ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵇⴱⴻⵍ ⵉⵙⵕⴰⵢⵉⵍ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵍⵇⵓⴷⵙ

ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ – ⵇⴻⴱⵍⴻⵏ ⵢⵉⴷⵓⴱⴰ (ⵙⵓⵍⵓⵟⴰⵜ) ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ, ⴰⵙⵙ ⵏ ⵍⴰⵕⴻⴱⵄⴰ, ⵍⴻⴱⵏⵉ ⵏ ⵢⵉⵡⴻⵏ ⵏ ⵓⵣⴰⴷⴰⵖ (ⵄⵉⵎⴰⵔⴰ) ⵉ ⵜⵡⴰⵛⵓⵍⵉⵏ ⵜⵓⴷⴰⵢⵉⵏ ⴷⴻⴳ ⵙⵉⵍⵡⴰⵏ ⵢⴻⵍⵍⴰⵏ ⴷ ⴰⴳⵎⴰⵎ ⴷⴻⴳ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ.

« ⵇⴻⴱⵍⴻⵏ ⵢⵉⴷⵓⴱⴰ ⵉⵙⵕⴰⵢⵉⵍⵉⵢⴻⵏ ⵍⴻⴱⵏⵉ ⵏ ⵢⵉⵡⴻⵏ ⵏ ⵓⵣⴰⴷⴰⵖ ⵏ 3 ⵏ ⵡⴰⵏⵏⴰⴳⴻⵏ (ⵟⴰⵡⴰⴱⵉⵇ) ⴷⴻⴳ ⵙⵉⵍⵡⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⴽⵔⴰ ⵏ ⵜⴻⵖⴱⵓⵍⴰ (ⵎⴰⵚⴰⴷⵉⵔ) ⵜⵉⴼⴰⵍⴻⵙⵟⵉⵏⵉⵢⵉⵏ.

ⵉⴷⵓⴱⴰ ⵉⵙⵕⴰⵢⵉⵍⵉⵢⴻⵏ ⵎⴰⵣⴰⵍ ⵙⵙⴻⵖⵔⴻⵏ ⵉⵖⴻⴼ ⵢⴻⵔⵏⵓ ⵜⵜⴽⴻⵎⵎⵉⵍⴻⵏ ⵜⴰⵙⴻⵔⵜⵉⵜ-ⵏⵙⴻⵏ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ), ⵓⵍⴰ ⵎⴰ ⵢⴻⵣⴳⴰ ⵡⴻⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⵢⴻⴽⴽⴰⵜ-ⴷ ⴷⴻⴳ ⵡⴰⵢⴰ.

ⴷⴻⴳ 1967, ⵍⵇⵓⴷⵙ-ⵜⴰⴳⵎⵓⴹⴰⵏⵜ (ⵛⴰⵔⵇⵉⵢⵢⴰ) ⵍⵍⴰⵏ ⵣⴻⴷⵖⴻⵏ-ⵜⵜ ⴽⵔⴰ ⴽⴰⵏ ⵏ ⵜⵡⵉⵏⴰⵙ (ⵎⵉ’ⴰⵜ) ⵏ ⵢⴻⵎⵀⴰⵔⵙⴻⵏ ⵉⵙⵕⴰⵢⵉⵍⵉⵢⴻⵏ, ⵎⴰⵛⴰ ⴰⵙⵙ-ⴰ ⵡⵡⴹⴻⵏ ⵖⴻⵔ 195.000 ⵏ ⵢⴻⵎⵀⴰⵔⵙⴻⵏ ⵙⴻⴳ ⴳⴰⵔ 450.000 ⵏ ⵢⵉⵎⴻⵣⴷⴰⵖⴻⵏ. ⴷⴻⴳ ⵡⴻⴳⵎⴰⵎ ⵏ ⵙⵉⵍⵡⴰⵏ ⵉ ⵢⵉⵎⴰⵏ-ⵏⵏⴻⵙ, ⴷ ⵜⵉⵡⵉⵏⴰⵙ ⵏ ⵢⴻⵎⵀⴰⵔⵙⴻⵏ ⵉⵙⵕⴰⵢⵉⵍⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵜⵍⴻⵎⵎⴰⵙⵜ ⵏ 55.000 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⵖⴻⴼ ⵍⴻⵃⵙⴰⴱ ⵏ ⵢⴻⵎⴹⴰⵏⴻⵏ ⵓⵏⵚⵉⴱⴻⵏ.