Asebter amenzawi

Timenɣiwt n Orlando: « d tajrimt taweḥcit » (aselway Bouteflika)

LEZZAYER TAMANEɣT– Yenna-d uselway n tegduda, Abdelaziz Bouteflika, ass n lḥedd, dakken aqerres s rrṣaṣ ay d-yellan deg yiḍ n ssebt d lḥedd deg Orlando (deg Yiwanaken Yeddukklen n Temrikt) yernu yenɣa 50 n medden d « tajrimt taweḥcit ».

« S wedhac d ameqran ay iyi-d-yewweḍ yisali n tnegzart (maǧzara) ay yeglan s wacḥal n yimettanen d yimejraḥ deg temdint n Orlando », ɣef wakken ay d-yenna uselway Bouteflika deg tebṛat n uɛezzi ay yuzen i wemtil-nnes amarikani, Barack Obama.

« Tekkat-d Lezzayer deg tejrimt-a taweḥcit », ɣef wakken ay d-yerna yiɣef n tmurt.

« S yisem n weɣref adzayri, n unabaḍ-nnes (ḥukuma) d yisem-inu udmawan, ttɛezziɣ-ken seg wul alqayan yernu ttweṣṣiɣ-ken ad tessiwḍem aya i twaculin n wid yemmuten », ɣef wakken ay d-yenna uselway n tegduda.

« Ssawaḍeɣ-ak-d, a Mass aselway d umeddakel, sslam s leqder d ameqran », ɣef wakken ay tt-id-yextem yiɣef n tmurt.