ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
5 ⵏ ⵢⵉⵙⴻⵏⵙⴰ ⵉⵎⴰⵢⵏⵓⵜⴻⵏ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⴷⴻⴳ ⵜⴱⴰⵜⴻⵏⵜ (ⴰⵎⴰⵙⴰⵢ)
ⵜⴰⴱⴰⵜⴻⵏⵜ– ⵍⴰ ⵜⵜⵡⴰⴱⵏⴰⵢⴻⵏ 5 ⵏ ⵢⵉⵙⴻⵏⵙⴰ ⵉⵎⴰⵢⵏⵓⵜⴻⵏ ⴷⴻⴳ ⵜⵡⵉⵍⴰⵢⵜ ⵏ ⵜⴱⴰⵜⴻⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⵎⴻⵔⵔⵉⵜ (ⵙⵉⵢⴰⵃⴰ), ⵔⴰⴱⴰⵀ ⴳⵓⴻⵔⴱⵧⵓⴰⴰ.
ⴰⵊⴻⵎⵎⴰⵍ ⵏ ⵜⴻⵣⵎⴻⵔⵜ ⵏ ⵓⵎⵎⴰⴳⴻⵔ ⵏ ⵢⵉⵙⴻⵏⵙⴰ-ⴰ ⵓⵙⵍⵉⴳⴻⵏ ⵜⴻⵡⵡⴻⴹ ⵖⴻⵔ 517 ⵏ ⵡⵓⵙⵓⵜⴻⵏ. 4 ⵙⴻⴳ ⵢⵉⵙⴻⵏⵙⴰ-ⴰ ⵍⴰ ⵜⵜⵡⴰⴱⵏⴰⵢⴻⵏ ⴷⴻⴳ ⵜⴻⵎⴷⵉⵏⵜ ⵏ ⵜⴱⴰⵜⴻⵏⵜ ⵢⴻⵔⵏⵓ ⴰⴷ ⵙⵄⵓⵏ ⴰⵊⴻⵎⵎⴰⵍ ⵏ 482 ⵏ ⵡⵓⵙⵓⵜⴻⵏ, ⵎⴰ ⴷ ⴰⵙⴻⵏⵙⵓ ⵡⵉⵙ 5 ⵢⴻⵙⵄⴰ 35 ⵏ ⵡⵓⵙⵓⵜⴻⵏ ⵢⴻⵔⵏⵓ ⵢⵓⵙⴰ-ⴷ ⴷⴻⴳ ⵜⵖⵉⵡⴰⵏⵜ ⵏ ⵎⴷⵓⴽⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ).
ⴽⵔⴰ ⵙⴻⴳ ⵢⵉⵙⴻⵏⵙⴰ-ⴰ ⴷ ⵉⵙⴻⵏⵙⴰ ⵏ ⵡⴻⵙⵡⵉⵔ ⵓⵏⵏⵉⴳ ⵢⴻⵔⵏⵓ ⴰⵙⵎⵉ ⴰⵔⴰ ⴷ-ⵡⴻⵊⴷⴻⵏ, ⴰⴷ ⵙⵙⵉⴼⴻⵙⵙⴻⵏ ⵜⴰⵄⴽⴻⵎⵜ ⵏ ⵍⴻⵅⵚⴰⵚ ⵏ ⵢⵉⵙⴻⵏⵙⴰ ⴷⴻⴳ ⵜⵡⵉⵍⴰⵢⵜ-ⴰ, ⴰⵎ ⵡⴰⴽⴽⴻⵏ ⴰⵔⴰ ⵙⵅⴻⴷⵎⴻⵏ 192 ⵏ ⵢⵉⵅⴻⴷⴷⴰⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ-ⴰ.
ⵢⴻⵔⵏⴰ-ⴷ ⴷⴰⵖ ⵎⴰⵙⵙ ⴳⵓⴻⵔⴱⵧⵓⴰⴰ ⴷⴰⴽⴽⴻⵏ 13 ⵏ ⵢⵉⵙⴻⵏⵙⴰ ⵓⵙⵍⵉⴳⴻⵏ ⵏⵉⴹⴻⵏ ⴰⵢ ⵜⴻⵇⴱⴻⵍ ⵜⵡⵉⵍⴰⵢⵜ, ⵢⴻⵔⵏⵓ ⵓⵔ ⵜⵜⵄⴻⴹⴹⵉⵍⴻⵏ ⴰⴷ ⴱⴷⵓⵏ ⵢⵉⵙⴻⵏⴼⴰⵔⴻⵏ-ⵏⵙⴻⵏ ⵏ ⵍⴻⴱⵏⵉ.
ⵓⵔ ⵢⴻⵜⵜⵄⴻⴹⴹⵉⵍ ⴷⴰⵖ ⴰⴷ ⵉⴼⴰⴽ ⵓⵙⴻⵏⵙⵓ ⵏ 4 ⵏ ⵢⴻⵜⵔⴰⵏ (117 ⵏ ⵜⴻⵅⵅⴰⵎⵉⵏ) ⴰⵢ ⴷ-ⵢⵓⵙⴰⵏ ⵖⴻⴼ ⵡⴰⴷⴰⴼ ⵏ ⵜⴻⵎⴷⵉⵏⵜ ⵜⴰⵙⴻⵏⵣⵉⴽⴰⵏⵜ ⵏ ⵜⵉⵎⴳⴰⴷ (35 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵡⴻⴳⵎⵓⴹ [ⵛⴰⵔⵇ] ⵏ ⵜⴱⴰⵜⴻⵏⵜ). ⴰⵙⴻⵏⵙⵓ-ⴰ ⴰⵢⵖⴻⴼ ⵢⴻⵔⵣⴰ ⵓⵡⴰⵍⵉ ⴷⴷⵓⵕⵜ ⵢⴻⵣⵔⵉⵏ ⴷ ⵡⵉⵏ ⴰⵔⴰ ⴷ-ⵉⵊⴻⴱⴷⴻⵏ ⵓⴳⴰⵔ ⵏ ⵢⵉⵎⴻⵔⵔⴰⵢⴻⵏ (ⵙⵓⵢⵢⴰⵃ) ⵉⵖⴻⵍⵏⴰⵡⴻⵏ ⴷ ⵢⵉⵡⴻⵔⴷⴰⵏⵉⵢⴻⵏ ⵖⴻⵔ ⴰⴽⴽⴻⵏ ⴰⴷ ⴷ-ⵔⵣⵓⵏ ⵖⴻⴼ ⵜⴻⵎⴷⵉⵏⵜ ⵏ ⵜⵉⵎⴳⴰⴷ.
