ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴱⴰⵟⴰⵟⴰ: ⵉⴳⴻⵔ-ⴷ ⵎⴰⵙⵙ ⵛⵀⴻⵍⴳⵀⵧⵓⵎ ⵜⵉⵖⵔⵉ ⵉ ⵜⵎⴻⵔⵏⵉⵡⵜ ⵏ ⵓⴼⴰⵔⴻⵙ ⵏ ⵍⴱⴰⵟⴰⵟⴰ
ⵜⵓⴱⵉⵔⴻⵜ– ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ, ⴰⴱⴷⴻⵙⵍⴰⵎ ⵛⵀⴻⵍⴳⵀⵧⵓⵎ, ⴰⵙⵙ ⵏ ⵙⵙⴻⴱⵜ ⵖⴻⴼ ⵢⵉⴽⴻⵔⵔⴰⵣⴻⵏ ⵏ ⵡⴻⴳⵏⵉ ⵏ ⵍⴻⵚⵏⴰⵎ (ⵜⵓⴱⵉⵔⴻⵜ) ⴰⴽⴽⴻⵏ ⴰⴷ ⵔⵏⵓⵏ ⴷⴻⴳ ⵓⴼⴰⵔⴻⵙ (ⵉⵏⵜⴰⴵ) ⵏ ⵍⴱⴰⵟⴰⵟⴰ ⵢⴻⵔⵏⵓ ⴰⴷ ⵙⵇⴻⴷⵛⴻⵏ ⴰⵏⴰⴳⵔⴰⵡ ⵏ ⵡⴻⵙⵙⵡⴰⵢ (ⴰⵢ ⴰⵙⴻⵏ-ⴷ-ⵢⴻⵜⵜⵡⴰⵅⴻⴷⵎⴻⵏ ⵙⵉⵏⵏ ⵡⴰⵢⵢⵓⵔⴻⵏ ⴰⵢⴰ) ⵙ « ⵜⵉⵏ ⵏ ⵚⵚⵡⴰⴱ ».
ⴰⵙⵙ-ⴰ, ⵍⵖⴻⵍⵍⴰ ⵏ ⵍⴱⴰⵟⴰⵟⴰ ⴷⴻⴳ ⵡⴻⴳⵏⵉ-ⴰ ⵜⴻⵡⵡⴻⴹ ⵖⴻⵔ 300 ⵏ ⵢⵉⵇⴻⵏⵟⴰⵔⴻⵏ ⵉ ⵓⵇⴻⵟⵟⴰⵔ. « ⴰⴼⵎⵉⴹⵉ-ⴰ (ⵏⵉⵙⴱⴰ) ⵉⵅⵓⵚⵚ ⴰⵟⴰⵙ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵢⵉⵍⵉ 500 ⵏ ⵢⵉⵇⴻⵏⵟⴰⵔⴻⵏ ⵉ ⵓⵇⴻⵟⵟⴰⵔ. ⵜⴻⵙⵄⴰⵎ ⴰⴽⴽ ⵜⵜⴰⵡⵉⵍⴰⵜ ⴷ ⵡⴰⴽⴰⵍ ⴰⵢ ⵜⴻⵃⵡⴰⵊⴻⵎ ⴰⴽⴽⴻⵏ ⴰⴷ ⵜⴳⴻⵎ ⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵉ ⵢⵉⴽⴻⵔⵔⴰⵣⴻⵏ ⴷ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵡⴻⵃⵔⵉⵛ ⵏ ⵜⴽⴻⵔⵔⴰⵣⵜ ⴷⴻⴳ ⵜⵓⴱⵉⵔⴻⵜ.
ⴷⴻⴳ ⵜⴻⵔⵣⵉ-ⵏⵏⴻⵙ, ⵉⴳⴻⵔ-ⴷ ⵎⴰⵙⵙ ⵛⵀⴻⵍⴳⵀⵧⵓⵎ ⵜⵉⵖⵔⵉ ⵉ ⵓⵙⵙⵉⵍⴻⵖ (ⵜⴰⴽⵡⵉⵏ) ⵉⴷⵓⵎⴻⵏ ⵏ ⵢⵉⴽⴻⵔⵔⴰⵣⴻⵏ ⵉ ⵍⵎⴻⵏⴷ ⵏ ⵡⴻⵙⴼⴰⵢⴷⵉ ⵙⴻⴳ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⵢ ⵉⴳⴰ ⵓⵡⴰⵏⴰⴽ ⵉ ⵡⴻⵙⴷⵓⵇⵇⴻⵙ ⵏ ⵜⴽⴻⵔⵔⴰⵣⵜ ⴷⴻⴳ ⵜⴻⵎⵏⴰⴹⵜ-ⴰ.
« ⴰⵙⵏⴻⴼⵍⵉ-ⴰ (ⵜⴰⵏⵎⵉⵢⴰ) ⵓⵔ ⴷ-ⵢⴻⵜⵜⵉⵍⵉ ⴰⵔⵎⴰ ⵜⵜⵡⴰⵙⵊⴻⵀⴷⴻⵏⵜ ⵜⵣⴻⵎⵎⴰⵔ ⵏ ⵡⴻⵅⵣⴰⵏ ⴷ ⵓⵙⵙⴻⵡⵜⴻⵍ, ⴷ ⵜⵎⴻⵔⵏⵉⵡⵜ ⵏ ⵓⴼⴰⵔⴻⵙ ⵉ ⵍⵎⴻⵏⴷ ⵏ ⵓⵙⵙⵉⴵⴻⵡ ⵏ ⵢⵉⴼⴰⵔⵉⵙⴻⵏ ⵏ ⵜⴽⴻⵔⵔⴰⵣⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ.
ⵙ ⵓⴱⴻⴷⴷⵓ ⵏ ⵓⵅⴻⴷⴷⵉⵎ ⵏ ⵓⵏⴰⴳⵔⴰⵡ ⵏ ⵡⴻⵙⵙⵡⴰⵢ, ⴰⴷ ⵢⴻⵔⵏⵓ ⵓⴼⴰⵔⴻⵙ ⵏ ⵍⴱⴰⵟⴰⵟⴰ ⴷⴻⴳ ⵜⴻⵎⵏⴰⴹⵜ ⵏ ⵍⴻⵚⵏⴰⵎ ⴷⴻⴳ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⴽⴻⵔⵔⴰⵣⴻⵏ ⵏ ⵜⴻⵎⵏⴰⴹⵜ-ⴰ.
