ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ : ⵎⵔⴰⵡ ⴷ ⵢⵉⵡⴻⵜ ⵏ ⵍⴱⵓⵎⴱⴰⵜ ⵉ ⵙⴷⴻⵔⵎⴻⵏ ⴷⴻⴳ ⵎⴷⵉⵢⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙⴷⴻⵔⵎⴻⵏ, ⵎⵔⴰⵡ ⴷ ⵢⵉⵡⴻⵜ (11) ⵏ ⵍⴱⵓⵎⴱⴰⵜ, ⵢⵉⵡⴻⵏ ⵡⴰⴳⵓⵙ ⵏ ⵓⴼⴻⵅⵙⴰⵢ ⴰⴽⴽⴻⴷ ⵡⴰⵍⵍⴰⵍⴻⵏ ⵏ ⵓⵙⵟⴻⵔⴹⴻⵇ, ⵢⵉⵖⴰⵍⵍⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ⴷⴻⴳ ⵓⵎⴹⵉⵇ ⵏ ⵔⵡⴰⴽⴻⵛ, ⵜⴰⵡⵉⵍⴰⵢⵜ ⵏ ⵎⴷⵉⵢⴰ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).

‘’ⴷⴻⴳ ⵓⴽⴰⵜⴰⵔ ⵏ ⵜⴻⵎⵣⴻⵍⵜ ⵉ ⵎⴰⵣⴰⵍ ⵙⵙⴻⴷⴷⵓⵢⴻⵏ ⵢⵉⵖⴰⵍⵍⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ⴷⴻⴳ ⵓⵎⴹⵉⵇ ⵏ ⵔⵡⴰⴽⴻⵛ, ⵜⴰⵡⵉⵍⴰⵢⵜ ⵏ ⵎⴷⵉⵢⴰ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ), ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵜⵓⴼⴰ ⵙⴰⴽⵉⵏ ⵜⵀⵓⴷ, ⴰⵙⵙ ⵏ 12 ⵢⵓⵏⵢⵓ 2016, ⵎⵔⴰⵡ ⴷ ⵢⵉⵡⴻⵏⵜ (11) ⵏ ⵍⴱⵓⵎⴱⴰⵜ, ⵢⵉⵡⴻⵏ ⵏ ⵡⴰⴳⵓⵙ ⵏ ⵓⴼⴻⵅⵙⴰⵢ ⴰⴽⴽⴻⴷ ⵡⴰⵍⵍⴰⵍⴻⵏ ⵏ ⵓⵙⵟⴻⵔⴹⴻⵇ, ⵉ ⴷ-ⵢⴻⵙⴷⴻⴷ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).

ⴷⴻⴳ ⵜⵎⴻⵏⵖⴰⵙⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6), ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏⵏⵉⴹⴻⵏ « ⵜⴻⵟⵟⴻⴼ ⵙⴰⴽⵉⵏ ⵜⴻⴽⴽⴻⵙ ⵢⵉⵡⴻⵜ ⵏ ⵜⴽⴻⵔⵔⵓⵙⵜ ⴰⴽⴽⴻⴷ 25 ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ », ⵎⴰ ⴷⴻⴳ ⵜⵍⴻⵎⵙⴰⵏ, (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2), ⵉⴼⴻⵔⴷⵉⵙⴻⵏ ⵏ ⵜⵄⴻⵙⵙⴰⵙⵜ ⵏ ⵜⵍⵉⵙⴰ « ⵟⵟⴼⴻⵏ ⵢⵉⵡⴻⵏ ⵏ ⵓⵎⵙⴻⵜⵜⵉ ⴽⵙⴻⵏ-ⴰⵙ 21300 ⵏ ⵜⵄⴻⵇⵇⴰⵛⵉⵏ ⵏ ⴷⴷⵡⴰ ».

ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵢⵉⵏⵉⴳ ⴱⴻⵔⵔⴰ ⵏ ⵓⵚⴰⴹⵓⴼ, ⵉⴼⴻⵔⴷⵉⵙⴻⵏ ⵏ ⵜⵄⴻⵙⵙⴰⵙⵜ ⵏ ⵢⵉⵍⵍⴻⵍ ⵏ ⵎⵙⴻⵜⵖⴰⵏⴻⵎ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2) « ⵟⵟⴼⴻⵏ 20 ⵏ ⵢⵉⵎⴷⴰⵏⴻⵏ ⵢⴻⴽⴽⵔⴻⵏ ⴰⴷ ⵉⵏⵉⴳⴻⵏ ⴱⴻⵔⵔⴰ ⵏ ⵓⵚⴰⴹⵓⴼ ⵖⴻⴼ ⵢⵉⵡⴻⵜ ⵏ ⵜⴻⴼⵍⵓⴳⵜ ⵏ ⵓⴽⴰⵡⴻⵞⵞⵓ ⴷⴻⴳ ⵓⴳⴰⴼⴰ ⴰⴳⵎⵓⴹⴰⵏ ⵏ ⵛⴰⵒ ⵡⵉⵍⵍⵉⵙ ⴷⴻⴳ ⵎⵙⴻⵜⵖⴰⵏⴻⵎ.