Asebter amenzawi

Aḥric n ukayad n lbak : tebda tuddma n tseɣriwin

LEZZAYER TAMANEɣT – Akala n uḥric n yikayaden n lbak aseggas aɣurbiz 2016 i yerzan 38% n yibalmuden yebda ass n letniyen aḥric n tuddma n tseɣriwin seg udeg n Internet n Tuddsa taɣelnawt n yikayaden akked tzizwirin (ONEC) (http://bac.onec.dz).

Iḥricen n yikayaden ara yettwalsen seg wass n 19 ɣer 23 yunyu rzan sa (7) n yisental deg tussna, kuẓ (4) n yisental deg tusnakt, tusnakt tatwilant akked usefrek adamsan, akked yiwen n usentel n tutlayin tiwerdanin.

Taneɣlaft n Usegmi aɣelnaw, Mass Benghebrit tenna-d dakken « 38% n wid ara yesɛeddin akayad (818.518 deg uswir aɣelnaw) yerza-ten uḥric n yikayaden n Lbak.

Terna tderrer-d dakken aḥric n yikayaden « ad ḍrun ɣef leḥsab n uzenziɣ ussnan asensegman i nennum, yes-s ara ddun ikayaden akked useɣti-nsen ».