Asebter amenzawi

Amennuɣ mgal n yiremmaɣen : mraw d yiwet n lbumbat i sdermen deg Mdiya

LEZZAYER TAMANEɣT – Sdermen, mraw d yiwet (11) n lbumbat, yiwen wagus n ufexsay akked wallalen n usṭerḍeq, yiɣallen n Tredsa taɣelnawt taɣerfant (ANP) deg umḍiq n Rwakec, tawilayt n Mdiya, i d-yenna yiwen n ulɣu n uɣlif n Temḥaddit taɣelnawt (MDN).

‘’Deg ukatar n temzelt i mazal ssedduyen yiɣallen n Tredsa taɣelnawt taɣerfant (ANP) deg umḍiq n Rwakec, tawilayt n Mdiya (Tamnaḍt taserdasant tamezwarut), yiwet n tsensirt tufa sakin thud, ass n 12 yunyu 2016, mraw d yiwent (11) n lbumbat, yiwen n wagus n ufexsay akked wallalen n usṭerḍeq, i d-yesded uɣlif n Temḥaddit taɣelnawt (MDN).

Deg Tmenɣast (Tamnaḍt taserdasant tis 6), yiwet n tsensirt nniḍen « teṭṭef sakin tekkes yiwet n tkerrust akked 25 n yikilugramen n lkif », ma deg Tlemsan, (Tamnaḍt taserdasant tis 2), iferdisen n Tɛessast n tlisa « ṭṭfen yiwen n umsetti ksen-as 21300 n tɛeqqacin n ddwa ».

Seg yidis nniḍen, deg ukatar n umennuɣ mgal n yinig berra n uṣaḍuf, iferdisen n tɛessast n yillel n Msetɣanem (Tamnaḍt taserdasant tis 2) « ṭṭfen 20 n yimdanen yekkren ad inigen berra n uṣaḍuf ɣef yiwet n teflugt n ukawečču deg ugafa agmuḍan n Cap Willis deg Msetɣanem.