ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴼⴰⵏ-ⴷ ⴰⵎⵜⵉⵡⴻⴳ ⵓⴼⴼⵉⵖ ⴰⵎⴻⵇⵔⴰⵏ ⴰⴽⴽ ⴰⵢ ⵍⴰ ⵢⴻⵜⵜⴻⵣⵣⵉⵏ ⵖⴻⴼ ⵙⵉⵏ ⵏ ⵢⴻⵜⵔⴰⵏ

ⵡⴰⵛⵉⵏⵜⵓⵏ– ⵏⵏⴰⵏ-ⴷ ⴽⵔⴰ ⵏ ⵢⵉⵎⴰⵙⵙⴰⵏⴻⵏ ⴷⴰⴽⴽⴻⵏ ⵓⴼⴰⵏ-ⴷ ⴰⵎⵜⵉⵡⴻⴳ (ⴽⴰⵡⴽⴰⴱ) ⴰⵎⴻⵇⵔⴰⵏ ⴰⴽⴽ ⴰⵢ ⵢⴻⵜⵜⵡⴰⵙⵙⵏⴻⵏ ⴰⵔ ⴰⵙⵙ-ⴰ ⵢⴻⵜⵜⴻⵣⵣⵉ ⵖⴻⴼ ⵙⵉⵏ ⵏ ⵢⴻⵜⵔⴰⵏ ⵢⴻⵎⴳⴻⵔⵔⴰⴷⴻⵏ.

ⴰⵎⵜⵉⵡⴻⴳ-ⴰ ⵓⴼⴼⵉⵖ (ⵢⴻⴼⴼⵖⴻⵏ ⵉ ⵓⵏⴰⴳⵔⴰⵡ ⴰⴼⵓⴽⴰⵏ) ⴷ ⴰⵎⵜⵉⵡⴻⴳ ⵏ ⵍⴳⴰⵣ ⵎⴻⵖⵖⵔⴻⵏ ⴰⵏⴻⵛⵜ ⵏ ⵢⴻⴱⵟⴻⵔ (ⵎⵓⵛⵜⴰⵔⵉ) ⵢⴻⵔⵏⵓ ⵓⴼⴰⵏ-ⵜ-ⵉⴷ ⵙ ⵓⵜⵉⵍⵉⵙⴽⵓⵒ ⴰⵍⵍⵓⵏⴰⵏ ⴰⵎⴰⵔⵉⴽⴰⵏⵉ ⵏ ⴽⴻⵒⵍⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴻⵙⵏⴰⵍⵍⵓⵏⴻⵏ ⴷⴻⴳ ⵓⵙⴰⵔⴰⴳ ⵏ ⵜⵉⴷⴷⵓⴽⵍⴰ ⵜⴰⵎⴰⵔⵉⴽⴰⵏⵉⵜ ⵏ ⵜⴻⵙⵏⴰⵍⵍⵓⵏⵜ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴷⵓⵕⵜ-ⴰ ⴷⴻⴳ ⵙⴰⵏ ⴷⵉⴻⴳⵧ (ⴽⴰⵍⵉⴼⵓⵕⵏⵢⴰ).

ⴰⵎⵜⵉⵡⴻⴳ-ⴰ ⵓⵎⵉ ⵙⴻⵎⵎⴰⵏ ⴽⴻⵒⵍⴻⵔ-1647 ⴷ ⵏⴻⵜⵜⴰ ⴷⴰⵖ ⴰⵢ ⴷ ⴰⵎⵜⵉⵡⴻⴳ ⵏ ⵚⵚⴻⵏⴼ-ⴰ ⴰⵢ ⵢⴻⵙⵄⴰⵏ ⴰⵃⴱⵓ (ⵎⴰⴷⴰⵔ) ⴰⵎⴻⵇⵔⴰⵏ ⴰⴽⴽ, ⵉⵎⵉ ⴰⵢ ⵢⴻⴽⴽⴰⵜ 1.107 ⵏ ⵡⵓⵙⵙⴰⵏ (ⵏⵏⵉⴳ 3 ⵙⴻⴳ ⵢⵉⵙⴻⴳⴳⴰⵙⴻⵏ-ⵏⵏⴻⵖ) ⴰⴽⴽⴻⵏ ⴰⴷ ⵉⴼⴰⴽ ⵜⵓⵣⵣⵢⴰ-ⵏⵏⴻⵙ ⵖⴻⴼ ⵙⵉⵏ-ⵏⵏⵉ ⵏ ⵢⴻⵜⵔⴰⵏ ⴰⵢⵖⴻⴼ ⵢⴻⵜⵜⴻⵣⵣⵉ.

ⴷ ⵡⴰ ⴰⵢ ⴷ ⴰⵎⵜⵉⵡⴻⴳ ⵡⵉⵙ 11 ⴰⵢ ⴷ-ⵓⴼⴰⵏ ⵢⴻⵜⵜⴻⵣⵣⵉ ⵖⴻⴼ 2 ⵏ ⵢⴻⵜⵔⴰⵏ ⵢⴻⵎⴳⴻⵔⵔⴰⴷⴻⵏ ⵙⴻⴳ ⵡⴰⵙⵎⵉ ⴰⵢ ⴷ-ⵓⴼⴰⵏ ⴰⵎⴻⵣⵡⴰⵔⵓ ⴷⴻⴳ 2005.

ⴰⵎⵜⵉⵡⴻⴳ ⵏ ⴽⴻⵒⵍⴻⵔ-1647ⴱ ⵢⴻⵙⵄⴰ 4,4 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵍⴻⵄⵎⴻⵕ-ⵏⵏⴻⵙ, ⵙ ⵡⴰⵢⴰ, ⴰⵎⵜⵉⵡⴻⴳ-ⴰ ⴷ ⵜⵉⵣⵣⵢⵉⵡⵉⵏ ⴷ ⵡⴰⴽⴰⵍ. ⵢⵓⵙⴰ-ⴷ ⵡⴻⵎⵜⵉⵡⴻⴳ-ⴰ ⴷⴻⴳ ⵜⴱⴻⵔⵇⴻⵜ ⵏ ⵜⴽⵉⴽⵍⴰ ⴰⵢ ⵉⴱⴻⵄⴷⴻⵏ ⵙ 3.700 ⵏ ⵢⵉⵙⴻⴳⴳⴰⵙⴻⵏ ⵏ ⵜⴰⴼⴰⵜ ⵖⴻⴼ ⵡⴰⴽⴰⵍ. ⴰⵙⴻⴳⴳⴰⵙ ⵏ ⵜⴰⴼⴰⵜ ⴷⴻⴳ-ⵙ 9.460 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴽⵓⵍⵓⵎⵉⵜⵔⴻⵏ.

ⵙⵉⵏ-ⵏⵏⵉ ⵏ ⵢⴻⵜⵔⴰⵏ ⴰⵢⵖⴻⴼ ⵢⴻⵜⵜⴻⵣⵣⵉ ⵡⴻⵎⵜⵉⵡⴻⴳ-ⴰ ⵛⵓⴱⴰⵏ ⵜⴰⴼⵓⴽⵜ-ⵏⵏⴻⵖ. ⵢⵉⵡⴻⵏ ⵙⴻⴳ-ⵙⴻⵏ ⵢⵓⴳⴰⵔ ⵛⵡⵉⵟ ⵡⴰⵢⴻⴹ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⴻⵎⵙⴰⵍⵍⵓⵏⴻⵏ ⴰⵢ ⴷ-ⵢⵓⴼⴰⵏ ⴰⵢⴰ. ⴰⵏⴰⴷⵉ-ⵏⵙⴻⵏ ⵢⴻⵜⵜⵡⴰⵇⴱⴻⵍ ⴰⴽⴽⴻⵏ ⴰⴷ ⴷ-ⵢⴻⴼⴼⴻⵖ ⴷⴻⴳ ⴰⵙⵜⵔⵧⵒⵀⵢⵙⵉⵛⴰⵍ ⵊⵧⵓⵔⵏⴰⵍ (ⴰⵖⵎⵉⵙ ⵏ ⵜⵙⴻⵏⴳⴰⵎⴰ ⵜⴰⵍⵍⵓⵏⴰⵏⵜ).

ⵉⵎⴰⵙⵙⴰⵏⴻⵏ ⵜⵜⴰⴼⴻⵏ-ⴷ ⵉⵎⵜⵉⵡⴳⴻⵏ ⵓⴼⴼⵉⵖⴻⵏ ⵎⵉ ⴰⴷ ⵄⴻⴷⴷⵉⵏ ⵙⴷⴰⵜ ⵢⴻⵜⵔⵉ-ⵏⵏⵉ ⴰⵢⵖⴻⴼ ⵜⵜⴻⵣⵣⵉⵏ, ⴷⵖⴰ ⴷ ⴰⵢⴰ ⴰⵢ ⵢⴻⵙⵙⴻⵏⵇⴰⵙⴻⵏ, ⵙⴻⴳ ⵍⴻⵄⴹⵉⵍ, ⵜⴰⴼⴰⵜ ⵏ ⵢⴻⵜⵔⵉ-ⵏⵏⵉ. ⴰⵏⵏⴰⵢ (ⵎⵓⵔⴰⵇⴰⴱⴰ) ⵏ ⵡⴻⵏⵇⴰⵙ-ⵏⵏⵉ ⵏ ⵜⴰⴼⴰⵜ ⵢⴻⵣⵎⴻⵔ ⴷⴰⵖ ⴰⴷ ⵢⴻⴵⴵ ⵉⵎⴰⵙⵙⴰⵏⴻⵏ ⴰⴷ ⵥⵔⴻⵏ ⵜⴰⴼⴻⴽⴽⴰ (ⴽⵓⵜⵍⴰ) ⵏ ⵡⴻⵎⵜⵉⵡⴻⴳ-ⵏⵏⵉ ⴷ ⵡⴰⵏⴻⵛⵜ ⴰⵢ ⵢⴻⴱⵄⴻⴷ ⴼⴻⵍⵍ-ⴰⵙ ⵢⴻⵜⵔⵉ-ⵏⵏⴻⵙ.

« ⴷ ⴰⵛⵓ ⴽⴰⵏ, ⵜⵉⴼⵉⵏ ⵏ ⵢⴻⵎⵜⵉⵡⴳⴻⵏ ⵓⴼⴼⵉⵖⴻⵏ ⵢⴻⵜⵜⴻⵣⵣⵉⵏ ⵖⴻⴼ ⵙⵉⵏ ⵏ ⵢⴻⵜⵔⴰⵏ ⵢⴻⵡⵄⴻⵕ ⵓⴳⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⵉⵍⵍⵉⴰⵎ ⵡⴻⵍⵙⵀ, ⴷ ⴰⵎⴻⵙⵏⴰⵍⵍⵓⵏ ⴷⴻⴳ ⵜⴻⵙⴷⴰⵡⵉⵜ ⵏ ⵓⵡⴰⵏⴰⴽ ⵏ ⵙⴰⵏ ⴷⵉⴻⴳⵧ (ⵙⴷⵙⵓ), ⵢⵉⵡⴻⵏ ⵙⴻⴳ ⵢⵉⵎⴻⵙⴽⴰⵔⴻⵏ ⵏ ⵓⵏⴰⴷⵉ-ⴰ.

ⴰⴽⵓⴷ ⴰⵢ ⵢⴻⴽⴽⴰⵜ ⵡⴻⵎⵜⵉⵡⴻⴳ-ⵏⵏⵉ ⴰⴽⴽⴻⵏ ⴰⴷ ⵉⵄⴻⴷⴷⵉ ⵖⴻⴼ ⵢⴻⵜⵔⵉ ⴰⵎⴻⵣⵡⴰⵔⵓ ⴷ ⵢⴻⵜⵔⵉ ⵡⵉⵙ ⵙⵉⵏ ⵓⵔ ⵢⴻⵍⵍⵉ ⴽⵉⴼⴽⵉⴼ-ⵉⵙ ⵢⴻⵣⵏⵓ ⵢⴻⵣⵎⴻⵔ ⴰⴷ ⵉⴱⴻⴷⴷⴻⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⴽⴽⴻⵏ ⴽⴰⵏ ⴰⴷ ⵛⵉⴽⴽⴻⵏ ⵢⵉⵎⴻⵙⵏⴰⵍⵍⵓⵏⴻⵏ ⴷⴰⴽⴽⴻⵏ ⵓⴼⴰⵏ-ⴷ ⴰⵎⵜⵉⵡⴻⴳ ⵓⴼⴼⵉⵖ, ⵙⵙⴻⵇⴷⴰⵛⴻⵏ ⴰⵀⵉⵍⴻⵏ ⴰⵙⴻⵍⴽⵉⵎⴰⵏⴻⵏ ⵉⵏⴰⵥⵉⵢⴻⵏ (ⵎⵓⵜⴰⵇⴰⴷⴷⵉⵎⴰ) ⴰⴽⴽⴻⵏ ⴰⴷ ⴷ-ⴰⴼⴻⵏ ⵎⴰ ⵢⴻⵍⵍⴰ ⴰⵢⴻⵏ ⵡⴰⵍⴰⵏ ⴷ ⴰⵎⵜⵉⵡⴻⴳ ⵏⴻⵖ ⵓⵀⵓ, ⵢⴻⵔⵏⵓ ⵢⴻⵣⵎⴻⵔ ⴰⴷ ⵢⴻⴹⴹⴻⴼ ⵛⵛⵖⴻⵍ-ⴰ ⴰⴽⵓⴷ ⴷ ⴰⵖⴻⵣⴼⴰⵏ.

ⵢⴻⵏⵏⴰ-ⴷ ⵓⵎⴻⵙⵏⴰⵍⵍⵓⵏ ⵍⴰⵓⵔⴰⵏⵛⴻ ⴷⵧⵢⵍⴻ ⵏ ⵓⵙⵓⴷⵓ (ⵎⴰⵄⵀⴰⴷ) ⵏ ⵙⴻⵜⵉ (ⵢⴻⵍⵍⴰⵏ ⴷ ⵢⵉⵡⴻⵏ ⵙⴻⴳ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵓⵏⴰⴷⵉ-ⴰ) ⴷⴰⴽⴽⴻⵏ ⵉⵡⴰⵍⴰ ⴰⵎⵜⵉⵡⴻⴳ-ⴰ ⵉⵄⴻⴷⴷⴰ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⴷⴻⴳ 2011.

ⴷ ⴰⵛⵓ ⴽⴰⵏ, ⴰⵔⵎⵉ ⴰⵢ ⵔⵏⴰⵏ ⵊⴻⵎⵄⴻⵏ-ⴷ ⵓⴳⴰⵔ ⵏ ⵢⵉⵙⴻⴼⴽⴰ (ⵎⵓⵄⵟⴰⵢⴰⵜ) ⴰⵢ ⵙⵙⴰⵡⴹⴻⵏ ⴰⴷ ⴽⴽⵙⴻⵏ ⵛⵛⴻⴽ ⴷⴰⴽⴽⴻⵏ ⴰⵎⵜⵉⵡⴻⴳ-ⴰ ⵢⴻⵜⵜⵄⴻⴷⴷⵉ ⵖⴻⴼ ⵙⵉⵏ ⵏ ⵢⴻⵜⵔⴰⵏ ⵢⴻⵎⴳⴻⵔⵔⴰⴷⴻⵏ.

ⴰⵎⵜⵉⵡⴻⴳ ⵏ ⴽⴻⵒⵍⴻⵔ-1647ⴱ ⵢⴻⵎⴳⴻⵔⵔⴰⴷ ⴷⴰⵖ ⵖⴻⴼ ⵢⴻⵎⵜⵉⵡⴳⴻⵏ ⵏ ⵚⵚⴻⵏⴼ-ⴰ ⵉⵎⵉ ⴰⵢ ⵢⴻⵇⵔⴻⴱ ⴰⵟⴰⵙ ⵖⴻⵔ ⵢⴻⵜⵔⴰⵏ-ⵏⵏⴻⵙ ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵎⵜⵉⵡⴳⴻⵏ ⵢⴻⵜⵜⴻⵣⵣⵉⵏ ⵖⴻⴼ ⵙⵉⵏ ⵢⴻⵜⵔⴰⵏ ⵜⵜⵉⵍⵉⵏ, ⵙ ⵓⵎⴰⵜⴰ, ⴱⴻⵄⴷⴻⵏ ⵖⴻⴼ ⵢⴻⵜⵔⴰⵏ-ⵏⵙⴻⵏ.