Asebter amenzawi

«Tezmer teɣlamt taɣelnawt ad d-teg ayen izaden deg Teqbuct n Umaḍal n 2018 » (Halihodzic)

LEZZAYER TAMANEɣT– Yenna-d wesleɣmay (mudarrib) aɣelnaw aqbur, Vahid Halihodzic, ass n ssebt, dakken taɣlamt n taɣelnawt n tcirḍart tesɛa tagrawt ifazen n yimariren ay izemren ad d-gen ayen izaden deg Teqbuct n Umaḍal n 2018 ara d-yilin deg Rusya.

« Werǧin ad ttuɣ timlilit-nni ay d-yellan mgal Lalman. Ar ass-a, mazal ssawaleɣ-d ɣef temlilit-nni. Qrib ay nessaweḍ ad nernu talɣuɣt n umaḍal. Taɣlamt tadzayrit tesɛa tagrawt ifazen n yimariren ay izemren ad d-gen ayen izaden deg Teqbuct n Umaḍal n 2018 ara d-yilin deg Rusya », ɣef wakken ay d-yenna Halihodzic deg yiwen n udiwenni ay iga d udeg aqaṭari n Alkass.net.

« Kkiɣ 3 n tsemhuyin (mawasim) deg Ldzayer yernu werǧin ad tent-ttuɣ. Ldzayer d nettat ay d taɣlamt timxeyyert akk deg Tefriqt. Taɣlamt taɣelnawt d zzux n wakk Idzayriyen. Seg yidis-inu udmawan, ttzuxxuɣ imi ay sleɣmaɣ Izegzawen deg 3-nni n tsemhuyin », ɣef wakken ay d-yenna wesleɣmay aqbur n teɣlamt taɣelnawt.