ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵡⴻⵀⵕⴰⵏ: ⴰⵄⴰⵡⴻⴷ ⵏ ⵓⵚⴻⴳⴳⴻⵎ ⵏ ⵍⵄⵓⵍⴰⵜ ⴰⵢ ⵢⴻⵙⵄⴰ ⵓⵙⴰⵍⴰⵢ ⴰⵖⴻⵍⵏⴰⵡ ⵏ « ⴰⵀⵎⴻⴷ-ⵣⴰⴱⴰⵏⴰ »

ⵡⴻⵀⵕⴰⵏ – ⴰⵄⴰⵡⴻⴷ ⵏ ⵓⵚⴻⴳⴳⴻⵎ ⵏ ⵍⵄⵓⵍⴰⵜ ⵏ ⵓⵙⴰⵍⴰⵢ (ⵎⵓⵜⵃⴰⴼ) ⴰⵖⴻⵍⵏⴰⵡ ⵏ « ⴰⵀⵎⴻⴷ-ⵣⴰⴱⴰⵏⴰ » ⵏ ⵡⴻⵀⵕⴰⵏ ⴰⴷ ⴷ-ⵉⵃⴰⵣ 20.000 ⵏ ⵢⵉⵅⴻⴷⴷⵉⵎⴻⵏ ⵙⴻⴳ ⴳⴰⵔ 200.000 ⴰⵢ ⵢⴻⵜⵜⵡⴰⵊⴻⵎⵄⴻⵏ ⴷⴻⴳ ⵓⵙⴰⵍⴰⵢ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵏⴻⵎⵀⴰⵍ-ⵏⵏⴻⵙ (ⵎⵓⴷⵉⵔ).

ⴰⵄⴰⵡⴻⴷ-ⴰ ⵏ ⵓⵚⴻⴳⴳⴻⵎ ⴰⴷ ⴷ-ⵉⵃⴰⵣ ⵜⵉⵍⴽⴻⵏⵙⵉⵢⵉⵏ (ⵎⴰⴵⵎⵓⵄⴰⵜ) ⵜⵉⵙⴻⵏⵣⵉⴽⴰⵏⵉⵏ, ⵜⵉⵙⴻⵏⵖⴻⵔⴼⴰⵏⵉⵏ ⴷ ⵜⵥⵓⵔⴰⵏⵉⵏ (ⴼⴰⵏⵏⵉⵢⵢⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⴰⵍⴰⵀ ⴰⵎⵧⴽⵔⴰⵏⴻ ⴷⴻⴳ ⵢⵉⵊⵉⴼⴻⵕ ⵏ ⵓⵙⵙⵉⵍⴻⵖ ⵖⴻⴼ ⵓⵄⴰⵡⴻⴷ ⵏ ⵓⵙⵙⵓⴷⴷⴻⵙ ⵏ ⵍⵄⵓⵍⴰⵜ ⵏ ⵢⵉⵙⴰⵍⴰⵢⴻⵏ.

ⴰⵄⴰⵡⴻⴷ ⵏ ⵓⵙⵙⵓⴷⴷⴻⵙ ⵏ ⵍⵄⵓⵍⴰⵜ ⴷⴻⴳ ⵓⵙⴰⵍⴰⵢ ⵏ « ⴰⵀⵎⴻⴷ-ⵣⴰⴱⴰⵏⴰ » ⴷ ⴰⵃⵔⵉⵛ ⵙⴻⴳ ⵓⵍⴰⵖⵎⵓ ⵏ ⵓⵙⵙⵉⵍⴻⵖ-ⴰ (ⵜⴰⴽⵡⵉⵏ) ⴰⴷ ⵉⴽⴻⵎⵎⵍⴻⵏ ⴰⵔⵎⴰ ⴷ 23 ⵢⵓⵏⵢⵓ ⵙ ⵓⵜⵜⴻⴽⴽⵉ ⵏ ⵢⵉⵎⴰⴳⴰⵥⴻⵏ (ⵎⵓⵃⴰⴼⵉⴹⵉⵏ) ⵢⵉⵍⴻⵎⵥⵉⵢⴻⵏ ⵙⴻⴳ 20 ⵏ ⵢⵉⵙⴰⵍⴰⵢⴻⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.

ⴰⵙⵙⵉⵍⴻⵖ ⵢⴻⵍⵀⴰ-ⴷ ⵢⵉⴷ-ⵙ ⵢⵉⵡⴻⵏ ⵏ ⵓⵎⴰⵣⵣⴰⵢ (ⵅⴰⴱⵉⵔ) ⵏ ⵡⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵜⴻⵣⵔⴰⵡⵉⵏ ⵏ ⵡⴰⴳⴳⴰⵥ ⴷ ⵓⵔⴻⵇⵇⴻⵄ ⵏ ⵡⴰⵢⵍⴰ ⴰⴷⴻⵍⵙⴰⵏ ⵢⴻⵍⵍⴰⵏ ⴷⴻⴳ ⵟⵟⴰⵍⵢⴰⵏ, ⵢⴻⵔⵏⵓ ⵢⴻⵍⵍⴰ-ⴷ ⵓⵙⵙⵉⵍⴻⵖ-ⴰ ⴷ ⵜⴰⴳⵏⵉⵜ ⵉ ⵓⵄⴰⵡⴻⴷ ⵏ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵜⴻⵍⴽⴻⵏⵙⵉⵢⵉⵏ ⵖⴻⴼ ⵍⴻⵃⵙⴰⴱ ⵏ ⵜⴰⵔⵔⴰⵢⵉⵏ ⴷ ⵜⴻⵜⵡⵉⵍⵉⵏ ⵢⴻⵜⵜⵡⴰⴹⴼⴰⵔⴻⵏ ⴰⵙⵙ-ⴰ ⴷⴻⴳ ⵓⵎⴰⴹⴰⵍ.

ⵉⵙⵡⵉ ⵏ ⵜⴻⵎⵀⴻⵍⵜ-ⴰ (ⵄⴰⵎⴰⵍⵉⵢⵢⴰ) ⴷ ⴰⵙⵙⵉⴼⵙⴻⵙ ⵏ ⵛⵛⵖⴻⵍ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⴰⵍⴰⵢ ⵏ « ⴰⵀⵎⴻⴷ-ⵣⴰⴱⴰⵏⴰ » ⴷⴻⴳ ⵡⴻⵏⵔⴰⵔ ⵏ ⵡⴰⴳⴳⴰⵥ (ⵃⵉⴼⴰⴹ) ⵏ ⵜⴻⵍⴽⴻⵏⵙⵉⵢⵉⵏ ⴰⴽⴽⴻⵏ ⴰⴷ ⵇⵇⵉⵎⴻⵏⵜ ⴷⴻⴳ ⵜⴻⴳⵏⵉⵜ ⵢⴻⵍⵀⴰⵏ, ⴷ ⵓⵙⵙⴻⴼⵔⴻⴽ-ⵏⵙⴻⵏⵜ, ⵍⴰⴷⵖⴰ ⵉⵎⵉ ⴰⵙⴰⵍⴰⵢ-ⴰ ⵢⴻⵃⵕⴻⵙ ⵢⵉⵍⵉ, ⴰ ⵡⵉⵏ ⵢⵓⴼⴰⵏ, ⵢⴻⵙⵙⴻⴼⴽ ⴰⴷ ⵢⵉⵍⵉ ⵓⵙⴰⵍⴰⵢ ⵢⴻⵡⵙⴻⵄ ⴰⴽⴽⴻⵏ ⴰⴷ ⴷ-ⵜⵜⵉⵍⵉⵏ ⴷⴻⴳ-ⵙ ⵍⴻⵛⵖⴰⵍ ⵏⵉⴹⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.

ⵙ ⵡⴰⵢⴰ, ⴰⵙⴰⵍⴰⵢ, ⵍⴻⵎⵎⴻⵔ ⴷⴰⵏⵉ, ⵓⵔ ⴷ-ⵢⴻⵜⵜⵉⵍⵉ ⴰⵍⴰ ⵉ ⵜⵣⵉⴽⴽⵏⵉⵏ ⴽⴰⵏ, ⵡⴰⵏⴰⴳ ⵢⴻⵙⵙⴻⴼⴽ ⴰⴷ ⵢⴻⵙⵄⵓ ⴷⴰⵖ ⵉⵏⴻⴳⵎⵉⵢⴻⵏ (ⵎⴰⵅⴰⴱⵉⵔ) ⵏ ⵓⵔⴻⵇⵇⴻⵄ ⴷ ⵓⵙⵙⴻⴼⵇⴻⴷ ⴷ ⵢⵉⵎⵓⴽⴰⵏ ⵢⴻⵇⵇⵏⴻⵏ ⵖⴻⵔ ⵍⴻⵛⵖⴰⵍ ⵏⵉⴹⴻⵏ.

ⴰⵄⴰⵡⴻⴷ-ⴰ ⵏ ⵓⵙⵙⵓⴷⴷⴻⵙ ⴰⴷ ⵢⴻⴵⴵ ⵡⵉⴷ ⴰⵢ ⴷ-ⵢⴻⵍⵀⴰⵏ ⵢⵉⴷ-ⵙ ⴰⴷ ⴷ-ⴰⴼⴻⵏ ⵍⵄⵓⵍⴰⵜ ⵜⵉⵎⵅⴻⵢⵢⵔⵉⵏ, ⴰⴷ ⵜⴻⵏⵜ-ⵊⴻⵔⵔⴷⴻⵏ, ⴰⵄⴰⵡⴻⴷ ⵏ ⵜⵎⵓⵖⵍⵉ ⵓⵀⴻⵢⵢⵉ ⵏ ⵜⵣⵉⴽⴽⵏⵉⵏ ⵜⵉⵎⴰⵢⵏⵓⵜⵉⵏ ⴰⴽⴽⴻⵏ ⴰⴷ ⵜⴻⵏⵜ-ⵉⴷ-ⵙⵙⴻⵔⵙⴻⵏ ⵉ ⵡⴻⴳⴷⵓⴷ.