Asebter amenzawi

Teqbel Isṛayil lebni n tnezduɣin timaynutin deg Lquds

LQUDS yettwaḍḍfen – Qeblen yiduba (suluṭat) n tuḍḍfa tisṛayilit, ass n laṛebɛa, lebni n yiwen n uzadaɣ (ɛimara) i twaculin tudayin deg Silwan yellan d agmam deg Lquds yettwaḍḍfen.

« Qeblen yiduba isṛayiliyen lebni n yiwen n uzadaɣ n 3 n wannagen (ṭawabiq) deg Silwan », ɣef wakken ay d-nnant kra n teɣbula (maṣadir) tifalesṭiniyin.

Iduba isṛayiliyen mazal sseɣren iɣef yernu ttkemmilen tasertit-nsen n ussehres (istiɛmar), ula ma yezga wemɣiwan (muǧtamaɛ) agraɣlan yekkat-d deg waya.

Deg 1967, Lquds-Tagmuḍant (carqiyya) llan zedɣen-tt kra kan n twinas (mi’at) n yemharsen isṛayiliyen, maca ass-a wwḍen ɣer 195.000 n yemharsen seg gar 450.000 n yimezdaɣen. Deg wegmam n Silwan i yiman-nnes, d tiwinas n yemharsen isṛayiliyen ay izedɣen deg tlemmast n 55.000 n Yifalesṭiniyen, ɣef leḥsab n yemḍanen unṣiben.