Asebter amenzawi

Ugar n 3.000 n yemdanen ay yettwaḍḍfen d 4.819 n ttesriḥat n tenhaṛt ay yettwakksen (taɣellist)

LEZZAYER TAMANEɣT – Deg ukatar n yimenɣi mgal tejrimt, teḍḍef tɣellist (amn) n twilayt n Lezzayer 3.093 n yemdanen, yernu kksen 4.819 n ttesriḥat n tenhaṛt, am wakken ay d-ḍḍfen 2,5 n yikilugṛamen n lkif, ɣef wakken ay d-yenna yiwen n welɣu (bayan) n tɣellist-a.

2.647 n temsal ayyes d-lhan yimeẓla (maṣaliḥ) n temsulta taɣedmant (curṭa qaḍa’iyya) n twilayt n Lezzayer deg wayyur n Mayu, yernu d aya ay yessawḍen ɣer tuḍḍfa n 3.093 n yemdanen ay iɛeddan deg ccṛeɛ, gar-asen 1.380 n yemdanen ay yettwaḍḍfen imi ay ufan ɣer-sen neɣ sqedcen tihyufin, 239 imi ay ufan ɣer-sen leslaḥ yettwagedlen d 1.474 ɣef termeggiyin yemgerraden.

Gar temsal ayyes d-telha temsulta, 224 qqnent ɣer wetɛeddi ɣef wayla d 684 qqnent ɣer wetɛeddi ɣef yemdanen, gar-asent 4 n temsal n tmenɣiwt s tmeɛmada.

Ma yerzan tawacult d werkaḍ n lḥeṛma, telha-d temsulta s 37 n termeggiyin (ǧunḥa) yeqqnen ɣer temsalt tanagdudt, d 91 n termeggiyin niḍen yeqqnen ɣer tdamsa d tedrimt, ɣef leḥsab n welɣu-nni.

Deg wayen yerzan arfad n leslaḥ yettwagedlen, lhan-d yimeẓla n temsulta s 223 n temsal yerzan 239 n yemdanen ay iɛeddan deg ccṛeɛ.

Deg ukatar n yimenɣi mgal tejrimt, 1.252 n temsal yerzan 1.380 n yemdanen ayyes d-telha temsulta, yernu yessaweḍ waya ɣer tuḍḍfa n 2,5 n yikilugṛamen n lkif, 3,74 n yegṛamen n tkukayint, 12,8 n yegṛamen n thiṛuyint d 9.105 n tɛeqqacin n yisafaren n leɛqel.