ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵙⴻⵀⵡⴰ ⵏ ⵡⴻⴱⵔⵉⴷ: 7 ⴰⵢ ⵢⴻⵎⵎⵓⵜⴻⵏ, ⵊⴻⵔⵃⴻⵏ 234 ⵏ ⵡⵉⵢⴰⴹ ⴷⴻⴳ ⵢⵉⵡⴻⵜ ⵏ ⴷⴷⵓⵕⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– 7 ⵏ ⵢⴻⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⵓ ⵊⴻⵔⵃⴻⵏ 234 ⵏ ⵡⵉⵢⴰⴹ ⴷⴻⴳ 212 ⵏ ⵢⵉⵙⴻⵀⵡⴰ (ⵃⴰⵡⴰⴷⵉⵜ) ⴰⵢ ⴷ-ⵢⴻⴹⵔⴰⵏ ⴷⴻⴳ ⵜⴻⵎⴷⵉⵏⵉⵏ ⴳⴰⵔ 7 ⴷ 13 ⵢⵓⵏⵢⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵛⵔⴰⵡⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ (ⴰⵎⵏ) ⵜⴰⵖⴻⵍⵏⴰⵡⵜ.

ⵜⴻⴽⵛⴻⴼ-ⴷ ⵜⴻⵛⵔⴰⵡⵜ-ⴰ « ⴰⵏⵇⴰⵙ » ⴷⴻⴳ ⵡⴻⵎⴹⴰⵏ ⵏ ⵢⵉⵙⴻⵀⵡⴰ ⵖⴻⴼ ⵍⴻⵃⵙⴰⴱ ⵏ ⴷⴷⵓⵕⵜ ⵢⴻⵣⵔⵉⵏ (ⴷ ⴰⵏⵇⴰⵙ ⵙ 55 ⵏ ⵢⵉⵙⴻⵀⵡⴰ) ⴰⵎ ⵡⴰⴽⴽⴻⵏ ⴰⵢ ⵢⴻⵏⵇⴻⵙ ⵡⴻⵎⴹⴰⵏ ⵏ ⵢⵉⵎⴻⵊⵔⴰⵃ ⵙ 94, ⵎⴰ ⴷ ⴰⵎⴹⴰⵏ ⵏ ⵢⵉⵎⴻⵜⵜⴰⵏⴻⵏ ⵙ 4.

ⴷ ⵜⵓⵛⵛⴹⴰ ⵏ ⵡⴻⵎⴷⴰⵏ ⴰⵢ ⴷ-ⵢⴻⵜⵜⵖⵉⵎⵉⵏ ⴷ ⵙⵙⴻⴱⴱⴰ ⵜⴰⴳⴻⵊⴷⴰⵏⵜ ⵏ ⵢⵉⵙⴻⵀⵡⴰ ⵢⴻⵔⵏⵓ ⵜⴻⵜⵜⴻⴽⴽⴰ ⵙ 92,92% ⵙⴻⴳ ⵢⵉⵙⴻⵀⵡⴰ ⴰⵢ ⴷ-ⵢⴻⴹⵔⴰⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵍⵍⴰ ⴷⴰⵖ ⵙⵙⴻⴱⴱⴰ ⵏ ⵢⵉⵔ ⵜⴰⴳⵏⵉⵜ ⵏ ⵢⴻⴱⵔⵉⴷⴻⵏ ⴷ ⵜⴽⴻⵕⵕⵓⵙⵉⵏ.

ⵜⴳⴻⵔ-ⴷ ⵜⵉⵖⵔⵉ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵉ ⵢⵉⵙⴻⵇⴷⴰⵛⴻⵏ ⵏ ⵢⴻⴱⵔⵉⴷⴻⵏ ⴰⴽⴽⴻⵏ ⴰⴷ ⵜⵜⵇⴰⴷⴰⵔⴻⵏ ⵍⵇⴰⵏⵓⵏ ⵏ ⵜⴻⵏⵀⴰⵕⵜ ⵢⴻⵔⵏⵓ ⴰⴷ ⵜⵜⵃⴰⴷⴰⵔⴻⵏ ⵓⴳⴰⵔ ⴰⴽⴽⴻⵏ ⴰⴷ ⴹⴻⵎⵏⴻⵏ ⵜⴰⵖⴻⵍⵍⵉⵙⵜ ⵉ ⵡⴰⴽⴽ ⵎⴻⴷⴷⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ « ⵓⴹⴹⵓⵏ ⴰⵣⴻⴳⵣⴰⵡ ⵏ 1548 ⴰⵜⴰⵏ ⵉ ⵍⵎⴻⵏⴷ ⵏ ⵎⴻⴷⴷⴻⵏ ⴷⴻⴳ ⵢⵉⴹ, ⴷⴻⴳ ⵡⴰⵙⵙ ».