ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵛ ⵍⴻⵣⵣⴰⵢⴻⵔ: ⴰⴷ ⵢⴻⵇⵇⵉⵎ ⵛⵀⴰⵧⵓⵛⵀⵉ ⴷ ⴰⵄⴻⵙⵙⴰⵙ ⵡⵉⵙ 3 ⴷⴻⴳ ⵜⵙⴻⵎⵀⵓⵢⵜ ⴰⵢ ⴷ-ⵢⴻⵜⵜⴻⴷⴷⵓⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵖⵜⴻⵙ ⵎⵛ ⵍⴻⵣⵣⴰⵢⴻⵔ ⴰⴷ ⵜⴻⵊⵎⴻⵄ ⴰⵄⴻⵙⵙⴰⵙ ⵏ ⵢⴻⵙⵡⵉ ⴼⴰⵧⵓⵣⵉ ⵛⵀⴰⵧⵓⵛⵀⵉ ⴷ ⴰⵄⴻⵙⵙⴰⵙ ⵡⵉⵙ 3 ⴷⴻⴳ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⴰⵢ ⴷ-ⵢⴻⵜⵜⴻⴷⴷⵓⵏ, ⵓⵍⴰ ⵎⴰ ⵜⵄⵓⵇⴻⴱ-ⵉⵜ ⵜⴻⵎⵖⵓⵏⵜ ⵏ ⵜⵛⵉⵔⴹⴰⵔⵜ ⵜⴰⵙⴰⴷⵓⵔⴰⵏⵜ ⵙ ⵡⴻⵃⴱⴰⵙ ⵏ ⵡⵓⵔⴰⵔ ⴷⴻⴳ 10 ⵏ ⵜⴻⵎⵍⵉⵍⵉⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵡⴻⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⴷⵊⴰⵎⴻⵍ ⵎⴻⵏⴰⴷ.

« ⵛⵀⴰⵧⵓⵛⵀⵉ ⴰⴷ ⵢⵉⵍⵉ ⵢⵉⴷ-ⵏⴻⵖ ⴷⴻⴳ ⵜⵙⴻⵎⵀⵓⵢⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵢⴻⵔⵏⵓ ⴰⴷ ⵢⵉⵍⵉ ⴷ ⴰⵄⴻⵙⵙⴰⵙ ⵡⵉⵙ 3. ⴰⵙⵍⴰⴳⴻⵏ ⵢⴻⵛⵔⴻⴹ-ⴷ ⴰⴷ ⵉⵍⵉⵏ 3 ⵏ ⵢⵉⵄⴻⵙⵙⴰⵙⴻⵏ ⵏ ⵢⴻⵙⵡⵉ ⵙⴻⴳ ⵜⴰⴳⴳⴰⵢⵜ ⵏ ⵢⵉⵎⴻⵇⵔⴰⵏⴻⵏ ⴷⴻⴳ ⵜⴻⵖⵍⴰⵎⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴻⵏⴰⴷ ⵎⵉ ⴷ-ⵉⵇⴻⴷⴷⴻⵎ ⴰⵄⴻⵙⵙⴰⵙ ⴰⵎⴰⵢⵏⵓ, ⴽⵀⴻⵉⵔⴻⴷⴷⵉⵏⴻ ⴱⵧⵓⵙⵙⵧⵓⴼ (ⵏⴰ ⵃⵓⵙⵉⵏ ⴷⴰⵢ) ⴰⵢ ⴷ-ⵜⴻⵡⵡⵉ ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ.

ⵢⴻⵜⵜⵡⴰⵄⴰⵇⴻⴱ ⵛⵀⴰⵓⵛⵀⵉ ⴷⴷⵓⵕⵜ ⵢⴻⵣⵔⵉⵏ ⴷⴻⴼⴼⵉⵔ ⵜⴻⴷⵢⴰⵏⵉⵏ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⵍⵉⵍⵉⵜ ⴰⵢ ⵜⵓⵔⴰⵔ ⵜⴻⵖⵍⴰⵎⵜ-ⵏⵏⴻⵙ ⵎⴳⴰⵍ ⴻⵙ ⵙⴹⵉⴼ (2-2) ⴰⵙⵙ ⵏ 27 ⵎⴰⵢⵓ ⴷⴻⴳ ⵓⵙⴰⵔⵉⵔ ⵏ ⴱⵓⵍⵓⵖⵉⵏ ⴷⴻⴳ ⵡⴰⵙⵙ ⵡⵉⵙ 30 (ⵢⴻⵔⵏⵓ ⴷ ⴰⵏⴻⴳⴳⴰⵔⵓ) ⵏ ⵜⴻⵍⵖⵓⵖⴰ ⵏ ⵍⴻⵣⵣⴰⵢⴻⵔ.

ⵢⴻⵜⵜⵡⴰⵜⵜⵀⴻⵎ ⵛⵀⴰⵧⵓⵛⵀⵉ ⵙ ⵡⴻⵜⵄⴻⴷⴷⵉ ⵖⴻⴼ ⵓⵄⴻⵙⵙⴰⵙ ⵏ ⴻⵙ ⵙⴹⵉⴼ, ⴰⴱⴷⴻⵔⵔⴰⵧⵓⴼ ⴱⴻⵍⵀⴰⵏⵉ, ⴷ ⴰⵜⵄⴻⴷⴷⵉ ⴰⵢⴷⴻⴳ ⵢⴻⵜⵜⵡⴰⵖ ⵓⵏⴻⴳⴳⴰⵔⵓ-ⴰ ⵢⴻⵔⵏⵓ ⵢⴻⵜⵜⵡⴰⵃⴻⵜⵜⴻⵎ ⴰⴷ ⵢⴻⵃⴱⴻⵙ ⵓⵔⴰⵔ 4 ⵏ ⵡⴰⵢⵢⵓⵔⴻⵏ.

ⵎⴻⵏⵖⵉⵔ ⵛⵀⴰⵓⵛⵀⵉ ⴷ ⴱⵧⵓⵙⵙⵧⵓⴼ, ⵜⴻⵔⵔⴰ-ⴷ ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ ⴰⵄⴻⵙⵙⴰⵙ-ⵏⵏⴻⵙ ⴰⴳⵔⴰⵖⵍⴰⵏ ⵓⵍⵉⵎⵒⵉ ⴼⴰⵔⵉⴷ ⵛⵀⴰⴰⵍ ⴰⵢ ⵜⴻⵔⴹⴻⵍ, ⵏⴰⵇⴰⵍ, ⵉ ⵓⵙⵎ ⵍⵃⴻⵕⵕⴰⵛ, ⵢⴻⵔⵏⵓ ⴷ ⵏⴻⵜⵜⴰ ⴰⴷ ⵢⵓⵖⴰⵍⴻⵏ ⴷ ⴰⵄⴻⵙⵙⴰⵙ ⴰⵎⴻⵣⵡⴰⵔⵓ ⵏ ⵎⵓⵍⵓⴷⴻⵢⵢⴰ.

ⵜⴰⵖⵍⴰⵎⵜ ⵏ ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ ⵜⴻⵔⴱⴻⵃ-ⴷ ⵜⴰⵇⴱⵓⵛⵜ ⵏ ⵍⴷⵣⴰⵢⴻⵔ ⵏ 2016 ⵢⴻⵔⵏⵓ ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⴻⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ.