ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 3.000 ⵏ ⵢⴻⵎⴷⴰⵏⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷ 4.819 ⵏ ⵜⵜⴻⵙⵔⵉⵃⴰⵜ ⵏ ⵜⴻⵏⵀⴰⵕⵜ ⴰⵢ ⵢⴻⵜⵜⵡⴰⴽⴽⵙⴻⵏ (ⵜⴰⵖⴻⵍⵍⵉⵙⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ, ⵜⴻⴹⴹⴻⴼ ⵜⵖⴻⵍⵍⵉⵙⵜ (ⴰⵎⵏ) ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ 3.093 ⵏ ⵢⴻⵎⴷⴰⵏⴻⵏ, ⵢⴻⵔⵏⵓ ⴽⴽⵙⴻⵏ 4.819 ⵏ ⵜⵜⴻⵙⵔⵉⵃⴰⵜ ⵏ ⵜⴻⵏⵀⴰⵕⵜ, ⴰⵎ ⵡⴰⴽⴽⴻⵏ ⴰⵢ ⴷ-ⴹⴹⴼⴻⵏ 2,5 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵍⴽⵉⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵜⵖⴻⵍⵍⵉⵙⵜ-ⴰ.

2.647 ⵏ ⵜⴻⵎⵙⴰⵍ ⴰⵢⵢⴻⵙ ⴷ-ⵍⵀⴰⵏ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⴻⵎⵙⵓⵍⵜⴰ ⵜⴰⵖⴻⴷⵎⴰⵏⵜ (ⵛⵓⵔⵟⴰ ⵇⴰⴹⴰ’ⵉⵢⵢⴰ) ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⵢⵓⵔ ⵏ ⵎⴰⵢⵓ, ⵢⴻⵔⵏⵓ ⴷ ⴰⵢⴰ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵜⵓⴹⴹⴼⴰ ⵏ 3.093 ⵏ ⵢⴻⵎⴷⴰⵏⴻⵏ ⴰⵢ ⵉⵄⴻⴷⴷⴰⵏ ⴷⴻⴳ ⵛⵛⵕⴻⵄ, ⴳⴰⵔ-ⴰⵙⴻⵏ 1.380 ⵏ ⵢⴻⵎⴷⴰⵏⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⵉⵎⵉ ⴰⵢ ⵓⴼⴰⵏ ⵖⴻⵔ-ⵙⴻⵏ ⵏⴻⵖ ⵙⵇⴻⴷⵛⴻⵏ ⵜⵉⵀⵢⵓⴼⵉⵏ, 239 ⵉⵎⵉ ⴰⵢ ⵓⴼⴰⵏ ⵖⴻⵔ-ⵙⴻⵏ ⵍⴻⵙⵍⴰⵃ ⵢⴻⵜⵜⵡⴰⴳⴻⴷⵍⴻⵏ ⴷ 1.474 ⵖⴻⴼ ⵜⴻⵔⵎⴻⴳⴳⵉⵢⵉⵏ ⵢⴻⵎⴳⴻⵔⵔⴰⴷⴻⵏ.

ⴳⴰⵔ ⵜⴻⵎⵙⴰⵍ ⴰⵢⵢⴻⵙ ⴷ-ⵜⴻⵍⵀⴰ ⵜⴻⵎⵙⵓⵍⵜⴰ, 224 ⵇⵇⵏⴻⵏⵜ ⵖⴻⵔ ⵡⴻⵜⵄⴻⴷⴷⵉ ⵖⴻⴼ ⵡⴰⵢⵍⴰ ⴷ 684 ⵇⵇⵏⴻⵏⵜ ⵖⴻⵔ ⵡⴻⵜⵄⴻⴷⴷⵉ ⵖⴻⴼ ⵢⴻⵎⴷⴰⵏⴻⵏ, ⴳⴰⵔ-ⴰⵙⴻⵏⵜ 4 ⵏ ⵜⴻⵎⵙⴰⵍ ⵏ ⵜⵎⴻⵏⵖⵉⵡⵜ ⵙ ⵜⵎⴻⵄⵎⴰⴷⴰ.

ⵎⴰ ⵢⴻⵔⵣⴰⵏ ⵜⴰⵡⴰⵛⵓⵍⵜ ⴷ ⵡⴻⵔⴽⴰⴹ ⵏ ⵍⵃⴻⵕⵎⴰ, ⵜⴻⵍⵀⴰ-ⴷ ⵜⴻⵎⵙⵓⵍⵜⴰ ⵙ 37 ⵏ ⵜⴻⵔⵎⴻⴳⴳⵉⵢⵉⵏ (ⴵⵓⵏⵃⴰ) ⵢⴻⵇⵇⵏⴻⵏ ⵖⴻⵔ ⵜⴻⵎⵙⴰⵍⵜ ⵜⴰⵏⴰⴳⴷⵓⴷⵜ, ⴷ 91 ⵏ ⵜⴻⵔⵎⴻⴳⴳⵉⵢⵉⵏ ⵏⵉⴹⴻⵏ ⵢⴻⵇⵇⵏⴻⵏ ⵖⴻⵔ ⵜⴷⴰⵎⵙⴰ ⴷ ⵜⴻⴷⵔⵉⵎⵜ, ⵖⴻⴼ ⵍⴻⵃⵙⴰⴱ ⵏ ⵡⴻⵍⵖⵓ-ⵏⵏⵉ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵔⴼⴰⴷ ⵏ ⵍⴻⵙⵍⴰⵃ ⵢⴻⵜⵜⵡⴰⴳⴻⴷⵍⴻⵏ, ⵍⵀⴰⵏ-ⴷ ⵢⵉⵎⴻⵥⵍⴰ ⵏ ⵜⴻⵎⵙⵓⵍⵜⴰ ⵙ 223 ⵏ ⵜⴻⵎⵙⴰⵍ ⵢⴻⵔⵣⴰⵏ 239 ⵏ ⵢⴻⵎⴷⴰⵏⴻⵏ ⴰⵢ ⵉⵄⴻⴷⴷⴰⵏ ⴷⴻⴳ ⵛⵛⵕⴻⵄ.

ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ, 1.252 ⵏ ⵜⴻⵎⵙⴰⵍ ⵢⴻⵔⵣⴰⵏ 1.380 ⵏ ⵢⴻⵎⴷⴰⵏⴻⵏ ⴰⵢⵢⴻⵙ ⴷ-ⵜⴻⵍⵀⴰ ⵜⴻⵎⵙⵓⵍⵜⴰ, ⵢⴻⵔⵏⵓ ⵢⴻⵙⵙⴰⵡⴻⴹ ⵡⴰⵢⴰ ⵖⴻⵔ ⵜⵓⴹⴹⴼⴰ ⵏ 2,5 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵍⴽⵉⴼ, 3,74 ⵏ ⵢⴻⴳⵕⴰⵎⴻⵏ ⵏ ⵜⴽⵓⴽⴰⵢⵉⵏⵜ, 12,8 ⵏ ⵢⴻⴳⵕⴰⵎⴻⵏ ⵏ ⵜⵀⵉⵕⵓⵢⵉⵏⵜ ⴷ 9.105 ⵏ ⵜⵄⴻⵇⵇⴰⵛⵉⵏ ⵏ ⵢⵉⵙⴰⴼⴰⵔⴻⵏ ⵏ ⵍⴻⵄⵇⴻⵍ.