ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⴻⵢⵢⵉ ⵏ ⵓⵖⴰⵡⴰⵙ ⵏ ⵜⵖⴻⵍⵍⵉⵙⵜ ⵉ ⵜⵄⴻⵙⵙⴰⵙⵜ ⵏ ⵍⴱⴰⴽ ⴷ ⵢⴻⵎⵙⵓⵊⵊⵉⵢⴻⵏ ⵉ ⵢⵉⵏⴻⵍⵎⴰⴷⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵉⵀⴻⵢⵢⴰ-ⴷ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴰⵖⴰⵡⴰⵙ ⵏ ⵜⵖⴻⵍⵍⵉⵙⵜ ⴷ ⵢⵉⵃⴻⵣⵣⵉⴱⴻⵏ ⵉⵡⴰⵜⴰⵏ ⵙ ⵡⴻⵎⵄⴰⵡⴻⵏ ⴷ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵖⴻⵍⵍⵉⵙⵜ ⵢⴻⵎⴳⴻⵔⵔⴰⴷⴻⵏ ⵉ ⵡⴻⴹⵎⴰⵏ ⵏ ⵜⵖⴻⵍⵍⵉⵙⵜ ⴷⴻⴳ ⵜⴻⴷⵡⵉⵍⵜ ⵏ ⵓⵄⴰⵡⴻⴷ ⵏ ⵡⴻⵃⵔⵉⵛ ⵙⴻⴳ ⵢⵉⴽⴰⵢⴰⴷⴻⵏ ⵏ ⵍⴱⴰⴽ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵢⴻⵃⵔⵉⵛⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ.

ⵉⵃⴻⵣⵣⵉⴱⴻⵏ ⴰⵢ ⵢⴻⵜⵜⵡⴰⴷⴷⵎⴻⵏ ⵙⵙⴻⴼⵔⴰⵏ ⴰⵀⴻⵢⵢⵉ ⵏ ⵜⴻⵖⵍⴰⵎⵉⵏ ⵜⵉⵙⵏⴰⵊⵢⴰⵏⵉⵏ (ⵟⵉⴱⴱⵉⵢⵢⴰ) ⴷ ⵢⵉⵎⴻⵙⵏⴰⴼⵙⵉⵢⴻⵏ ⵉ ⵓⵄⴰⵡⴻⵏ ⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵡⴰⴽⴽ ⴰⵎⵎⴰⵙⴻⵏ ⵏ ⵓⵙⵙⴻⴽⵢⴻⴷ, ⴷ ⵓⵙⵙⴻⵇⴷⴻⵛ ⵏ ⵢⵉⵙⵓⴳⴰ (ⴰⴵⵀⵉⵣⴰ) ⵏ ⵡⴻⵔⵡⴰⵢ ⴰⴽⴽⴻⵏ ⵓⵔ ⴷ-ⵢⴻⵜⵜⵉⵍⵉ ⵡⴻⵅⴷⴰⵄ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴽⵔⴰ ⵏ ⵢⵉⵎⴰⵙⵍⴰⴹⴻⵏ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ ⴷ ⵢⵉⵎⴰⵙⴰⵢⴻⵏ ⵏ ⵢⴻⵃⵔⵉⵛⴻⵏ ⵏ ⵜⵖⴻⵍⵍⵉⵙⵜ, ⴰⵃⵓⴷⴷⵓ ⴰⵖⴰⵔⵉⵎ, ⵜⴰⴷⴰⵡⵙⴰ ⴷ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴷⴻⴳ ⵢⵉⵡⴻⵜ ⵏ ⵜⵓⵣⵣⵢⴰ ⵏ ⵓⵙⵙⴻⴼⵇⴻⴷ ⵏ ⵡⴰⵎⵎⴰⵙⴻⵏ ⵏ ⵓⵙⵙⴻⴽⵢⴻⴷ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

ⴰⵀⵎⴻⴷ ⵀⴰⵏⴰⴼⵉ, ⴷ ⴰⴳⴻⵏⵙⴰⵙ ⵏ ⵢⵉⵖⴻⴼ ⵏ ⵜⵖⴻⵍⵍⵉⵙⵜ ⵏ ⵍⴷⵣⴰⵢⴻⵔ, ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵜⵜⵡⴰⵀⴻⵢⵢⴰ-ⴷ ⵓⵖⴰⵡⴰⵙ ⵏ ⵜⵖⴻⵍⵍⵉⵙⵜ ⵉ ⵡⴻⴹⵎⴰⵏ ⵏ ⵜⵉⴷⴷⵉⵜ ⵢⴻⵍⵀⴰⵏ ⵏ ⵜⴻⴷⵡⵉⵍⵜ-ⴰ ⵜⵉⵙ ⵙⵏⴰⵜ ⵏ ⵍⴱⴰⴽ ⵏ 2016 ⴷⴻⴳ ⵡⴰⴽⴽ ⴰⵎⵎⴰⵙⴻⵏ ⵏ ⵓⵙⵙⴻⴽⵢⴻⴷ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵎⴻⵥⵍⴰ-ⵏⵏⴻⵙ (ⵎⴰⵚⴰⵍⵉⵃ) ⴷⴷⵎⴻⵏ ⴰⴽⴽ ⵉⵃⴻⵣⵣⵉⴱⴻⵏ ⵉⵡⴰⵜⴰⵏ ⵙ ⵓⵙⵙⴻⴱⴳⴻⵙ ⵏ ⵢⵉⴼⴻⵔⴷⵉⵙⴻⵏ ⵏ ⵜⵖⴻⵍⵍⵉⵙⵜ ⴰⵔⴰ ⵉⵄⴰⵙⵙⴻⵏ ⵜⵉⵡⵡⵓⵔⴰ ⵏ ⵡⴰⵎⵎⴰⵙⴻⵏ ⵏ ⵓⵙⵙⴻⴽⵢⴻⴷ, ⴷ ⵜⴻⴼⵔⴻⵇⵜⵉⵏ ⵜⵉⵣⵉⵔⴰⵣⵉⵏ (ⵎⵓⵜⴰⵏⴰⵇⵇⵉⵍⴰ).

18.139 ⵏ ⵢⵉⵎⴰⵣⵡⴰⵔⴻⵏ (ⵎⵓⵜⴰⵔⴰⵛⵛⵉⵃⵉⵏ), ⴳⴰⵔ-ⴰⵙⴻⵏ 13.944 ⵏ ⵢⵉⵏⴻⵍⵎⴰⴷⴻⵏ ⴷ 4.195 ⵏ ⵢⵉⵎⴰⵣⵡⴰⵔⴻⵏ ⵉⵍⴻⵍⵍⵉⵢⴻⵏ, ⴰⵔⴰ ⵢⴻⵙⵄⴻⴷⴷⵉⵏ ⵜⴰⵙⵡⵉⵍⵜ-ⴰ ⵜⵉⵙ ⵙⵏⴰⵜ ⵏ ⵍⴱⴰⴽ ⵏ 2016, ⵖⴻⴼⵏ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⴱⴷⴻⵍⵧⵓⴰⵀⴰⴱ ⴱⵧⵓⵔⴻⴳⴰ, ⵉⵖⴻⴼ ⵏ ⵓⵎⴻⵥⵍⵓ ⵏ ⵓⵙⵙⵉⵍⴻⵖ ⴷⴻⴳ ⵜⵎⴻⵀⵍⴰ ⵏ ⵓⵙⵙⴻⴳⵎⵉ ⵏ ⵍⴷⵣⴰⵢⴻⵔ ⵜⵓⵜⵔⵉⵎⵜ.

50 ⵏ ⵢⵉⵖⴻⵔⴱⴰⵣⴻⵏ, ⴳⴰⵔ-ⴰⵙⴻⵏ 24 ⵏ ⵢⵉⵖⴻⵔⴱⴰⵣⴻⵏ ⵉⵍⴻⵎⵎⴰⵙⴻⵏ ⴷ 26 ⵏ ⵜⴻⵙⵏⴰⵡⵉⵢⵉⵏ, ⴷ 100 ⵏ ⵡⴰⵎⵎⴰⵙⴻⵏ ⵏ ⵍⵄⵓⵍⴰ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⵉ ⵡⴻⵙⵄⴻⴷⴷⵉ ⵏ ⵢⵉⴽⴰⵢⴰⴷⴻⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

4463 ⵏ ⵢⵉⵙⴻⴳⵔⴰⵔⴻⵏ (ⵎⵓ’ⴰⵟⵟⵉⵔⵉⵏ), 50 ⵏ ⵢⵉⵖⴼⴰⵡⴻⵏ ⵏ ⵡⴰⵎⵎⴰⵙⴻⵏ, 100 ⵏ ⵢⵉⵎⴰⵍⴰⵍⴻⵏ ⵏ ⵢⵉⵖⴼⴰⵡⴻⵏ ⵏ ⵡⴰⵎⵎⴰⵙⴻⵏ, 105 ⵏ ⵢⵉⵎⴰⵏⴰⵢⴻⵏ, 50 ⵏ ⵢⵉⵎⴻⵙⵏⴰⴼⵙⵉⵢⴻⵏ, 3.107 ⵏ ⵢⵉⵏⵓⴹⴰⴼⴻⵏ ⴷ 700 ⵏ ⵢⵉⵏⵓⴹⴰⴼⴻⵏ ⵏ ⵍⵄⵓⵍⴰ ⴰⵢ ⴷ-ⵢⴻⵜⵜⵡⴰⵙⴱⴻⴳⵙⴻⵏ ⵉ ⵜⴻⴷⵡⵉⵍⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⴰⴱⴷⴻⵍⵧⵓⴰⵀⴰⴱ.