ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴰⵡⴻⴹ ⵡⴻⵖⵍⴰⵏ ⴰⴷⵣⴰⵢⵔⵉ ⴰⴷ ⵢⴻⵔⵏⵓ ⵜⵉⴹⴹⵓⵔⴼⴰ ⴷ ⵜⵔⴻⵎⵎⵉⵖⵜ ⵙ ⵜⵡⴻⵍⵀⴰ-ⵏⵏⴻⵙ ⵏ ⴷⴷⵉⵏ (ⴰⵏⴻⵖⵍⴰⴼ)
ⵡⴻⵀⵕⴰⵏ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ, ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ, ⴷⴻⴳ ⵡⴻⵀⵕⴰⵏ, ⴷⴰⴽⴽⴻⵏ ⴰⵖⵍⴰⵏ ⴰⴷⵣⴰⵢⵔⵉ ⵢⴻⵙⵙⴰⵡⴻⴹ ⴰⴷ ⵢⴻⵔⵏⵓ ⵜⵉⴹⴹⵓⵔⴼⴰ ⴷ ⵜⵔⴻⵎⵎⵉⵖⵜ (ⵉⵔⵀⴰⴱ) ⵙ ⵡⴻⵃⵔⴰⵣ ⵏ ⵜⵡⴻⵍⵀⴰ-ⵏⵏⴻⵙ (ⵎⴰⵔⴵⴰⵄⵉⵢⵢⴰ) ⵏ ⴷⴷⵉⵏ.
ⴷⴻⴳ ⵓⵙⴰⵔⴰⴳ ⴰⵢ ⴷ-ⵉⴳⴰ ⵉ ⵍⵎⴻⵏⴷ ⵏ ⵡⴻⵔⵥⴰⵎ ⵏ ⵜⴻⵥⵔⵉⴳⵜ ⵜⵉⵙ 11 ⵏ ⵜⴻⵎⵙⵉⵔⵉⵏ ⵏ ⴷⴷⵉⵏ ⵏ « ⴷⵓⵔⵓⵙ ⴰⵍ-ⵎⵓⵃⴰⵎⵎⴰⴷⵉⵢⵢⴰ » ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵙⵖⵉⵎⵜ (ⵎⴰⵇⴰⵔⵔ) ⵏ ⵣⵣⴰⵡⵢⴰ ⵜⴰⴱⴻⵍⵇⴰⵢⴷⵉⵜ-ⵜⴰⵀⴻⴱⵔⵉⵜ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵙ ⵡⴻⵃⵔⴰⵣ ⴰⵢ ⵢⴻⵃⵔⴻⵣ ⵡⴻⵖⵍⴰⵏ ⴰⴷⵣⴰⵢⵔⵉ ⵜⴰⵡⴻⵍⵀⴰ-ⵏⵏⴻⵙ ⵏ ⴷⴷⵉⵏ ⵙ ⵜⴻⵖⵣⴻⴼ ⵏ ⵓⵎⴻⵣⵔⵓⵢ-ⵏⵏⴻⵙ, ⵢⴻⵙⵙⴰⵡⴻⴹ ⴰⴷ ⵢⴻⵔⵏⵓ ⴰⴽⴽ ⵍⴻⵚⵏⴰⴼ ⵏ ⵜⵉⴹⴹⵓⵔⴼⴰ ⴷ ⵜⵔⴻⵎⵎⵉⵖⵜ.
« ⵜⴻⵙⵡⴰ-ⴷ ⵍⴻⵣⵣⴰⵢⴻⵔ ⵙⴻⴳ ⵜⴰⵍⴰ ⵏ ⵡⴻⴱⵔⵉⴷ ⴰⵇⴻⵄⴷⴰⵏ ⵏ ⵓⵎⴰⵣⵓⵏ ⵎⵓⵃⴻⵎⵎⴻⴷ (ⵜⴰⵥⴰⵍⵍⵉⵜ ⴷ ⵙⵙⵍⴰⵎ ⵏ ⵕⴻⴱⴱⵉ ⴼⴻⵍⵍ-ⴰⵙ), ⴷ ⵜⵉⵏ ⴰⵢ ⴷ-ⵢⴻⵜⵜⵡⴰⴳⵎⴻⵏ ⵙⴻⴳ ⵙⵙⵓⵏⵏⴰ, ⴷⵖⴰ ⴷ ⴰⵢⴻⵏ ⴰⵢ ⵜⵜ-ⵢⴻⴵⴵⴰⵏ ⴰⴷ ⵜⴻⵔⵏⵓ ⴰⴽⴽ ⵍⴻⵚⵏⴰⴼ ⵏ ⵜⵉⴹⴹⵓⵔⴼⴰ ⴷ ⵜⵔⴻⵎⵎⵉⵖⵜ, ⴰⴽⴽⴻⵏ ⴰⵢ ⵜⵜ-ⵢⴻⴵⴵⴰ ⵡⴰⵢⴰ ⴰⴷ ⵜⴻⵔⵏⵓ ⴰⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵓⵇⴱⴻⵍ ⵏ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⵎⵧⵀⴰⵎⴻⴷ ⴰⵉⵙⵙⴰ ⴷⴰⴽⴽⴻⵏ « ⵜⵡⴻⵍⵀⴰ ⵜⴰⴷⵣⴰⵢⵔⵉⵜ ⵏ ⴷⴷⵉⵏ ⴷ ⵜⴰⵡⴻⵍⵀⴰ ⵜⵉⴷⴻⵜⵜⵉⵜ ⵢⴻⵔⵏⵓ ⵜⴻⴷⴷⴰ ⴷ ⵙⵙⵓⵏⵏⴰ ⵜⴰⵎⵓⵃⴻⵎⵎⴷⵉⵜ ⵏ ⵜⵉⴷⴻⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵍⴻⵣⵣⴰⵢⴻⵔ ⴷⵉⵎⴰ ⵜⴻⵍⵍⴰ ⴷ ⵜⴰⵎⵓⵔⵜ ⵏ ⵡⴻⵙⴽⴰⵔ (ⵉⵄⵜⵉⴷⴰⵍ) ⴷⴻⴳ ⴷⴷⵉⵏ ⵢⴻⵔⵏⵓ ⴷ ⴰⵢⴰ ⴰⵢ ⵜⵜⴱⵓⵜ ⴷⴰⴽⴽⴻⵏ ⵜⴰⵡⴻⵍⵀⴰ-ⵏⵏⴻⵙ ⵏ ⴷⴷⵉⵏ ⵜⵚⴻⵃⵃⴰ.
ⵉⵡⴻⴽⴽⴻⴷ-ⴷ ⴷⴰⵖ ⵓⵏⴻⵖⵍⴰⴼ ⵖⴻⴼ ⵜⴻⵍⵇⴻⵢ ⵏ ⵢⵉⵥⵓⵔⴰⵏ ⵏ ⵜⵡⴻⵍⵀⴰ-ⴰ ⴷⴻⴳ ⵡⴻⵖⵍⴰⵏ ⴰⴷⵣⴰⵢⵔⵉ. « ⵍⵍⴰⵏ-ⴷ ⵢⵉⵥⵓⵔⴰⵏ-ⴰ ⴷ ⴰⵖⴻⵔ ⴰⵢ ⵉⵃⵓⴷⴷⴻⵏ ⵍⴻⵣⵣⴰⵢⴻⵔ ⵙⴻⴳ ⵡⴰⴽⴽ ⵍⴻⵛⵖⴰⵍ ⵏ ⵍⴼⴻⵜⵏⴰ ⴷ ⵓⴱⴻⴹⴹⵓ ⴷ ⵡⴰⴽⴽ ⵏⵏⴻⵢⵢⴰⵜ ⵏ ⵡⵉⴷ ⵢⴻⵙⵄⴰⵏ ⴽⴰⵕⵓⵀ ⴷ ⵛⵛⴻⵃⵏⴰ ⴷⴻⴳ ⵡⵓⵍⴰⵡⴻⵏ-ⵏⵙⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⴰⵡⴻⵍⵀⴰ-ⴰ ⵜⴻⵍⵍⴰ-ⴷ ⴷⴰⵖ ⵜⵉⵏⴻⴼⴼⵉⴳⵜ ⵏ ⵜⵖⴻⵍⵍⵉⵙⵜ ⵉ ⵡⴻⵖⵍⴰⵏ ⴷ ⵡⴻⵖⵔⴻⴼ ⴰⴷⵣⴰⵢⵔⵉ ».
