Asebter amenzawi

Abeddu n teẓrigt tis 11 n temsirin n ddin n « Durus Al-Mummadiyya » deg Wehṛan

WEHṚAN – Tebda teẓrigt (ṭabɛa) tis 11 n temsirin n ddin n « Durus Al-Muḥammadiyya » ass n letniyen, deffir tẓallit n lɛaṣer deg tesɣimt (maqarr) n zzawya tabelqaydit-tahebrit n Wehṛan, s weḥdaṛ n uneɣlaf n tɣawsiwin n ddin, Mohamed Aissa. Ḥedṛen daɣ, deg tfugla (ḥafl) n werẓam, uneɣlaf n tɣawsiwin n daxel, Nourredine Bedoui d yimassanen n ddin seg tmura tinselmin yemgerraden.

Asentel n teẓrigt-a yerza « Lxir d weslak n Lumma s weḍfar n webrid n Umazun n ṛṛeḥma ».

Amyager-a n tmussni ay d-yettilin yal aseggas deg wayyur n Remḍan ɣer zzawya tabelqaydit-tahebrit (ay d-yusan deg Sidi Meɛṛuf, deg wegmuḍ [carq] n Wehṛan) d win aydeg d-ttemlilin yemxeyyren deg yimassanen n ddin akken ad gen isaragen ɣef temsal yeqqnen ɣer usentel-a.

Imttekkiyen deg wemyager-a usan-d seg tmura yemgerraden, gar-asen Tunes, Lubnan, Surya, Yaman, Sudan, Luṛdun, Maṣer d Meṛṛuk.

Ahil n teẓrigt-a ad yeḍḍef sin n wayyuren yernu ad ilin deg-s, yal ass, yisaragen deffir tẓallit n ttṛawiḥ.

Sin n yisaragen, gar-asen yiwen s tefṛensist, ad d-ilin deffir tẓallit n ljamuɛa.

Gar yisaragen ay d-yettwassumren yella win n « Teɣdemt d ṛṛeḥma n Lislam », « Tiḍḍurfa deg ddin », d waṭas n wiyaḍ.

D aneɣlaf n tɣawsiwin n ddin ad d-igen asarag amezwaru deg teẓrigt-a.