Asebter amenzawi

Iɛawed yettwaḍḍef ubaṛun-nni n tehyufin ay irewlen seg lḥebs n Lḥeṛṛac

LEZZAYER TAMANEɣT– Iwekked-d yemwekkel n tegduda n wexxam n ccṛeɛ n Lḥeṛṛac, Mohamed Zaatout, ass n lexmis, tuḍḍfa n umeḥbus Oussama Haniche, ay irewlen seg lḥebs n Lḥeṛṛac anda ay yella yettwaḥbes ɣef « ussebded n tegrawt n ussebded » d « ussetti d waǧaw n tehyufin ».

« Yebded umetthum sdat yemwekkel n tegduda n wexxam n ccṛeɛ n Lḥeṛṛac yernu yettwaḥbes aḥbas uɛḍil ».

D taferqet n temsetla (darak) taɣelnawt n Lḥeṛṛac ay yeḍḍfen ameḥbus-a amerwal ass n laṛebɛa ɣef 1ut n tṣebḥit (1:00), s ussefɛel n lewṣaya n tuḍḍfa ay d-yessuffeɣ lqaḍi n weḥtac n texxamt tis 4 n wexxam n ccṛeɛ n Lḥeṛṛac, ɣef wakken ay d-yenna yemwekkel n tegduda.

Iɛedda umetthum deg ccṛeɛ deffir ma yebḥet-it lqaḍi n weḥtac ay yefkan lameṛ i weḥbas-nnes uɛḍil, ɣef wakken ay d-yerna yemwekkel n tegduda.