ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵍⵉⵍⵉⵜ ⵏ ⴱⴰⵎⴰⴽⵧ ⴷ ⵜⴰⴳⵏⵉⵜ ⵉ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ ⵏ ⵜⴰⵍⵡⵉⵜ (ⴰⵣⴰⵡⴰⴷ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⵢⴻⵏⵏⴰ-ⴷ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ, ⴱⵉⵍⴰⵍ ⴰⴳ ⵛⵀⴻⵔⵉⴼ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⴻⵎⵍⵉⵍⵉⵜ ⵏ ⴱⴰⵎⴰⴽⵧ ⵏ ⵓⵙⴻⵇⵇⴰⵎⵓ ⵏ ⵡⴻⴹⴼⴰⵔ ⵏ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⴻⴳ ⵎⴰⵍⵉ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵍⴻⵎⵛⴰⵡⵕⴰⵜ ⵏ ⵍⴷⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⴷ ⵜⴰⴳⵏⵉⵜ ⵉ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⵙⴻⴼⵄⴻⵍ ⵏ ⵛⵛⵓⵔⵓⴹ ⵉⴳⴻⵊⴷⴰⵏⴻⵏ ⴰⵢ ⴷ-ⵢⴻⴷⴷⴰⵏ ⴷⴻⴳ ⵡⴻⵎⵜⴰⵡⴰ-ⵏⵏⵉ ⵙ ⵜⵓⴽⴽⵙⴰ ⵏ ⵢⵉⵄⴻⵡⵡⵉⵇⴻⵏ ⴰⵢ ⵉⴱⴻⴷⴷⴻⵏ ⴷⴻⴳ ⵡⴻⴱⵔⵉⴷ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵙⴻⵔⵜⵉⵜ, ⵍⴻⵎⵄⴰⵡⵏⴰ ⵏ ⵎⴻⴷⴷⴻⵏ ⵉⵅⵓⵚⵚⴻⵏ ⴷ ⵡⴻⴹⵎⴰⵏ ⵏ ⵜⵖⴻⵍⵍⵉⵙⵜ (ⴰⵎⵏ) ⴷⴻⴳ ⵓⴳⴰⴼⴰ ⵏ ⵎⴰⵍⵉ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴷⴻⴼⴼⵉⵔ ⵓⵎⵎⵓⴳⴻⵔ ⴰⵢ ⵜ-ⵢⴻⵎⵎⵓⴳⴻⵔ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵢⴻⵏⵏⴰ-ⴷ ⵎⴰⵙⵙ ⴰⴳ ⵛⵀⴻⵔⵉⴼ ⴷⴰⴽⴻⵏ ⵢⴻⵙⵙⵓⴽⴽ-ⴷ ⵜⵉⵟ ⴷ ⵎⴰⵙⵙ ⵍⴰⵎⴰⵎⵔⴰ ⵖⴻⴼ ⵜⵜⴰⵡⵉⵍⴰⵜ ⵏ ⵓⵙⵙⴻⵄⵊⴻⵍ ⵏ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴰⵢ ⵙⵜⴻⵏⵢⴰⵏ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ⴷⴷⴰⵡ ⵍⴻⵄⵏⴰⵢⴰ ⵏ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⵏ ⵍⴷⵣⴰⵢⴻⵔ.
ⵢⴻⴱⴷⴻⵔ-ⴷ ⴷⴰⵖ ⴰⵎⵜⴰⵡⴰ-ⵏⵏⵉ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ, ⵙⴻⴳ ⵎⴻⵍⵎⵉ ⴽⴰⵏ, ⴷ ⵓⵏⴰⴱⴰⴹ (ⵃⵓⴽⵓⵎⴰ) ⴰⵎⴰⵍⵉ ⵖⴻⴼ ⵜⴻⴼⵜⴰⵔⵜ (ⵡⴰⵜⵉⵇⴰ) ⵏ ⵡⴻⵎⵙⴻⴼⵀⴰⵎ ⵖⴻⴼ ⵜⵜⴰⵡⵉⵍⴰⵜ ⵏ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ-ⵏⵏⵉ ⴰⴳⴻⵊⴷⴰⵏ, ⴷ ⴰⵎⵙⴻⴼⵀⴰⵎ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⴻⴷⴱⴻⵍⵜ ⴰⵔⴰ ⵢⴻⵙⵙⴻⴷⴷⵓⵏ ⵜⵉⵖⴰⵡⵙⵉⵡⵉⵏ ⵙⴻⴳ ⵍⴻⵄⴹⵉⵍ, ⵢⴻⵔⵏⵓ ⵡⴰ ⴷ ⵢⵉⵡⴻⵏ ⵙⴻⴳ ⵛⵛⵓⵔⵓⴹ ⵢⴻⵣⵡⴰⵔⴻⵏ ⵏ ⵡⴻⵎⵜⴰⵡⴰ-ⵏⵏⵉ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ.
ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵡⴻⴹⴼⴰⵔ ⴰⵔⴰ ⴷ-ⵢⵉⵍⵉⵏ ⴷⴻⴳ ⴱⴰⵎⴰⴽⵧ, ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵜⵜⴰⵡⵉⵍⴰⵜ ⵏ ⵓⵙⵙⴻⴼⵄⴻⵍ ⵏ ⵛⵛⵓⵔⵓⴹ ⵉⴳⴻⵊⴷⴰⵏⴻⵏ ⵏ ⵡⴻⵎⵜⴰⵡⴰ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⵢⴻⵔⵏⵓ ⴷ ⴰⵢⴰ ⴰⵔⴰ ⴷ-ⵢⵉⵍⵉⵏ ⴷ ⵍⵍⵙⴰⵙ ⵉ ⵡⴻⵣⵔⴰⵡ (ⴷⵉⵔⴰⵙⴰ) ⵏ ⵡⴰⵢⴻⵏ ⴰⵢ ⵃⵡⴰⵊⴻⵏ ⵢⵉⵎⴻⵣⴷⴰⵖⴻⵏ ⴷ ⵢⴻⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⵏ ⵜⴻⵎⵏⴰⴹⵜ ⵏ ⵓⵣⴰⵡⴰⴷ.
ⴰⵏⴰⴱⴰⴹ ⴰⵎⴰⵍⵉ ⴷ ⵢⵉⵎⵓⵙⵙⴰ ⵉⵙⴻⵔⵜⴰⵏⴻⵏ-ⵉⵙⴻⵔⴷⴰⵙⴰⵏⴻⵏ ⴰⵢ ⵢⴻⵙⵜⴻⵏⵢⴰⵏ ⴰⵎⵜⴰⵡⴰ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⴻⴳ ⵎⴰⵍⵉ ⵎⵙⴻⴼⵀⴰⵎⴻⵏ ⴰⴷ ⴷ-ⵙⴱⴻⴷⴷⴻⵏ ⵉⴷⵓⴱⴰ ⵉⴷⵉⴳⴰⵏⴻⵏ (ⵙⵓⵍⵓⵟⴰⵜ ⵎⴰⵃⴰⵍⵍⵉⵢⵢⴰ) ⴷⴻⴳ 5-ⵏⵏⵉ ⵏ ⵜⴻⵎⵏⴰⴹⵉⵏ ⵜⵉⴷⴻⴱⵍⴰⵏⵉⵏ ⵏ ⵓⴳⴰⴼⴰ ⵏ ⵎⴰⵍⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⵉⵏⵓⵙⵎⴰ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) ⴰⵙⵙ ⵏ ⵍⴰⵕⴻⴱⵄⴰ ⵢⴻⵣⵔⵉⵏ.
