Asebter amenzawi

Wehṛan: aɛawed n uṣeggem n lɛulat ay yesɛa usalay aɣelnaw n « Ahmed-Zabana »

WEHṚAN – Aɛawed n uṣeggem n lɛulat n usalay (mutḥaf) aɣelnaw n « Ahmed-Zabana » n Wehṛan ad d-iḥaz 20.000 n yixeddimen seg gar 200.000 ay yettwajemɛen deg usalay-a, ɣef wakken ay aɣ-d-yenna unemhal-nnes (mudir).

Aɛawed-a n uṣeggem ad d-iḥaz tilkensiyin (maǧmuɛat) tisenzikanin, tisenɣerfanin d tẓuranin (fanniyya), ɣef wakken ay d-yenna Salah Amokrane deg yijifeṛ n ussileɣ ɣef uɛawed n ussuddes n lɛulat n yisalayen.

Aɛawed n ussuddes n lɛulat deg usalay n « Ahmed-Zabana » d aḥric seg ulaɣmu n ussileɣ-a (takwin) ad ikemmlen arma d 23 Yunyu s uttekki n yimagaẓen (muḥafiḍin) yilemẓiyen seg 20 n yisalayen n tmurt, ɣef wakken ay d-yerna.

Assileɣ yelha-d yid-s yiwen n umazzay (xabir) n wammas agraɣlan n tezrawin n waggaẓ d ureqqeɛ n wayla adelsan yellan deg Ṭṭalyan, yernu yella-d ussileɣ-a d tagnit i uɛawed n ussuddes (tanḍim) n telkensiyin ɣef leḥsab n tarrayin d tetwilin yettwaḍfaren ass-a deg umaḍal.

Iswi n temhelt-a (ɛamaliyya) d assifses n ccɣel n yixeddamen n usalay n « Ahmed-Zabana » deg wenrar n waggaẓ (ḥifaḍ) n telkensiyin akken ad qqiment deg tegnit yelhan, d ussefrek-nsent, ladɣa imi asalay-a yeḥṛes yili, a win yufan, yessefk ad yili usalay yewseɛ akken ad d-ttilin deg-s lecɣal niḍen, ɣef wakken ay aɣ-d-nnan.

S waya, asalay, lemmer dani, ur d-yettili ala i tzikknin kan, wanag yessefk ad yesɛu daɣ inegmiyen (maxabir) n ureqqeɛ d ussefqed d yimukan yeqqnen ɣer lecɣal niḍen.

Aɛawed-a n ussuddes ad yeǧǧ wid ay d-yelhan yid-s ad d-afen lɛulat timxeyyrin, ad tent-jerrden, aɛawed n tmuɣli uheyyi n tzikknin timaynutin akken ad tent-id-ssersen i wegdud.