴱⵕⴰⵜ ⵏ ⵓⵄⴻⵣⵣⵉ ⴰⵢ ⵢⵓⵣⴻⵏ ⵉ ⵡⴻⵎⵜⵉⵍ-ⵏⵏⴻⵙ ⴰⵎⴰⵔⵉⴽⴰⵏⵉ, ⴱⴰⵔⴰⵛⴽ ⵧⴱⴰⵎⴰ.
« ⵜⴻⴽⴽⴰⵜ-ⴷ ⵍⴻⵣⵣⴰⵢⴻⵔ ⴷⴻⴳ ⵜⴻⵊⵔⵉⵎⵜ-ⴰ ⵜⴰⵡⴻⵃⵛⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵢⵉⵖⴻⴼ ⵏ ⵜⵎⵓⵔⵜ.
« ⵙ ⵢⵉⵙⴻⵎ ⵏ ⵡⴻⵖⵔⴻⴼ ⴰⴷⵣⴰⵢⵔⵉ, ⵏ ⵓⵏⴰⴱⴰⴹ-ⵏⵏⴻⵙ (ⵃⵓⴽⵓⵎⴰ) ⴷ ⵢⵉⵙⴻⵎ-ⵉⵏⵓ ⵓⴷⵎⴰⵡⴰⵏ, ⵜⵜⵄⴻⵣⵣⵉⵖ-ⴽⴻⵏ ⵙⴻⴳ ⵡⵓⵍ ⴰⵍⵇⴰⵢⴰⵏ ⵢⴻⵔⵏⵓ ⵜⵜⵡⴻⵚⵚⵉⵖ-ⴽⴻⵏ ⴰⴷ ⵜⴻⵙⵙⵉⵡⴹⴻⵎ ⴰⵢⴰ ⵉ ⵜⵡⴰⵛⵓⵍⵉⵏ ⵏ ⵡⵉⴷ ⵢⴻⵎⵎⵓⵜⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
« ⵙⵙⴰⵡⴰⴹⴻⵖ-ⴰⴽ-ⴷ, ⴰ ⵎⴰⵙⵙ ⴰⵙⴻⵍⵡⴰⵢ ⴷ ⵓⵎⴻⴷⴷⴰⴽⴻⵍ, ⵙⵙⵍⴰⵎ ⵙ ⵍⴻⵇⴷⴻⵔ ⴷ ⴰⵎⴻⵇⵔⴰⵏ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵢⵉⵖⴻⴼ ⵏ ⵜⵎⵓⵔⵜ.
