Asebter amenzawi

Abdelmalek Budiaf : Assemḍen n yesbiṭaren ad d-yili cwiṭ, cwiṭ

LEZZAYER TAMANEɣT- Yenna-d uneɣlaf n tdawsa (ṣiḥḥa), Abdelmalek Budiaf, ass n lexmis deg Ldzayer Tamaneɣt, dakken isbiṭaren n tmurt ad ttwasmeḍnen cwiṭ, cwiṭ i lmend n usselhu n ussefrek-nsen d webdad iwatan i yimuḍinen.

Mi yerza ɣef teklinit n uɣaram n « Les Sources » ay yellan d taklinit tamezwarut yettwasmeḍnen deg Ldzayer, iwekked-d uneɣlaf dakken « aẓeḍḍa n Intranet yessefk ad yettwasmatu i wakk isbiṭaren n tmurt i ussifses n webdad i yimuḍinen d weḍfar-nsen i lmend n ussefrek lɣaci ay d-yettasen ad dawin », ɣef wakken ay d-yenna uneɣlaf.

Deg teklinit-a yettwaṣeggmen ara ireẓmen ass n lḥedd, yessefhem-d uneɣlaf dakken amuḍin ad yettwaɛqel deg-s « akken kan ara yadef ɣer teklinit yernu ula d tawerqet n yisafaren ad tt-id-yawi umuḍin deg ummager ».

Assemḍen-a d win aydeg ara yili umezruy n uɛeddi n umiḍin ɣef teklinit neɣ asbiṭar yernu « d tin aydeg ur yettwasseqdac akk lkaɣeḍ », ɣef wakken ay d-iwekked uneɣlaf.

Yerza daɣ uneɣlaf ɣef wammas n udawi n Leɛnaṣer d win n Kalitus umi ɛawden yernu tewwlen-ten s ttawil amaynu, uqbel ma yerza ɣef wesbiṭar n Laadi-Flici n Lqeṭṭar d wesbiṭar n Ali-Ait-Idir yemmuzzgen deg tesnajya n wasuren (aɛṣab).