Asebter amenzawi

Ɛennaba: awwaḍ n uɣerrabu n Tassili 2 ay d-yewwin 320 n yiminigen idzayriyen

ƐENNABA– Yewweḍ uɣerrabu n yemsiklen (musafirin) Tassili 2 ass n laṛebɛa ɣer usagen n Ɛennaba (yusa-d seg Marseille, Fṛansa), yernu yewwi-d yid-s 324 n yiminigen d 233 n tkeṛṛusin, ɣef wakken ay d-nwala.

I lmend n ugerrez n ummager-nsen, tga-d tedwant tadzayrit « agnir azegzaw » i twaculin d yemɣaren, yernu nnan-d yimasayen (mas’ulin) n tedwant dakken ttwaddmen yiḥezziben imaynuten i usselhu n tegnatin n wadaf n yemsiklen. Gar yiḥezziben-a, uɣalen, imir-a, yemsiklen zemren ad d-kecfen anect ay sɛan d idrimen iwerdaniyen deg udeg unṣib n tedwant uqbel ma rekben aɣerrabu, am wakken ay zemren ad d-aznen lekwaɣeḍ n wesɛeddi n sselɛa mi ara ilin mazal-iten deg uɣerrabu.

Iswi n yiḥezziben-a, daɣ, d assewzel n wakud n ussefqed n yiɣerruba ay iḥebbsen deg yisugan (mawani’) idzayriyen, ɣef wakken ay aɣ-d-nnan.

Deg unebdu-a, ad d-ttawḍen yiɣerruba ɣer usagen n Ɛennaba seg 9 n yimukan iwerdaniyen akken ad d-ssiwḍen iminigen idzayriyen ay izedɣen deg wezɣar.