Asebter amenzawi

Afmiḍi n uxeddim n yigerdan ur yettɛeddi i 0,01% deg Lezzayer (amasay)

LEZZAYER TAMANEɣT – Afmiḍi n yigerdan ay ixeddmen deg Lezzayer ur iɛedda i 0,01% deg Lezzayer deg 2016, ɣef wakken ay d-iwekked ass n lḥedd deg Lezzayer Tamaneɣt umaswaḍ amatu n uxeddim deg weɣlif n uxeddim, Akli Berkati.

Iḥtacen ay tga teswaḍt (mufatticiyya) n uxeddim deg 2016 deg 11.000 n teṛmisin (carikat) tufa-d dakken 0,01% seg yixeddamen sɛan ddaw 16 n yiseggasen, ɣef wakken ay d-yenna Mass Berkati i tɣemsa deg yijifeṛ n yiwen n wemyager ay d-yellan i lmend n wass anmaḍal mgal uxeddim n yigerdan.

Yenna-d Mass Berkati dakken lqanun yessutur-d ttesriḥ n yimawlan akken ad yesɛu wegrud azref ad yexdem s leɛqed n uxeddim ma yesɛa gar 16 d 18 n yiseggasen, am wakken ay d-yenna dakken igerdan ur yewwiḍen ɣer leɛmeṛ usḍif (qanuni) n uxeddim laa xeddmen, s umata, deg teṛmisin timeẓyanin aydeg xeddmen ddaw 10 n yixeddamen deg yeḥricen n yimeẓla (xadamat) d tenḍi.

Ma yettwakcef-d waya, ad gen yimeẓla n teswaḍt aṛabul ad yettwaznen i yemwekkel n tegduda.

Deg wakk tignatin aydeg d-ttafen igerdan ixeddmen, imeẓla n teswaḍt n uxeddim ttṣeggimen tagnit-nni ɣef leḥsab n lqanun. Taswaḍt tettḥettim bab n teṛmist ad yeḥbes agrud-nni seg uxeddim yernu ad t-iwehhi ɣer wammas n ussileɣ (takwin) akken ad yelmed ṣṣenɛa.

Deg waṭas n tegnatin, daɣ, igerdan xeddmen i yiman-nsen neɣ ɣer twaculin-nsen yernu, akken ad yeḥbes waya, yenna-d umasay-a (mas’ul) dakken yessefk ad d-yili wesḥulfu.