ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⴼⵄⴻⵍ ⵏ ⵍⵇⴰⵏⵓⵏ ⴰⵎⴰⵢⵏⵓ ⵏ ⵓⵙⵙⴻⴼⵜⵉ ⵓⵔ ⵢⴻⵣⵎⵉⵔ ⴰⴷ ⴷ-ⵢⵉⵍⵉ ⴰⵔⵎⴰ ⵜⴻⵜⵜⵡⴰⴽⴽⴻⵙ ⵜⴱⵉⵔⵓⵇⵔⴰⵟⵉⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴳⵔⴻⵏ-ⴷ ⵜⵉⵖⵔⵉ ⴽⵔⴰ ⵏ ⵢⵉⵎⴰⵣⴰⵏⴻⵏ (ⵏⵓⵡⵡⴰⴱ) ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴰⵙⵙ ⵏ ⵍⴻⵜⵏⵉⵢⴻⵏ, ⴷⴻⴳ ⵜⴻⵎⵍⵉⵍⵉⵜ ⵏ ⵡⴻⵣⵔⴰⵡ (ⴷⵉⵔⴰⵙⴰ) ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵡⴻⵙⵎⴰⵍ ⵏ ⵓⵙⵙⴻⴼⵜⵉ, ⴰⴽⴽⴻⵏ ⴰⴷ ⵜⴻⵜⵜⵡⴰⴽⴽⴻⵙ ⵜⴱⵉⵔⵓⵇⵔⴰⵟⵉⵜ ⵢⴻⵔⵏⵓ ⴰⴷ ⵜⴻⵜⵜⵡⴰⵙⵎⴻⵙⴽⴻⵍ ⵜⴻⴷⴱⴻⵍⵜ ⴷ ⵓⵏⴰⴳⵔⴰⵡ ⴰⴷⵔⵉⵎⴰⵏ ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵢⵉⵃⴻⵣⵣⵉⴱⴻⵏ ⴷ ⵢⵉⴱⵓⵖⴰⵔ ⵏ ⵍⵇⴰⵏⵓⵏ-ⴰ ⴰⵎⴰⵢⵏⵓ ⵉ ⵓⵙⵙⴻⵍⵀⵓ ⵏ ⵓⵏⴻⵣⵡⵓ ⵏ ⵓⵙⵙⴻⴼⵜⵉ ⴷⴻⴳ ⵍⴻⵣⵣⴰⵢⴻⵔ.
ⴷⴻⴳ ⵜⵖⵉⵎⵉⵜ-ⴰ ⴰⵢ ⵢⴻⵙⵙⴻⵍⵡⵉ ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ, ⴰⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵏⵏⴰⵏ-ⴷ ⵢⵉⵎⴰⵣⴰⵏⴻⵏ-ⴰ ⴷⴰⴽⴽⴻⵏ ⵜⵉⵊⵓⵄⴰⵍ ⴷ ⵜⴱⵉⵔⵓⵇⵔⴰⵟⵉⵜ ⵙⴻⴳ ⴳⴰⵔ ⵙⵙⴻⴱⴱⴰⵜ ⴰⵢ ⵢⴻⵙⵅⴻⵚⵔⴻⵏ ⵜⵉⵙⴻⵔⵜⵉⵢⵉⵏ ⵏ ⵓⵙⵙⴻⴼⵜⵉ ⴷⴻⴳ ⵜⵎⵓⵔⵜ.
ⵢⴻⵏⵏⴰ-ⴷ ⵎⴰⵙⵙ ⵎⵧⵀⴰⵎⴻⴷ ⵜⴰⵀⴰⵔ ⴽⴰⴷⴷⵧⵓⵔ ⵏ ⵡⴻⵎⵙⴻⴳⵔⴰⵡ ⴰⵖⴻⵍⵏⴰⵡ ⴰⵎⴻⴳⴷⴰⵢ ⴷⴰⴽⴽⴻⵏ « ⵍⴻⵣⵣⴰⵢⴻⵔ ⵜⴻⵃⵡⴰⵊ ⴰⵙⵙ-ⴰ » ⴰⵙⵙⴻⴼⵜⵉ ⴰⵡⴻⵔⴷⴰⵏⵉ ⴷ ⵓⴷⵉⴳⴰⵏ (ⵎⴰⵃⴰⵍⵍⵉ) ⵓⴳⴰⵔ ⵏ ⵡⴰⵏⴻⵛⵜ ⴰⴽⴽ ⴰⵢ ⵜ-ⵜⴻⵃⵡⴰⵊ ⴷⴻⴳ ⵡⴰⵢⴻⵏ ⴰⴽⴽⴰ ⵢⴻⵣⵔⵉⵏ, ⴷ ⴰⵛⵓ ⴽⴰⵏ, ⵓⴳⵓⵔⴻⵏ ⵢⴻⵇⵇⵏⴻⵏ ⵖⴻⵔ ⵜⴱⴰⵏⴽⵉⵡⵉⵏ, ⵜⴰⴱⵉⵔⵓⵇⵔⴰⵟⵉⵜ ⴷ ⵡⴰⴽⴰⵍ ⵏ ⵍⵍⵓⵣⵉⵏⴰⵜ ⵣⴳⴰⵏ-ⴷ ⴷ ⵉⵄⴻⵡⵡⵉⵇⴻⵏ ⵉ ⵓⵙⵙⴻⴼⵜⵉ.
ⴰⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵜⴻⵎⵙⵉⵙⵉⵜ ⵏ ⵍⴻⵣⵣⴰⵢⴻⵔ ⵜⴰⵣⴻⴳⵣⴰⵡⵜ, ⵎⴰⵙⵙ ⵎⵧⵀⴰⵎⴻⴷ ⴻⵍ ⵀⴰⴷⵉ ⵧⵜⵀⵎⴰⵏⵏⵉⴰ, ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ-ⵏⵏⴻⵙ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵍⵀⵓ ⵓⵏⴻⵣⵡⵉ (ⵎⴰⵏⴰⵅ) ⵏ ⵓⵙⵙⴻⴼⵜⵉ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ « ⵓⴳⵓⵔ ⵓⵔ ⵢⴻⵍⵍⵉ ⴷⴻⴳ ⵍⵇⴰⵏⵓⵏ, ⵡⴰⵏⴰⴳ ⴷⴻⴳ ⵜⴱⵉⵔⵓⵇⵔⴰⵟⵉⵜ ⴰⵢ ⵍⴰ ⵢⴻⵜⵜⴻⵜⵜⴻⵏ ⴷⴻⴳ ⵜⴷⴰⵎⵙⴰ ».
ⵎⴰ ⴷ ⵎⴰⵙⵙ ⴽⵀⴻⵍⵉⴼⴰ ⵀⴻⴷⵊⵉⵔⴰ ⵏ ⵜⴻⵔⵏⵉ ⵏ ⵜⴻⵖⴷⴻⵎⵜ ⴷ ⵓⵏⵏⴻⴼⵍⵉ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵣⵔⴰⵄ ⵏ ⵜⵊⵓⵄⴰⵍ ⴷ ⵏⴻⵜⵜⴰ ⴰⵢ ⴷ ⵙⵙⴻⴱⴱⴰ ⵜⴰⴳⴻⵊⴷⴰⵏⵜ ⴷⴻⴳ ⵡⴻⵅⵚⴰⵔ ⵏ ⵍⴻⵇⵡⴰⵏⵉⵏ ⵏ ⵓⵙⵙⴻⴼⵜⵉ ⴷⴻⴳ ⵡⴰⵢⴻⵏ ⴰⴽⴽⴰ ⵉⵄⴻⴷⴷⴰⵏ.
