ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴰⴷⵉ ⵖⴻⴼ ⵍⴻⵙⵡⴰⵇ ⵉⵎⴰⵢⵏⵓⵜⴻⵏ ⵉ ⵓⵙⵙⴻⵏⵣⵉ ⵏ ⵓⴼⵓⵙⴼⴰⵟ (ⴰⵏⴻⵖⵍⴰⴼ)

ⵜⴱⴻⵙⵙⴰ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ, ⴰⴱⴷⴻⵙⵍⴰⵎ ⴱⵧⵓⵛⵀⵧⵓⴰⵔⴻⴱ, ⴰⵙⵙ ⵏ ⵍⵃⴻⴷⴷ, ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵖⴻⴼ ⵓⵙⵓⴷⴷⵉⵙ ⵏ ⵍⵎⵉⵏⴰⵜ ⵏ ⴵⴱⴻⵍ ⵄⵓⵏⵇ (100 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵡⴻⵏⵥⵓⵍ ⵏ ⵜⴱⴻⵙⵙⴰ) ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵏⴰⴷⵉ ⵖⴻⴼ ⵍⴻⵙⵡⴰⵇ ⵉⴳⵔⴰⵖⵍⴰⵏⴻⵏ ⵉⵎⴰⵢⵏⵓⵜⴻⵏ ⵉ ⵓⵙⵙⴻⵏⵣⵉ ⵏ ⵓⴼⵓⵙⴼⴰⵟ.

ⴰⴷⴰⴼ ⵖⴻⵔ ⵍⴻⵙⵡⴰⵇ ⵉⵎⴰⵢⵏⵓⵜⴻⵏ « ⴰⴷ ⵢⴻⵙⵙⴻⵊⵀⴻⴷ ⴰⵎⴻⴷⵅⵓⵍ ⵏ ⵢⴻⴷⵔⵉⵎⴻⵏ ⵉⵊⴻⵀⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⵉⴹⴻⴼⵔⴻⵏ, ⴷⴻⴳ ⵜⴻⵔⵣⵉ-ⴰ, ⴰⵇⴻⴷⴷⴻⵎ ⵖⴻⴼ ⵍⵎⵉⵏⴰ-ⴰ ⴰⵢ ⵢⴻⵙⵄⴰⵏ 11.000 ⵏ ⵢⵉⵇⴻⵟⵟⴰⵔⴻⵏ ⵢⴻⴱⴹⴰⵏ ⵖⴻⴼ 4 ⵏ ⵢⵉⴷⴻⴳⴳⴻⵏ, ⵎⴰⵛⴰ ⴰⵍⴰ ⵢⵉⵡⴻⵏ ⴰⵢ ⵢⴻⵜⵜⵡⴰⵖⴻⵍⵍⵜⴻⵏ.

ⵙⴻⴳ-ⴰ ⵖⴻⵔ 2020, ⴰⵙⵓⴷⴷⵉⵙ-ⴰ ⴰⵢ ⵢⴻⵙⵙⴻⵅⴷⴰⵎⴻⵏ 1.400 ⵏ ⵢⵉⵅⴻⴷⴷⴰⵎⴻⵏ, ⴰⴷ ⵢⴻⵔⵏⵓ ⴰⴼⴰⵔⴻⵙ-ⵏⵏⴻⵙ (ⵉⵏⵜⴰⴵ) ⵖⴻⵔ 8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵉ ⵓⵙⴻⴳⴳⴰⵙ, ⵢⵉⵍⵉ ⴰⵙⵙ-ⴰ, ⵍⴰ ⴷ-ⵢⴻⵙⵙⵓⴼⴼⵓⵖ ⴽⴰⵏ 2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ, ⵢⴻⵔⵏⵓ ⴰⴷ ⵜⴻⵜⵜⵡⴰⵡⴻⵀⵀⴰⵢ ⵍⵄⵓⵍⴰ-ⴰ ⵖⴻⵔ ⵢⵉⵙⵓⴷⴷⵉⵙⴻⵏ ⵏ ⵓⴼⵓⵙⴼⴰⵟ ⵏ ⵍⴻⵄⵡⵉⵏⴰⵜ (ⵜⴱⴻⵙⵙⴰ), ⵡⴰⴷ ⴽⴱⵉⵔⴰⵜ (ⵙⵓⵇ ⴰⵀⵕⴰⵙ) ⴷ ⵃⴵⴻⵕ ⵙⵙⵓⴷ (ⵙⴽⵉⴽⴷⴰ).

ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵡⴰⵏⴰⴽ (ⴷⴰⵡⵍⴰ) ⵢⴻⵜⵜⵄⴰⵡⴰⵏ ⵉⵙⵙⴻⴼⵜⵉⵢⴻⵏ ⴰⵢ ⴷ-ⵢⴻⵙⵙⵉⴷⵉⴼⴻⵏ ⵉⴷⵔⵉⵎⴻⵏ ⵢⴻⵔⵏⵓ ⵙⵏⵓⵍⴼⵓⵢⴻⵏ-ⴷ ⴰⵅⴻⴷⴷⵉⵎ. ⵎⴰ ⴷ ⵉⵎⴰⵡⵍⴰⵏ ⵏ ⵢⵉⴽⴰⵎⵢⵓⵏⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵜⴻⵎⵏⴰⴹⵜ-ⴰ ⵢⴻⵔⵏⵓ ⵙⵙⴰⵡⴰⴹⴻⵏ ⴰⴼⵓⵙⴼⴰⵟ ⵖⴻⵔ ⵢⵉⵙⵓⴳⴰⵏ (ⵎⴰⵡⴰⵏ’ⵉ), ⵢⴻⴽⴽⴻⵙ-ⴰⵙⴻⵏ ⵓⵏⴻⵖⵍⴰⴼ ⴰⵖⴱⴻⵍ ⵢⴻⵔⵏⵓ ⵢⴻⵏⵏⴰ-ⴰⵙⴻⵏ ⴷⴰⴽⴽⴻⵏ ⵎⴰⵣⴰⵍ ⴰⴷ ⴽⴻⵎⵎⵍⴻⵏ ⴰⵅⴻⴷⴷⵉⵎ-ⵏⵙⴻⵏ ⴷⴻⴳ ⵡⴻⵏⵔⴰⵔ-ⴰ.

ⵍⴰ ⴷ-ⵜⵜⵉⵍⵉⵏⵜ ⵜⴻⵣⵔⴰⵡⵉⵏ ⵉ ⵓⵖⴻⵍⵍⴻⵜ ⵏ ⵍⵎⵉⵏⴰ ⵏ ⴱⵍⴻⴷ ⴻⵍ ⵀⴻⴷⴱⴰ ⴰⵢ ⵢⴻⵙⵄⴰⵏ ⵜⴰⵊⵓⵎⵎⴰ ⵏ 2.200 ⵏ ⵢⵉⵇⴻⵟⵟⴰⵔⴻⵏ ⴷⴻⴳ ⵜⵖⵉⵡⴰⵏⵜ ⵏ ⴱⵉⵔ ⵍⵄⴰⵜⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⴷ ⵜⴻⴱⴷⵓ ⵍⵎⵉⵏⴰ-ⴰ ⴰⵅⴻⴷⴷⵉⵎ ⴷⴻⴳ « ⵜⴳⴰⵔⴰ ⵏ 2017 » ⵙ ⵜⴻⵣⵎⴻⵔⵜ ⵏ 6 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷ 1000 ⵏ ⵢⵉⵅⴻⴷⴷⴰⵎⴻⵏ. ⴰⵙⵎⵉ ⴰⴷ ⵜⴻⴱⴷⵓ ⵍⵎⵉⵏⴰ-ⴰ ⴰⵅⴻⴷⴷⵉⵎ, ⴰⴷ ⵜⵓⵖⴰⵍ ⵍⴻⵣⵣⴰⵢⴻⵔ ⵜⴻⴽⴼⴰ-ⴷ ⵉⵎⴰⵏ-ⵏⵏⴻⵙ ⵙ ⵓⴼⵓⵙⴼⴰⵟ ⵢⴻⵔⵏⵓ ⴰⴷ ⵢⴻⵔⵏⵓ ⵓⵎⴻⴷⵅⵓⵍ-ⵏⵏⴻⵙ ⵙⴻⴳ ⵓⵙⵙⴻⵏⵣⵉ ⵏ ⵍⵖⴻⵍⵍⴰ-ⴰ.