Asebter amenzawi

Isehwa n webrid: 7 ay yemmuten, jerḥen 234 n wiyaḍ deg yiwet n dduṛt

LEZZAYER TAMANEɣT– 7 n yemdanen ay yemmuten yernu jerḥen 234 n wiyaḍ deg 212 n yisehwa (ḥawadit) ay d-yeḍran deg temdinin gar 7 d 13 Yunyu, ɣef wakken ay d-tenna yiwet n tecrawt n Tmehla Tamatut n Tɣellist (amn) Taɣelnawt.

Tekcef-d tecrawt-a « anqas » deg wemḍan n yisehwa ɣef leḥsab n dduṛt yezrin (d anqas s 55 n yisehwa) am wakken ay yenqes wemḍan n yimejraḥ s 94, ma d amḍan n yimettanen s 4.

D tuccḍa n wemdan ay d-yettɣimin d ssebba tagejdant n yisehwa yernu tettekka s 92,92% seg yisehwa ay d-yeḍran, am wakken ay tella daɣ ssebba n yir tagnit n yebriden d tkeṛṛusin.

Tger-d tiɣri Tmehla Tamatut n Tɣellist Taɣelnawt i yiseqdacen n yebriden akken ad ttqadaren lqanun n tenhaṛt yernu ad ttḥadaren ugar akken ad ḍemnen taɣellist i wakk medden, am wakken ay d-tenna dakken « uḍḍun azegzaw n 1548 atan i lmend n medden deg yiḍ, deg wass ».