ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴱⴻⴷⴷⵓ ⵏ ⵜⴻⵥⵔⵉⴳⵜ ⵜⵉⵙ 11 ⵏ ⵜⴻⵎⵙⵉⵔⵉⵏ ⵏ ⴷⴷⵉⵏ ⵏ « ⴷⵓⵔⵓⵙ ⴰⵍ-ⵎⵓⵎⵎⴰⴷⵉⵢⵢⴰ » ⴷⴻⴳ ⵡⴻⵀⵕⴰⵏ
ⵡⴻⵀⵕⴰⵏ – ⵜⴻⴱⴷⴰ ⵜⴻⵥⵔⵉⴳⵜ (ⵟⴰⴱⵄⴰ) ⵜⵉⵙ 11 ⵏ ⵜⴻⵎⵙⵉⵔⵉⵏ ⵏ ⴷⴷⵉⵏ ⵏ « ⴷⵓⵔⵓⵙ ⴰⵍ-ⵎⵓⵃⴰⵎⵎⴰⴷⵉⵢⵢⴰ » ⴰⵙⵙ ⵏ ⵍⴻⵜⵏⵉⵢⴻⵏ, ⴷⴻⴼⴼⵉⵔ ⵜⵥⴰⵍⵍⵉⵜ ⵏ ⵍⵄⴰⵚⴻⵔ ⴷⴻⴳ ⵜⴻⵙⵖⵉⵎⵜ (ⵎⴰⵇⴰⵔⵔ) ⵏ ⵣⵣⴰⵡⵢⴰ ⵜⴰⴱⴻⵍⵇⴰⵢⴷⵉⵜ-ⵜⴰⵀⴻⴱⵔⵉⵜ ⵏ ⵡⴻⵀⵕⴰⵏ, ⵙ ⵡⴻⵃⴷⴰⵕ ⵏ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ. ⵃⴻⴷⵕⴻⵏ ⴷⴰⵖ, ⴷⴻⴳ ⵜⴼⵓⴳⵍⴰ (ⵃⴰⴼⵍ) ⵏ ⵡⴻⵔⵥⴰⵎ, ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⵔⴻⴷⵉⵏⴻ ⴱⴻⴷⵧⵓⵉ ⴷ ⵢⵉⵎⴰⵙⵙⴰⵏⴻⵏ ⵏ ⴷⴷⵉⵏ ⵙⴻⴳ ⵜⵎⵓⵔⴰ ⵜⵉⵏⵙⴻⵍⵎⵉⵏ ⵢⴻⵎⴳⴻⵔⵔⴰⴷⴻⵏ.
ⴰⵙⴻⵏⵜⴻⵍ ⵏ ⵜⴻⵥⵔⵉⴳⵜ-ⴰ ⵢⴻⵔⵣⴰ « ⵍⵅⵉⵔ ⴷ ⵡⴻⵙⵍⴰⴽ ⵏ ⵍⵓⵎⵎⴰ ⵙ ⵡⴻⴹⴼⴰⵔ ⵏ ⵡⴻⴱⵔⵉⴷ ⵏ ⵓⵎⴰⵣⵓⵏ ⵏ ⵕⵕⴻⵃⵎⴰ ».
ⴰⵎⵢⴰⴳⴻⵔ-ⴰ ⵏ ⵜⵎⵓⵙⵙⵏⵉ ⴰⵢ ⴷ-ⵢⴻⵜⵜⵉⵍⵉⵏ ⵢⴰⵍ ⴰⵙⴻⴳⴳⴰⵙ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ ⵖⴻⵔ ⵣⵣⴰⵡⵢⴰ ⵜⴰⴱⴻⵍⵇⴰⵢⴷⵉⵜ-ⵜⴰⵀⴻⴱⵔⵉⵜ (ⴰⵢ ⴷ-ⵢⵓⵙⴰⵏ ⴷⴻⴳ ⵙⵉⴷⵉ ⵎⴻⵄⵕⵓⴼ, ⴷⴻⴳ ⵡⴻⴳⵎⵓⴹ [ⵛⴰⵔⵇ] ⵏ ⵡⴻⵀⵕⴰⵏ) ⴷ ⵡⵉⵏ ⴰⵢⴷⴻⴳ ⴷ-ⵜⵜⴻⵎⵍⵉⵍⵉⵏ ⵢⴻⵎⵅⴻⵢⵢⵔⴻⵏ ⴷⴻⴳ ⵢⵉⵎⴰⵙⵙⴰⵏⴻⵏ ⵏ ⴷⴷⵉⵏ ⴰⴽⴽⴻⵏ ⴰⴷ ⴳⴻⵏ ⵉⵙⴰⵔⴰⴳⴻⵏ ⵖⴻⴼ ⵜⴻⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵓⵙⴻⵏⵜⴻⵍ-ⴰ.
ⵉⵎⵜⵜⴻⴽⴽⵉⵢⴻⵏ ⴷⴻⴳ ⵡⴻⵎⵢⴰⴳⴻⵔ-ⴰ ⵓⵙⴰⵏ-ⴷ ⵙⴻⴳ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ, ⴳⴰⵔ-ⴰⵙⴻⵏ ⵜⵓⵏⴻⵙ, ⵍⵓⴱⵏⴰⵏ, ⵙⵓⵔⵢⴰ, ⵢⴰⵎⴰⵏ, ⵙⵓⴷⴰⵏ, ⵍⵓⵕⴷⵓⵏ, ⵎⴰⵚⴻⵔ ⴷ ⵎⴻⵕⵕⵓⴽ.
ⴰⵀⵉⵍ ⵏ ⵜⴻⵥⵔⵉⴳⵜ-ⴰ ⴰⴷ ⵢⴻⴹⴹⴻⴼ ⵙⵉⵏ ⵏ ⵡⴰⵢⵢⵓⵔⴻⵏ ⵢⴻⵔⵏⵓ ⴰⴷ ⵉⵍⵉⵏ ⴷⴻⴳ-ⵙ, ⵢⴰⵍ ⴰⵙⵙ, ⵢⵉⵙⴰⵔⴰⴳⴻⵏ ⴷⴻⴼⴼⵉⵔ ⵜⵥⴰⵍⵍⵉⵜ ⵏ ⵜⵜⵕⴰⵡⵉⵃ.
ⵙⵉⵏ ⵏ ⵢⵉⵙⴰⵔⴰⴳⴻⵏ, ⴳⴰⵔ-ⴰⵙⴻⵏ ⵢⵉⵡⴻⵏ ⵙ ⵜⴻⴼⵕⴻⵏⵙⵉⵙⵜ, ⴰⴷ ⴷ-ⵉⵍⵉⵏ ⴷⴻⴼⴼⵉⵔ ⵜⵥⴰⵍⵍⵉⵜ ⵏ ⵍⵊⴰⵎⵓⵄⴰ.
ⴳⴰⵔ ⵢⵉⵙⴰⵔⴰⴳⴻⵏ ⴰⵢ ⴷ-ⵢⴻⵜⵜⵡⴰⵙⵙⵓⵎⵔⴻⵏ ⵢⴻⵍⵍⴰ ⵡⵉⵏ ⵏ « ⵜⴻⵖⴷⴻⵎⵜ ⴷ ⵕⵕⴻⵃⵎⴰ ⵏ ⵍⵉⵙⵍⴰⵎ », « ⵜⵉⴹⴹⵓⵔⴼⴰ ⴷⴻⴳ ⴷⴷⵉⵏ », ⴷ ⵡⴰⵟⴰⵙ ⵏ ⵡⵉⵢⴰⴹ.
ⴷ ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴰⴷ ⴷ-ⵉⴳⴻⵏ ⴰⵙⴰⵔⴰⴳ ⴰⵎⴻⵣⵡⴰⵔⵓ ⴷⴻⴳ ⵜⴻⵥⵔⵉⴳⵜ-ⴰ.
