ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵢⴻⴱⴷⵓ ⵡⴻⵃⵔⵉⵛ ⵙⴻⴳ ⵓⵙⴰⴳⴻⵏ ⴰⵎⴰⵢⵏⵓⵏ ⵏ ⴱⴳⴰⵢⴻⵜ ⴰⵅⴻⴷⴷⵉⵎ ⴷⴻⴳ ⵡⴰⵢⵢⵓⵔ ⵏ ⵢⵓⵍⵢⵓ

ⴱⴳⴰⵢⴻⵜ– ⴰⵙⴰⴳⴻⵏ (ⵎⵉⵏⴰ’) ⴰⵎⴰⵢⵏⵓ ⵏ ⴱⴳⴰⵢⴻⵜ (ⴰⵔⴰ ⵉⵣⴻⵎⵔⴻⵏ ⴰⴷ ⵢⴻⵜⵜⵎⴰⴳⴰⵔ ⵓⴳⴰⵔ ⵏ 100.000 ⵏ ⵢⴻⵎⵙⵉⴽⵍⴻⵏ ⵉ ⵓⵙⴻⴳⴳⴰⵙ) ⴰⴷ ⵢⴻⴱⴷⵓ ⴰⵅⴻⴷⴷⵉⵎ ⴷⴻⴳ ⵡⴰⵢⵢⵓⵔ-ⴰ ⵏ ⵢⵓⵍⵢⵓ, ⵢⴻⵔⵏⵓ ⵉⵙⵡⵉ ⵏ ⵓⵙⴰⴳⴻⵏ-ⴰ ⴷ ⴰⵎⵎⴰⴳⴻⵔ ⵏ ⵜⵖⴰⵔⴰ (ⵏⴰⵡⵄⵉⵢⵢⴰ) ⵏ ⵢⴻⵎⵙⵉⴽⵍⴻⵏ, ⵙ ⵓⵎⴰⵜⴰ, ⵍⴰⴷⵖⴰ ⵉⵎⵉⵏⵉⴳⴻⵏ ⵉⴷⵣⴰⵢⵔⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵓⵙⴰⴳⴻⵏ-ⴰ, ⴷⵊⴻⵍⵍⵧⵓⵍ ⴰⵛⵀⵧⵓⵔ.

« ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⵓⵖⴰⵍⴻⵏ ⵢⴻⵎⵙⵉⴽⵍⴻⵏ (ⵎⵓⵙⴰⴼⵉⵔⵉⵏ) ⵜⵜⵖⵉⵎⵉⵏ ⴷⴻⴳ ⵢⵉⵇⵉⴹⵓⵏⴻⵏ ⵢⴻⵜⵜⵡⴰⴱⵏⴰⵏ ⵙⴻⴳ ⵍⴻⵄⴹⵉⵍ ⵉ ⵓⵎⵎⴰⴳⴻⵔ-ⵏⵙⴻⵏ, ⵎⴰⵛⴰ, ⵙⴻⴳ-ⴰ ⵖⴻⵔ ⵙⴷⴰⵜ, ⴰⴷ ⵓⵖⴰⵍⴻⵏ ⴰⴽⴽ ⴰⴷ ⵜⵜⵄⴻⴷⴷⵉⵏ ⵖⴻⴼ ⵜⴻⵖⵙⴻⵔⵜ (ⵎⴰⵃⴰⵟⵟⴰ) ⵜⴰⵎⴰⵢⵏⵓⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⵜⵜⵡⴰⵙⵙⴻⵎⵍⴰⵍⴻⵏⵜ-ⴷ ⴰⴽⴽ ⵜⴻⴳⵏⴰⵜⵉⵏ ⵉⵡⴰⵜⴰⵏ ⵉ ⵡⴻⴹⵎⴰⵏ ⵏ ⵓⵄⴻⴷⴷⵉ ⵉⴳⴻⵔⵔⵣⴻⵏ ⴰⴽⴽ ⵉ ⵢⴻⵎⵙⵉⴽⵍⴻⵏ, ⴰⵎⴰ ⵙⴻⴳ ⵢⵉⴷⵉⵙ ⵏ ⵜⵖⴰⵔⴰ ⵏ ⵓⵎⵎⴰⴳⴻⵔ, ⴰⵙⵙⵓⴷⴷⴻⵙ ⵏ ⵓⵙⵙⴻⴼⵇⴻⴷ ⵏⴻⵖ ⵙⴻⴳ ⵢⵉⴷⵉⵙ ⵏ ⵡⴰⴽⵓⴷ ⵏ ⵔⵔⴻⴽⴱⴰ ⴷ ⵜⵔⵓⵙⵉ ⵙⴻⴳ ⵓⵖⴻⵔⵔⴰⴱⵓ ».

« ⵉⵙⵡⵉ-ⵏⵏⴻⵖ ⵏⴻⵜⵜⴰ ⴷ ⴰⵙⵙⵉⵡⴻⴹ ⵏ ⴼⴻⵔⵔⵓ ⵏ ⵍⴻⵛⵖⴰⵍ ⵏ ⵓⵖⴻⵔⵔⴰⴱⵓ ⵏ ⵢⴻⵎⵙⵉⴽⵍⴻⵏ ⴷⴻⴳ 60 ⵏ ⵜⴻⴷⵇⵉⵇⵉⵏ », ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴽⴽ ⵉⵃⴻⵣⵣⵉⴱⴻⵏ ⵏ ⵓⵙⵙⵉⴼⵙⴻⵙ ⴰⵢ ⵢⴻⵜⵜⵡⴰⴹⴻⴼⵔⴻⵏ ⴰⵔ ⴰⵙⵙ-ⴰ ⵎⴰⵣⴰⵍ ⴰⴷ ⴽⴻⵎⵎⵍⴻⵏ, ⵍⴰⴷⵖⴰ ⴰⵙⵙⴻⵇⴷⴻⵛ ⵏ ⵡⴻⴳⵏⵉⵔ (ⵔⵉⵡⴰⵇ) ⴰⵣⴻⴳⵣⴰⵡ ⴷ ⵡⴻⴼⵔⴰⵇ ⵏ ⵍⴻⴽⵡⴰⵖⴻⴹ ⵏ ⵡⴻⵣⴳⴰⵔ ⴷⴻⴳ ⵓⵖⴻⵔⵔⴰⴱⵓ.

ⴰⵣⴰⵍ ⵏ 25.000 ⵏ ⵢⴻⵎⵙⵉⴽⵍⴻⵏ ⴰⵢ ⵢⴻⵜⵜⵡⴰⵕⵊⴰⵏ ⴰⴷ ⴷ-ⴰⵡⴹⴻⵏ ⵖⴻⵔ ⵓⵙⴰⴳⴻⵏ ⵏ ⴱⴳⴰⵢⴻⵜ ⴷⴻⴳ ⵜⵙⴻⵎⵀⵓⵢⵜ-ⴰ ⵏ ⵢⵉⵎⵓⵔⴰⵔ ⵏ ⵓⵏⴻⴱⴷⵓ ⴰⵔⴰ ⴷ-ⵢⵉⵍⵉⵏ ⴳⴰⵔ 1ⵓ ⵏ ⵢⵓⵍⵢⵓ ⴷ 9 ⵛⵜⴻⵎⴱⴻⵕ. ⵉⵖⴻⵔⵔⵓⴱⴰ ⴰⵔⴰ ⴷ-ⵢⴻⵙⵙⵉⵡⴹⴻⵏ ⵉⵎⵙⵉⴽⵍⴻⵏ ⴷ ⵡⵉⴷ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⴰⵡⵍⴰⵍ ⵏ ⵢⴻⵎⵙⵉⴽⵍⴻⵏ (ⴻⵏⵎⵜⵠ – 7 ⵏ ⵢⵉⵖⴻⵔⵔⵓⴱⴰ) ⴷ ⵡⵉⴷ ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⵜⵓⵙⵍⵉⴳⵜ ⵜⴰⴼⵕⴻⵏⵙⵉⵙⵜ ⵏ « ⵛⵧⵔⵙⵉⵛⴰ ⵍⵉⵏⴻⴰ » (ⵢⴻⵍⵍⴰⵏ ⵜⴻⵜⵜⵡⴰⵙⵙⴻⵏ ⵣⵉⴽ ⵙ ⵢⵉⵙⴻⵎ ⵏ ⵙⵏⵛⵎ – 3 ⵏ ⵢⵉⵖⴻⵔⵔⵓⴱⴰ), ⴳⴰⵔ-ⴰⵙⴻⵏ « ⴻⵍ-ⴷⵊⴰⵣⴰⵉⵔ », « ⵜⴰⵙⵙⵉⵍⵉ » ⴷ « ⵎⴻⴷⵉⵜⴻⵔⵔⴰⵏⴻⴻ ».