ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⵜⵜⵡⴰⴼⵔⴻⵏ ⵍⴻⵣⵣⴰⵢⴻⵔ ⵖⴻⵔ ⵜⴻⵙⵎⵉⵍⵜ ⵏ ⵜⵓⴽⴽⵙⴰ ⵏ ⵢⴻⵎⵔⵉⴳⴻⵏ ⴷ ⵜⵖⴻⵍⵍⵉⵙⵜ ⵜⴰⴳⵔⴰⵖⵍⴰⵏⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ
ⵡⴰⵛⵉⵏⵜⵓⵏ – ⵜⴻⵜⵜⵡⴰⴼⵔⴻⵏ ⵍⴻⵣⵣⴰⵢⴻⵔ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵏⴻⵡ ⵢⵧⵔⴽ ⴰⴽⴽⴻⵏ ⴰⴷ ⵜⵉⵍⵉ ⴷ ⵜⴰⵙⴻⵍⵡⴰⵢⵜ ⵏ ⵜⴻⵙⵎⵉⵍⵜ (ⵍⴰⴵⵏⴰ) ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ-ⵢⴻⵍⵀⴰⵏ ⵙ ⵜⴻⵎⵙⴰⵍ ⵏ ⵜⵓⴽⴽⵙⴰ ⵏ ⵢⴻⵎⵔⵉⴳⴻⵏ (ⵙⵉⵍⴰⵃ) ⴷ ⵜⵖⴻⵍⵍⵉⵙⵜ ⵜⴰⴳⵔⴰⵖⵍⴰⵏⵜ.
ⴰⴼⵔⴰⵏ-ⴰ ⵢⴻⵙⵙⴽⴰⵏⴰⵢ-ⴷ, ⵜⵉⴽⴽⴻⵍⵜ ⵏⵉⴹⴻⵏ, ⴰⵄⴻⵡⵡⴻⵍ ⵏ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵜⴻⵙⵙⴻⴹⵔⵓ ⵉⵙⵡⴰⵏ ⵏ ⵜⵓⴽⴽⵙⴰ ⵏ ⵢⴻⵎⵔⵉⴳⴻⵏ ⴷ ⵡⴻⵃⴱⴰⵙ ⵏ ⵡⴻⵣⵔⴰⵄ ⵏ ⵢⴻⵎⵔⵉⴳⴻⵏ ⵉⵎⵉⵖⵙⴻⵏ.
ⴷ ⴰⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵢⴻⵣⴳⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵙⵙ ⵙⴰⴱⵔⵉ ⴱⵧⵓⴽⴰⴷⵧⵓⵎ, ⴰⴷ ⵢⴻⴹⴹⴼⴻⵏ ⴰⵎⴽⴰⵏ-ⴰ ⵙ ⵢⵉⵙⴻⵎ ⵏ ⵍⴻⵣⵣⴰⵢⴻⵔ ⴷⴻⴳ ⵜⴻⴷⵡⵉⵍⵜ ⵜⵉⵙ 71 ⵏ ⵡⴻⴳⵔⴰⵡ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵢⴻⴱⴷⵓⵏ ⴷⴻⴳ ⵛⵜⴻⵎⴱⴻⵕ.
ⵢⴻⵏⵏⴰ-ⴷ ⵎⴰⵙⵙ ⴱⵧⵓⴽⴰⴷⵧⵓⵎ ⴷⴰⴽⴽⴻⵏ ⵢⵉⵡⴻⵜ ⵙⴻⴳ ⵜⵓⵣⵡⵉⵔⵉⵏ ⵏ ⵜⵙⴻⵍⵡⵉⵜ ⵜⴰⴷⵣⴰⵢⵔⵉⵜ ⴷⴻⴳ ⵜⴻⵙⵎⵉⵍⵜ-ⴰ ⵏⴻⵜⵜⴰⵜ ⴷ ⵜⵓⴽⴽⵙⴰ ⵏ ⵢⵉⵄⴻⵡⵡⵉⵇⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴰⵔⴰⴳ ⵏ ⵜⵓⴽⴽⵙⴰ ⵏ ⵢⴻⵎⵔⵉⴳⴻⵏ ⴷ ⵓⵙⵙⴻⴱⴷⴻⴷ ⵏ ⵜⴻⵎⵏⴰⴹⵉⵏ ⴷⴻⴳ ⵓⵎⴰⴹⴰⵍ ⴰⵢⴷⴻⴳ ⵓⵔⵍ ⵍⵉⵏ ⵢⴻⵎⵔⵉⴳⴻⵏ ⵉⵎⵉⵖⵙⴻⵏ (ⵏⴰⵡⴰⵡⵉⵢⵢⴰ).
ⵜⴰⵙⵎⵉⵍⵜ ⵜⴰⵎⴻⵣⵡⴰⵔⵓⵜ ⵏ ⵡⴻⴳⵔⴰⵡ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴻⵍⵀⴰ-ⴷ ⵙ ⵡⴰⴽⴽ ⵜⵉⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵜⵓⴽⴽⵙⴰ ⵏ ⵢⴻⵎⵔⵉⴳⴻⵏ, ⴰⵃⴱⴰⵙ ⵏ ⵡⴻⵣⵔⴰⵄ ⵏ ⵢⴻⵎⵔⵉⴳⴻⵏ ⵉⵎⵉⵖⵙⴻⵏ ⴷ ⵜⵖⴻⵍⵍⵉⵙⵜ ⵜⴰⴳⵔⴰⵖⵍⴰⵏⵜ, ⵢⴻⵔⵏⵓ ⵜⴻⵙⵄⴰ ⴷⴰⵖ ⵍⴻⵡⵚⴰⵢⴰ ⴰⴷ ⴷ-ⵜⴻⴳ ⵉⵙⴻⵎⵜⴰⵔ (ⵜⴰⵡⵚⵉⵢⴰⵜ) ⵉ ⵡⴻⴳⵔⴰⵡ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵢⵉⵏⵓⵔⴰⵔ ⴰⵢⵢⴻⵙ ⴷ-ⵜⴻⵍⵀⴰ.
