ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙⵙⴰ ⵎⴻⵙⵍⴻⵎ ⵜⵡⴻⴽⴽⴻⴷ-ⴷ ⵖⴻⴼ ⵡⴰⴷⴷⵓⴷ ⴰⴷⵣⴰⵢⵔⵉ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵏⵉⵊⵉⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵜⴰⵖⴻⵍⵏⴰⵡⵜ, ⵎⵧⵓⵏⵉⴰ ⵎⴻⵙⵍⴻⵎ ⵙⵉ ⴰⵎⴻⵔ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⴰⴷⴷⵓⴷ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵎⵄⴰⵡⵏⴰ ⵏ ⵏⵉⵊⵉⵔ ⵓⵔ ⵢⴻⵜⵜⴱⴻⴷⴷⵉⵍ, ⴰⴽⴽⴻⵏ ⵢⴻⴱⵖⵓ ⵢⵉⵍⵉ ⵍⵃⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ.
ⴷⴻⴳ ⵓⵎⵎⴰⴳⴻⵔ ⴰⵢ ⵜⴻⵎⵎⵓⴳⴻⵔ ⴰⵏⵎⴰⵀⴰⵍ (ⵙⴰⴼⵉⵔ) ⵏ ⵏⵉⵊⵉⵔ ⴷⴻⴳ ⵍⴻⵣⵣⴰⵢⴻⵔ, ⴰⵍⵉ ⵎⴰⵔⵧⵓ, ⵜⵡⴻⴽⴽⴻⴷ-ⴷ ⴷⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⵉⴽⴻⵎⵎⴻⵍ ⵓⵅⴻⴷⴷⵉⵎ ⵉ ⵡⴻⴹⵎⴰⵏ ⵏ ⵜⵖⴻⵍⵍⵉⵙⵜ (ⴰⵎⵏ), ⵜⴰⵍⵡⵉⵜ ⴷ ⵡⴻⵔⴽⴰⴷ ⴷⴻⴳ ⵜⵎⵓⵔⵜ-ⴰ ⵜⴰⵡⴻⵍⵜⵎⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵡⴻⵍⵖⵓ-ⴰ.
ⴷⴻⴳ ⵜⵖⵉⵎⵉⵜ-ⴰ, ⵙⵙⵓⴽⴽⴻⵏ-ⴷ ⵙⵉⵏ-ⴰ ⵏ ⵢⵉⴷⵉⵙⴰⵏ ⵜⵉⵟ ⵖⴻⴼ ⵡⴻⵎⵄⴰⵡⴻⵏ ⴰⵙⵉⵏⴷⵉⵙⴰⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵎⵄⴰⵡⵏⴰ ⵜⴰⵍⵙⴰⵏⵜ (ⵉⵏⵙⴰⵏⵉⵢⵢⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⵏⵏⵉ.
ⵎⴰ ⴷ ⵎⴰⵙⵙ ⵎⴰⵔⵧⵓ ⵢⴻⵔⵔⴰ ⵜⴰⵊⵎⵉⵍⵜ ⵉ ⵍⴻⵣⵣⴰⵢⴻⵔ, ⴰⵏⴰⴱⴰⴹ-ⵏⵏⴻⵙ (ⵃⵓⴽⵓⵎⴰ) ⴷ ⵡⴻⵖⵔⴻⴼ-ⵏⵏⴻⵙ ⵖⴻⴼ ⵜⴻⵎⵙⴻⵜⵍⴻⵍⵜ ⵉⴼⴰⵣⴻⵏ ⴰⵢ ⴷ-ⴼⴽⴰⵏ ⵉ ⵜⵎⵓⵔⵜ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵙⵄⴻⴷⴷⵉ ⵜⴰⵙⵡⵉⵄⵜ-ⵏⵏⴻⵙ ⵏ ⵛⵛⴻⴷⴷⴰ.
