ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵃⴰⵍⵉⵀⵧⴷⵣⵉⵛ: "ⵜⴻⵣⵎⴻⵔ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⴰⴷ ⴷ-ⵜⴻⴳ ⴰⵢⴻⵏ ⵉⵣⴰⴷⴻⵏ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018"

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵡⴻⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⴰⵖⴻⵍⵏⴰⵡ ⴰⵇⴱⵓⵔ, ⵠⴰⵀⵉⴷ ⵀⴰⵍⵉⵀⵧⴷⵣⵉⵛ, ⴰⵙⵙ ⵏ ⵙⵙⴻⴱⵜ, ⴷⴰⴽⴽⴻⵏ ⵜⴰⵖⵍⴰⵎⵜ ⵏ ⵜⴰⵖⴻⵍⵏⴰⵡⵜ ⵏ ⵜⵛⵉⵔⴹⴰⵔⵜ ⵜⴻⵙⵄⴰ ⵜⴰⴳⵔⴰⵡⵜ ⵉⴼⴰⵣⴻⵏ ⵏ ⵢⵉⵎⴰⵔⵉⵔⴻⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⴳⴻⵏ ⴰⵢⴻⵏ ⵉⵣⴰⴷⴻⵏ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018 ⴰⵔⴰ ⴷ-ⵢⵉⵍⵉⵏ ⴷⴻⴳ ⵔⵓⵙⵢⴰ.

« ⵡⴻⵔⴵⵉⵏ ⴰⴷ ⵜⵜⵓⵖ ⵜⵉⵎⵍⵉⵍⵉⵜ-ⵏⵏⵉ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵍⴰⵍⵎⴰⵏ. ⴰⵔ ⴰⵙⵙ-ⴰ, ⵎⴰⵣⴰⵍ ⵙⵙⴰⵡⴰⵍⴻⵖ-ⴷ ⵖⴻⴼ ⵜⴻⵎⵍⵉⵍⵉⵜ-ⵏⵏⵉ. ⵇⵔⵉⴱ ⴰⵢ ⵏⴻⵙⵙⴰⵡⴻⴹ ⴰⴷ ⵏⴻⵔⵏⵓ ⵜⴰⵍⵖⵓⵖⵜ ⵏ ⵓⵎⴰⴹⴰⵍ. ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵜⴻⵙⵄⴰ ⵜⴰⴳⵔⴰⵡⵜ ⵉⴼⴰⵣⴻⵏ ⵏ ⵢⵉⵎⴰⵔⵉⵔⴻⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⴳⴻⵏ ⴰⵢⴻⵏ ⵉⵣⴰⴷⴻⵏ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018 ⴰⵔⴰ ⴷ-ⵢⵉⵍⵉⵏ ⴷⴻⴳ ⵔⵓⵙⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵀⴰⵍⵉⵀⵧⴷⵣⵉⵛ ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⵓⴷⴻⴳ ⴰⵇⴰⵟⴰⵔⵉ ⵏ ⴰⵍⴽⴰⵙⵙ.ⵏⴻⵜ.

« ⴽⴽⵉⵖ 3 ⵏ ⵜⵙⴻⵎⵀⵓⵢⵉⵏ (ⵎⴰⵡⴰⵙⵉⵎ) ⴷⴻⴳ ⵍⴷⵣⴰⵢⴻⵔ ⵢⴻⵔⵏⵓ ⵡⴻⵔⴵⵉⵏ ⴰⴷ ⵜⴻⵏⵜ-ⵜⵜⵓⵖ. ⵍⴷⵣⴰⵢⴻⵔ ⴷ ⵏⴻⵜⵜⴰⵜ ⴰⵢ ⴷ ⵜⴰⵖⵍⴰⵎⵜ ⵜⵉⵎⵅⴻⵢⵢⴻⵔⵜ ⴰⴽⴽ ⴷⴻⴳ ⵜⴻⴼⵔⵉⵇⵜ. ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⴷ ⵣⵣⵓⵅ ⵏ ⵡⴰⴽⴽ ⵉⴷⵣⴰⵢⵔⵉⵢⴻⵏ. ⵙⴻⴳ ⵢⵉⴷⵉⵙ-ⵉⵏⵓ ⵓⴷⵎⴰⵡⴰⵏ, ⵜⵜⵣⵓⵅⵅⵓⵖ ⵉⵎⵉ ⴰⵢ ⵙⵍⴻⵖⵎⴰⵖ ⵉⵣⴻⴳⵣⴰⵡⴻⵏ ⴷⴻⴳ 3-ⵏⵏⵉ ⵏ ⵜⵙⴻⵎⵀⵓⵢⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵙⵍⴻⵖⵎⴰⵢ ⴰⵇⴱⵓⵔ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ.