ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴱⵟⴰⵍ ⵏ ⵡⴻⵎⵜⴰⵡⴰ ⵏ ⵜⴽⴻⵔⵔⴰⵣⵜ ⴳⴰⵔ ⵜⵓⵕⵓⴼⵜ ⴷ ⵎⴻⵕⵕⵓⴽ: ⵢⴻⵙⵙⴻⴼⴽ ⴰⴷ ⴷ-ⵉⵃⴻⵜⵜⴻⵎ ⵛⵛⵕⴻⵄ ⵏ ⵜⵓⵕⵓⴼⵜ ⵉⵎⴰⵏ-ⵏⵏⴻⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴻⴳⴷⴰⵢⵜ, ⵎⵧⵀⴰⵎⴻⴷ ⵙⴰⵍⴻⵎ ⵧⵓⵍⴷ ⵙⴰⵍⴻⴽ, ⴰⵙⵙ ⵏ ⵍⵃⴻⴷⴷ, ⴷⴰⴽⴽⴻⵏ ⵜⴰⴷⵡⵉⵍⵜ ⵜⴰⵎⴻⵣⵡⴰⵔⵓⵜ ⵏ ⵜⵔⵓⵥⵓ ⵏ ⵛⵛⵕⴻⵄ ⴰⵢ ⴷ-ⵢⴻⵙⵙⵓⴼⴼⴻⵖ ⵡⴻⵅⵅⴰⵎ ⵏ ⵛⵛⵕⴻⵄ ⵓⵕⵓⴼⵉ ⵖⴻⴼ ⵡⴻⴱⵟⴰⵍ ⵏ ⵡⴻⵎⵜⴰⵡⴰ ⵏ ⵜⴽⴻⵔⵔⴰⵣⵜ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ ⴰⴷ ⴷ-ⵢⵉⵍⵉ ⴰⵙⵙ ⵏ 19 ⵢⵓⵍⵢⵓ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵅⵅⴰⵎ ⵏ ⵛⵛⵕⴻⵄ ⵓⵕⵓⴼⵉ ⵢⴻⴳⴳⵓⵏⵉ-ⵜ ⵛⵛⵖⴻⵍ ⵉⵡⴻⵄⵕⴻⵏ ⴰⵢⴷⴻⴳ ⴰⵢ ⵢⴻⵙⵙⴻⴼⴽ ⴰⴷ ⴷ-ⵉⵃⴻⵜⵜⴻⵎ ⵕⵕⴰⵢ-ⵏⵏⴻⵙ.

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ ⵜⵎⴰⵀⴻⵍⵜ (ⵙⴰⴼⴰⵔⴰ) ⵏ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵏⵏⴰ-ⴷ ⵎⴰⵙⵙ ⵧⵓⵍⴷ ⵙⴰⵍⴻⴽ ⴷⴰⴽⴽⴻⵏ ⴷⴻⴼⴼⵉⵔ ⵎⴰ ⵢⴻⴼⴼⴻⵖ-ⴷ ⵛⵛⵕⴻⵄ-ⴰ ⴰⵢ ⵢⴻⵙⴱⴻⵟⵍⴻⵏ ⴰⵙⵙⴻⵏⵣⵉ ⵏ ⵢⵉⴼⴰⵔⵉⵙⴻⵏ (ⵎⴰⵏⵜⵓⴵⴰⵜ) ⵏ ⵜⴽⴻⵔⵔⴰⵣⵜ ⴷ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ, « ⵜⵃⵓⵕⴻⴼ ⵎⴻⵕⵕⵓⴽ ⴷ ⴽⵔⴰ ⵏ ⵜⵎⵓⵔⴰ ⵏ ⵜⵓⵕⵓⴼⵜ, ⴳⴰⵔ-ⴰⵙⴻⵏⵜ ⴼⵕⴰⵏⵙⴰ, ⴰⴽⴽⴻⵏ ⴰⴷ ⵃⴻⵕⵙⴻⵏⵜ ⴰⵅⵅⴰⵎ ⵏ ⵛⵛⵕⴻⵄ ⵓⵕⵓⴼⵉ ⴰⴽⴽⴻⵏ ⴰⴷ ⵢⵓⵖⴰⵍ ⴷⴻⴳ ⵡⴰⵡⴰⵍ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴱⵟⴰⵍ-ⴰ ».

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵖⵉⵎⵉⵜ ⵏ ⵜⵔⵓⵥⵉ ⵏ ⵛⵛⵕⴻⵄ, ⵢⴻⵏⵏⴰ-ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵚⴻⵃⵔⴰⵡⵉ ⴷⴰⴽⴽⴻⵏ « ⵜⵉⵖⵉⵎⵉⵜ ⵜⴰⵎⴻⵣⵡⴰⵔⵓⵜ ⴰⴷ ⴷ-ⵜⵉⵍⵉ ⴰⵙⵙ ⵏ 19 ⵢⵓⵍⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ ⵢⴻⵔⵏⵓ ⴰⴷ ⴷ-ⵜⵉⵍⵉ ⵉ ⵡⴻⵙⴼⵓⴽⴻⵍ », ⵢⴻⵔⵏⵓ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵜⴰⵔⵓⵥⵉ-ⴰ ⵏ ⵛⵛⵕⴻⵄ ⵜⴻⵇⵇⴻⵏ ⵖⴻⵔ ⵜⵙⴻⵔⵜⵉⵜ, ⵎⴰⵛⵉ ⵖⴻⵔ ⵍⵇⴰⵏⵓⵏ.

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵢⴻⵍⵍⴰ ⵛⵛⴻⴽ ⴷⴰⴽⴽⴻⵏ ⴼⵕⴰⵏⵙⴰ ⵜⴻⵃⵕⴻⵙ ⵜⵉⵎⵓⵔⴰ ⵜⵓⵕⵓⴼⵉⵢⵉⵏ ⵏⵉⴹⴻⵏ, ⴳⴰⵔ-ⴰⵙⴻⵏⵜ ⵙⵒⴻⵏⵢⵓⵍ, ⵒⵓⵕⵜⵓⴳⴰⵍ, ⴱⵉⵍⵊⵉⴽ ⴷ ⵍⴰⵍⵎⴰⵏ ⴰⴽⴽⴻⵏ ⴰⴷ ⵜⴻⵏⵜ-ⵜⴻⵙⵙⴻⵇⵏⴻⵄ ⴰⴷ ⵔⵥⴻⵏⵜ ⵛⵛⵕⴻⵄ ⵏ ⵡⴻⵅⵅⴰⵎ ⵏ ⵛⵛⵕⴻⵄ ⵓⵕⵓⴼⵉ.

ⵙ ⵡⴰⵢⴰ, ⴰⵅⵅⴰⵎ ⵏ ⵛⵛⵕⴻⵄ ⵓⵕⵓⴼⵉ ⵢⴻⵜⵜⵎⴰⴳⴰⵔ ⵓⴳⵓⵔ ⴷ ⴰⵡⴻⵄⵕⴰⵏ, ⴷ ⵡⵉⵏ ⴰⵢⴷⴻⴳ ⴰⵢ ⵢⴻⵙⵙⴻⴼⴽ ⴰⴷ ⴷ-ⵢⴻⵙⵙⴽⴻⵏ ⴷⴰⴽⴽⴻⵏ ⵢⴻⵙⵄⴰ ⴰⵣⴰⵔⵓⴳ (ⵉⵙⵜⵉⵇⵍⴰⵍ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.