Asebter amenzawi

5 n yisensa imaynuten ay la yettwabnayen deg Tbatent (amasay)

TABATENT– La ttwabnayen 5 n yisensa imaynuten deg twilayt n Tbatent, ɣef wakken ay aɣ-d-yenna unemhal n tmerrit (siyaḥa), Rabah Guerbouaa.

Ajemmal n tezmert n ummager n yisensa-a usligen tewweḍ ɣer 517 n wusuten. 4 seg yisensa-a la ttwabnayen deg temdint n Tbatent yernu ad sɛun ajemmal n 482 n wusuten, ma d asensu wis 5 yesɛa 35 n wusuten yernu yusa-d deg tɣiwant n Mdukal, ɣef wakken ay d-yenna umasay-a (mas’ul).

Kra seg yisensa-a d isensa n weswir unnig yernu asmi ara d-wejden, ad ssifessen taɛkemt n lexṣaṣ n yisensa deg twilayt-a, am wakken ara sxedmen 192 n yixeddamen, ɣef wakken ay d-yenna unemhal-a.

Yerna-d daɣ Mass Guerbouaa dakken 13 n yisensa usligen niḍen ay teqbel twilayt, yernu ur ttɛeḍḍilen ad bdun yisenfaren-nsen n lebni.

Ur yettɛeḍḍil daɣ ad ifak usensu n 4 n yetran (117 n texxamin) ay d-yusan ɣef wadaf n temdint tasenzikant n Timgad (35 n yikilumitren deg wegmuḍ [carq] n Tbatent). Asensu-a ayɣef yerza uwali dduṛt yezrin d win ara d-ijebden ugar n yimerrayen (suyyaḥ) iɣelnawen d yiwerdaniyen ɣer akken ad d-rzun ɣef temdint n Timgad.