Asebter amenzawi

Imer n umaris : Ajenned n 17.000 n yimuɛawnen n ummestan uɣarim deg i 14 n twilayin tiftisin

LEZZAYER – Ijenned ummestan uɣarim azal n 17.000 n yimuɛawnen jar n umsadur d umiran deg i uswir n 14 n temdinin tiftisin, ɣef leḥsab matta nesla, ass n llirebɛa, sɣer n tamehla tamatut n ummestan uɣrim.

Aren i yiweḍḍḥed unemhal n uɛuddi d tɣamsa deg i tamehla tamatut n ummestan uɣrim mass lɛaqid, Faruq Ɛacur, i l’(Aps), belli tamehla tamatut n ummestan uɣarim tessigt yimusaɛfen yid-s al deg i awwḍen ɣer 17.000. Aren i tewwid ttawilat yilezment am tiflukin timeṭṭaṭin yewwḍent 100. Mani ad hen ssexdment deg i 379 n tiftisin seg i uṭṭun amatu n tiftisin yewwḍen 609 deg uswir aɣelnaw.

Tamawt belli ɛudden ssrabes n ummestan uɣarim tamasit ɣer tiftisin azal n (1 melyun) d yudan seg i umezwaru n, yunyu, ɣer wass-a. Mani fukken seg uɣraq azal n 678 seg i tmettant, u yemmut wict.

Ma d temsalt n usɣay n 6 n tmafagin i usexdem-nnsent. Utlayen yimeshal n ssrabes n ummestan uɣarim fell-asent belli ur ɛad ur udifent deg i lxedmet. Acku yicifuren-nsent ur ɛad lemmden.