ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
Seg Tasanayt s tmaziɣt imunen
ⵜⵉⵒⴰⵣⴰ: ⵜⵓⴹⴹⴼⴰ ⵏ ⵢⵉⵡⴻⵏ ⵏ ⵡⴻⵎⴷⴰⵏ ⴰⵢⴷⴻⴳ ⵢⴻⵍⵍⴰ ⵛⵛⴻⴽ ⵢⴻⵏⵖⴰ
ⵜⵉⵒⴰⵣⴰ - ⴹⴹⴼⴻⵏ ⵢⵉⵎⴻⵥⵍⴰ ⵏ ⵜⴻⵎⵙⵓⵍⵜⴰ ⵜⴰⵖⴻⴷⵎⴰⵏⵜ (ⵛⵓⵔⵟⴰ ⵇⴰⴹⴰ’ⵉⵢⵢⴰ) ⵏ ⵜⵡⵉⵍⴰⵢⵜ ⵏ ⵜⵉⵒⴰⵣⴰ, ⴰⵙⵙ ⵏ ⵜⵜⵍⴰⵜⴰ, ⵢⵉⵡⴻⵏ ⵏ ⵓⵎⴻⵛⴽⵓⴽ ⴷⴻⴳ ⵜⴻⵇⵍⵉⵄⵜ, ⵛⵡⵉⵟ ⴽⴰⵏ ⵓⵇⴱⴻⵍ ⵎⴰ ⵢⴻⴷⴷⴻⵏ ⵍⵎⴻⵖⵔⴻⴱ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ ⵏ ⵜⵉⵒⴰⵣⴰ ⴰⵙⵙ ⵏ ⵍⴰⵕⴻⴱⵄⴰ.
ⴳⵔⴻⵏ-ⴷ ⵢⵉⵎⴻⵥⵍⴰ ⵏ ⵜⴻⵎⵙⵓⵍⵜⴰ ⵜⴰⵖⴻⴷⵎⴰⵏⵜ ⵉⵎⴰⵏ-ⵏⵙⴻⵏ ⴷⴻⴳ ⵙⵙⵓⵇ ⴰⵖⴻⵔⴼⴰⵏ ⵏ ⵜⴻⵎⴷⵉⵏⵜ-ⴰ, ⴷⴻⴼⴼⵉⵔ ⵎⴰ ⵢⴻⵡⵡⴻⴹ-ⴷ ⵢⵉⵙⴰⵍⵉ ⴷⴰⴽⴽⴻⵏ ⵏⵖⴰⵏ ⵢⵉⵡⴻⵏ ⵏ ⵢⵉⵍⴻⵎⵥⵉ ⵏ 23 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵢⵉⵡⴻⵏ ⵏ ⵢⵉⵎⴻⵏⵖⵉ ⴰⵢ ⴷ-ⵢⴻⵍⵍⴰⵏ ⵖⴻⴼ ⵢⴻⴳⴹⴰⴹ.
ⵉⵍⴻⵎⵥⵉ-ⴰ ⵢⴻⵜⵜⵡⴻⵜ ⴰⵛⵃⴰⵍ ⴷ ⵜⵉⴽⴽⴻⵍⵜ ⵙ ⵜⴻⴼⵔⵓⵜ ⵢⴻⵔⵏⵓ ⴷ ⵜⴰ ⴰⵢ ⴷ ⵙⵙⴻⴱⴱⴰ ⵏ ⵜⵎⴻⵜⵜⴰⵏⵜ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⵖⴻⵍⵍⵉⵙⵜ (ⴰⵎⵏ) ⵏ ⵜⵡⵉⵍⴰⵢⵜ ⵏ ⵜⵉⵒⴰⵣⴰ.
ⴰⵎⴻⵜⵜⵀⵓⵎ ⴰⵢ ⵢⴻⵜⵜⵡⴰⴹⴹⴼⴻⵏ ⴷⵉⵏⴷⵉⵏ ⴽⴰⵏ, ⵢⴻⴱⴷⴻⴷ ⵙⴷⴰⵜ ⵍⵇⴰⴹⵉ ⴷⴻⴳ ⵡⴻⵅⵅⴰⵎ ⵏ ⵛⵛⵕⴻⵄ ⵏ ⵜⴻⵇⵍⵉⵄⵜ.
