ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ-ⵞⵞⵉⴽⵢⴰ : ⴱⴻⵖⵖⵓ ⵏ ⵓⵙⵏⴻⴼⵍⵉ ⵏ ⵓⵎⴻⴷⵀⴻⵍ ⴰⴷⴰⵎⵙⴰⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⴰⵙⴻⵍⵡⴰⵢ ⵏ ⵙⴻⵇⵇⴰⵎⵓ ⵏ ⵓⵖⵍⴰⵏ ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ ⴰⴽⴽⴻⴷ ⵓⵏⵎⴰⵀⴰⵍ ⵏ ⵜⴻⴳⴷⵓⴷⴰ ⵜⴰⵞⵉⴽⵉⵜ ⵎⴰⵔⵜⵉⵏ ⵠⴰⵠⵔⴰ ⵣⵣⴰⵔⴳⴻⵏ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ ⴱⴻⵖⵖⵓ ⵏ ⵙⵏⴰⵜ ⵜⵎⵓⵔⴰⵔⴰ ⴰⴽⴽⴻⵏ ⴰⴷ ⵙⵏⴻⴼⵍⵉⵏ ⴰⵎⴻⴷⵀⴻⵍ ⵓⵛⵔⵉⴽ ⴷⵖⴰ ⴷⴻⴳ ⵜⴰⵖⵓⵍⵜ ⵜⴷⴰⵎⵙⴰ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵜⵙⵓⴷⵓⵜ-ⴰ.
ⵢⴻⵙⵙⴰⵡⴻⴹ ⵓⵎⵛⵉⵡⴻⵔ ⴳⴰⵔ ⵙⵉⵏ ⵢⴻⵃⵔⵉⵛⴻⵏ-ⴰ ⴰⴽⴽⴻⵏ ‘’ⴰⴷ ⵎⵎⴻⵙⵍⴰⵢⴻⵏ ⵖⴻⴼ ⵡⴰⵙⵙⴰⵖⴻⵏ ⵓⵛⵔⵉⴽⴻⵏ ⵢⴻⴷⴷⴰⵏ ⴷⴻⴳ ⵓⵎⴻⵣⵔⵓⵢ ⴰⴽⴽⴻⴷ ⵓⴷⴻⵔⵔⴻⵔ ⵖⴻⴼ ⴱⴻⵖⵖⵓ ⵏ ⵙⵏⴰⵜ ⵜⵎⵓⵔⴰ ⴰⴽⴽⴻⵏ ⴰⴷ ⵙⴻⵏⴼⴰⵍⵉⵏ ⴰⵎⴻⴷⵀⴻⵍ ⵓⵛⵔⵉⴽ ⴷⵖⴰ ⴷⴻⴳ ⵜⴰⵖⵓⵍⵜ ⵏ ⵜⴷⴰⵎⵙⴰ’’.
ⴰⵍⵎⴻⵏⴷ ⵏ ⵡⴰⵢⴰ, ⴰⵏⵎⴰⵀⴰⵍ ⴰⵞⵉⴽⵉ ‘’ⵢⴻⵏⵏⴰ-ⴷ ⵍⴻⴱⵖⵉ-ⵙ ⴰⴷ ⵉⵡⴰⵍⵉ ⵉⵎⵓⵀⴰⵍ ⵏ ⵜⴻⵙⵇⴰⵎⵓⵜ ⵜⵓⵛⵔⵉⴽⵜ ⵜⴰⵣⵣⴰⵢⵔⵉⵜ-ⵜⴰⵞⵉⴽⵉⵜ ⴰⵔⴰ ⴷ-ⵢⴻⴹⵔⵓⵏ ⴷⴻⴳ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ ⵏ 2016 ⵏⴻⵖ ⴷⴻⴳ ⵜⴰⵣⵡⴰⵔⴰ ⵏ ⵓⵙⴻⴳⴳⴰⵙ 2017 ⴰⴷ ⵜⵙⴻⵔⵙ ⵉⵣⴰⴷⵓⵔⴻⵏ ⵏ ⵢⵉⵡⴻⵏ ⵏ ⵓⵎⴻⴷⵀⴻⵍ ⵉⴷⴻⴳ ⵜⴻⵍⵍⴰ ⵍⴼⴰⵢⴷⴰ ⴷⴻⴳ ⵜⵉⵖⵓⵍⴰ ⵢⴻⵎⵅⴰⵍⵍⴰⴼⴻⵏ’’.
ⵙⴻⴳ ⵢⵉⴷⵉⵙ-ⵉⵙ, ⵎⴰⵙⵙ ⴱⴻⵏⵙⴰⵍⴰⵀ ⵢⴻⵙⵎⴻⴽⵜⴰ-ⴷ ’’ⴱⴻⵖⵖⵓ ⵏ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵅⴷⴻⵎ ⴰⴽⴽⴻⴷ ⵢⴻⵛⵔⵉⴽⴻⵏ-ⵉⵙ ⵖⴻⴼ ⵓⵣⴰⴷⵓⵔ ⵏ ⵢⵉⵎⴻⵏⵣⴰⵢⴻⵏ ⵏ ⵍⴼⴰⵢⴷⴰ ⵜⵓⵛⵔⵉⴽⵜ’’, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵍⵍⴰ ⵡⴰⵎⴻⴽ ⴰⵔⴰ ⵏⵙⵉⵀⵔⴻⵡ ⵜⴰⵎⵓⵖⵍⵉ ⵏ ⵓⵎⴻⴷⵀⴻⵍ ⴰⴽⴽⴻⴷ ⵜⴻⵇⴷⵓⴷⴰ ⵜⴰⵞⵉⴽⵉⵜ ⵙ ⵓⴼⴰⵔⴻⵚ ⵏ ⵜⴻⴳⵏⴰⵜⵉⵏ ⵢⴻⵍⵍⴰⵏ’’.
