Asebter amenzawi

Aciri n tmeẓdit n Ariane 5 yettwawexxer i wass n ljemɛa

PARIS– Aciri n tmeẓdit (ṣarux) n Ariane 5, ay ssefran naqal ad d-yili ass n lexmis deg Guyana Tafṛensist, yettwawexxer s 24 n tsaɛtin, deffir ma ufan-d yiwen n lɛib, ɣef wakken ay d-tenna Arianespace.

Mi llan ttbeddilen-as amkan i tmeẓdit-nni, iban-d yiwen n lɛib « deg tuqqna yellan deg weḥric unnig n tmeẓdit-nni », ɣef wakken ay d-tenna Arianespace.

« S waya, teɣtes (qarrarat) Arianespace ad twexxer aciri n tmeẓdit-a s 24 n tsaɛtin akken ad tekkes asgalef-nni (taǧhiz) aydeg yella lɛib yernu ad d-terr deg wemkan-nnes wayeḍ yernu ad t-tessefqed akken iwata », ɣef wakken ay d-tenna teṛmist-a.

Aciri-a ad d-yili, s waya, ass n ljemɛa 17 Yunyu gar tis 5:30 d tis 6:40 n tmeddit deg Kourou (gar tis 8:30 d 9:40 n yiḍ s wakud n Greenwich, gar tis 10:30 d 11:40 n yiḍ s wakud n Paris).

D tikkelt tis snat aydeg ara yettwawexxer uciri n tmeẓdit-a, imi ay ssefran, naqal, ad tt-ciren ass n 8 Yunyu, maca ufan-d deg-s lɛib deg wesgalef n tuqqna.

Ula ma beddlen-d asgalef-nni, yernu ssefran ad ciren timeẓdit-a ass n 16 Yunyu, iɛawed iban-d lɛib niḍen.

Mi ara tettwazen tmeẓdit-a, ad tessers deg weḥbu (madar) sin n yigensaten (aqmar ṣinaɛiyya). Yiwen seg-sen d agensa n tliẓri n teṛmist tamarikanit n DISH Network, ma d wis sin d agensa n teɣwalt n tbanka tindunisit n BRI.