Asebter amenzawi

Tabatent: ugar n 20.000 n yinerzafen ɣef tmesrit n ufaris aɣelnaw (amasay)

TABATENT – Ugar n 20.000 n yinerzafen ay d-yerzan ɣef tmesrit (ṣalun) n ufaris (mantuǧ) aɣelnaw seg wasmi ay yerẓem ass n 2 Yunyu yezrin deg tzeqqa n tzikknin n Asihaṛ n Tbatent, armi d asmi ay yerẓem ass n lḥedd tameddit, ɣef wakken ay d-yenna unemhal n texxamt n tnezzut d temguri n Wewras, Mebrouk Bezzaz.

S waya, nnan-d yemzikknen dakken azal n 2.300 n yemdanen ay yellan rezzun-d deg wass, amur ameqran seg-sen d tisednan.

Tamesrit-a rzan-d fell-as medden s lḥir d ameqran yernu teɣli-d d tezwara n wayyur n Remḍan. Aṭas n yifarisen idiganen (maḥalliyya) n tuččit ay d-yersen deg-s.

Kra seg yinerzafen ay nesseqsa nnan-d dakken ssumat n yifarisen ay d-yersen deg tmesrit-a qewment, ur ɣlayit, yernu kra n yifarisen nzan s ssuma n lluzin am yifarisen n ukeffay n lluzin n Aures-Lait.

Aṭas n medden ay yessutren seg yemsuddsen n tedyant-a ad sɣezfen tallit n tmesrit-a akken ad zemren aṭas n medden ad d-qḍun seg-s.

Seg yidis niḍen, kra n yemzikknen nnan-d dakken ula ma tadyant-a teqqim 9 n wussan, yella-d waya drus, ɣef wakken ay d-yenna Abdelhaq Tiar, bab n teṛmist n ussenzi n tini deg Tbeskert, am wakken ay d-yerna dakken tamesrit-a terbeḥ seg wakk idisan.