ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵏⵏⴰⵏⵜ ⵏ ⵜⴳⴻⵊⴷⴰ: « ⵍⴰ ⵏⵅⴻⴷⴷⴻⵎ ⴰⴽⴽⴻⵏ ⴰⴷ ⵏⴻⵙⵙⴻⵊⵀⴻⴷ ⵜⴰⴳⵔⴰⵡⵜ ⵢⴻⵔⵏⵓ ⴰⴷ ⴷ-ⵏⴻⵔⵔ ⵉⵎⴻⵊⵔⴰⵃ » (ⵙⵀⵓⵔⵎⴰⵏⵏ)

ⵜⵓⴱⵉⵔⴻⵜ – ⵢⴻⵏⵏⴰ-ⴷ ⵡⴻⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵜⵛⵉⵔⴹⴰⵔⵜ ⵏ ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ, ⴰⵙⵡⵉⵙⵉ ⵒⵉⴻⵔⵔⴻ-ⴰⵏⴷⵔⴻ ⵙⵀⵓⵔⵎⴰⵏⵏ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵓⴱⵉⵔⴻⵜ, ⴷⴰⴽⴽⴻⵏ ⵉⵅⴻⴷⴷⴰⵎⴻⵏ-ⵏⵏⴻⵙ ⵍⴰ ⵅⴻⴷⴷⵎⴻⵏ, ⴷⴻⴳ ⵜⴳⴻⵊⴷⴰ, ⴰⴽⴽⴻⵏ ⴰⴷ ⵙⵊⴻⵀⴷⴻⵏ ⵜⴰⴳⵔⴰⵡⵜ ⵢⴻⵔⵏⵓ ⴰⴷ ⴷ-ⵔⵔⴻⵏ ⵉⵎⴻⵊⵔⴰⵃ ⵉ ⵍⵎⴻⵏⴷ ⵏ ⵓⵙⵙⴻⵡⵊⴻⴷ ⵉ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ.

« ⵍⴰ ⵏⴻⵜⵜⴽⴻⵎⵎⵉⵍ ⵜⴰⵏⵏⴰⵏⵜ-ⵏⵏⴻⵖ ⴷⴻⴳ ⵢⴻⴷⵔⴰⵔⴻⵏ ⵏ ⵜⴳⴻⵊⴷⴰ, ⴰⵏⴷⴰ ⴰⵢ ⵍⴰ ⵏⵅⴻⴷⴷⴻⵎ ⴰⴽⴽⴻⵏ ⴰⴷ ⵏⴻⵙⵙⴻⵊⵀⴻⴷ ⵜⴰⴳⵔⴰⵡⵜ, ⴰⴷ ⴷ-ⵏⴻⵔⵔ ⵉⵎⴻⵊⵔⴰⵃ » ⵢⴻⵔⵏⵓ ⴰⴷ ⴷ-ⵜⵜⵡⴰⵀⴻⵢⵢⵉⵏ ⴰⴽⴽ ⵖⴻⵔ ⵡⴻⵙⵡⵉⵔ ⵢⴻⵙⵙⴻⴼⴽⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵙⵀⵓⵔⵎⴰⵏⵏ ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵙⴰⵔⵉⵔ ⵏ ⵓⵙⵓⴷⴷⵉⵙ ⴰⴷⴷⴰⵍⴰⵏ ⵏ ⵔⴰⴱⴰⵀ-ⴱⵉⵜⴰⵜ ⵏ ⵜⵓⴱⵉⵔⴻⵜ.

ⵢⴻⵏⵏⴰ-ⴷ ⴷⴰⵖ ⵡⴻⵙⵍⴻⵖⵎⴰⵢ ⴰⵖⴻⵍⵏⴰⵡ ⴷⴰⴽⴽⴻⵏ ⵉⵀⴻⵢⵢⴰ-ⴷ ⴰⵀⵉⵍ ⵉⵡⴰⵜⴰⵏ ⵉ ⵡⴰⵢⵢⵓⵔ ⵏ ⵔⴻⵎⴹⴰⵏ, ⴷ ⵡⵉⵏ ⵢⴻⵔⵣⴰⵏ ⴰⵀⴻⵢⵢⵉ ⵏ ⵜⴼⴻⴽⴽⴰ ⴷ ⵜⵜⴰⴽⵜⵉⵜ. « ⴷⴻⴳ ⵜⴰⵏⵏⴰⵏⵜ-ⵏⵏⴻⵖ (ⵜⴰⵔⴰⴱⴱⵓⵚ), ⵏⴻⵏⵏⵓⵎ ⴰⵅⴻⴷⴷⵉⵎ ⴷⴻⴳ ⵔⴻⵎⴹⴰⵏ ⵢⴻⵔⵏⵓ ⵍⴰ ⵏⵅⴻⴷⴷⴻⵎ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ ⴷⴻⴳ ⵡⴻⵎⴽⴰⵏ ⵄⵍⴰⵢⴻⵏ ⵉ ⵓⵙⵙⴻⵡⵊⴻⴷ ⵉ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⵏ 2016 (5-21 Ɣⵓⵛⵜ). »

ⴰⵙⵙ ⵏ ⵜⵜⵍⴰⵜⴰ, ⵖⴻⴼ ⵜⵉⵙ 6 ⵏ ⵜⵎⴻⴷⴷⵉⵜ, ⵙⵍⴻⵖⵎⴰⵏ 25-ⵏⵏⵉ ⵏ ⵢⵉⵎⴰⵔⵉⵔⴻⵏ ⴰⵢ ⵢⴻⴱⴷⴰⵏ ⵜⴰⵏⵏⴰⵏⵜ ⴰⵙⵙ ⵏ 9 ⵢⵓⵏⵢⵓ. ⴰⵙⵍⴻⵖⵎⵓ-ⴰ ⵢⴻⴹⴹⴻⴼ ⴰⵣⴳⴻⵏ ⵏ ⵜⵙⴰⵄⴻⵜ ⴷⴻⴳ ⵓⵙⴰⵔⵉⵔ ⵏ ⵔⴰⴱⴰⵀ-ⴱⵉⵜⴰⵜ ⵏ ⵜⴻⵎⴷⵉⵏⵜ ⵏ ⵜⵓⴱⵉⵔⴻⵜ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵓⵎⵓⵖ ⵏ 22 ⵏ ⵢⵉⵎⴰⵔⵉⵔⴻⵏ ⴰⴷ ⵢⴻⵜⵜⴻⴽⴽⵉⵏ ⵙ ⵡⵓⴷⴻⵎ ⵓⵏⵚⵉⴱ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ, ⵢⴻⵏⵏⴰ-ⴷ ⵡⴻⵙⵍⴻⵖⵎⴰⵢ ⴰⵖⴻⵍⵏⴰⵡ ⴷⴰⴽⴽⴻⵏ ⵢⴻⵔⵄⴰⴷ ⵓⵔ ⴷ-ⵢⴻⵜⵜⵡⴰⵀⴻⵢⵢⴰ ⵡⵓⵎⵓⵖ-ⵏⵙⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵖⴻⴼ ⵢⴻⵙⵡⵉ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵢⴻⴱⵖⴰⵏ ⴰⴷ ⴷ-ⵜⴰⵡⵉ ⴰⵎⴻⵛⵡⴰⵕ ⵢⴻⵍⵀⴰⵏ ⴷⴻⴳ ⵔⵉⵧ (ⴱⵔⵉⵣⵉⵍ).