ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵖⴰⵡⴰⵙ ⴰⵖⴻⵍⵏⴰⵡ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵉⴷⴰ: ⵜⵓⵣⵡⵉⵔⵜ ⵉ ⵓⵙⵙⴻⵏⵇⴻⵙ ⵏ ⵡⵉⴷ ⵢⴻⵜⵜⵎⴻⵜⵜⴰⵜⴻⵏ ⴷ ⵡⴻⵏⵟⴰⴹ ⵏ ⵡⴰⴹⴹⴰⵏ-ⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵜⵎⵓⵔⵜ ⴷⴻⴳ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵎⴻⵏⵖⵉ ⵎⴳⴰⵍ ⵓⵙⵉⴷⴰ (ⵧⵏⵓⵙⵉⴷⴰ), ⴰⴷⴻⵍ ⵣⴻⴷⴷⴰⵎ, ⴷⴰⴽⴽⴻⵏ ⴰⵀⵉⵍ ⴰⵖⴻⵍⵏⴰⵡ ⴰⵙⵓⴷⴷⵙⴰⵏ (ⵉⵙⵜⵔⴰⵜⵉⴵⵉ) ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵉⴷⴰ (2016-2020) ⴰⵢ ⴷ-ⵢⴻⵜⵜⵡⴰⴽⴻⵛⴼⴻⵏ ⵙⴻⴳ ⵎⴻⵍⵎⵉ ⴽⴰⵏ ⴷ ⵡⵉⵏ ⴰⵔⴰ ⵉⵡⵜⴻⵏ ⴰⴽⴽⴻⵏ ⴰⴷ ⵢⴻⵙⵙⴻⵏⵇⴻⵙ ⵡⵉⴷ ⵢⴻⵜⵜⵎⴻⵜⵜⴰⵜⴻⵏ ⵙⴻⴳ ⵡⴰⴹⴹⴰⵏ-ⴰ ⵢⴻⵔⵏⵓ ⴰⴷ ⵢⴻⵙⵙⴻⵏⵇⴻⵙ ⴰⵏⵟⴰⴹ ⵏ ⵡⴰⴹⴹⴰⵏ-ⴰ ⵙⴻⴳ ⵜⵢⴻⵎⵎⴰⵜ ⵖⴻⵔ ⵡⴻⴳⵔⵓⴷ.

ⵎⵉ ⴷ-ⵉⵇⴻⴷⴷⴻⵎ ⵜⵉⵏⵇⵉⴹⵉⵏ ⵜⵉⴳⴻⵊⴷⴰⵏⵉⵏ ⵏ ⵡⴰⵀⵉⵍ-ⴰ, ⵢⴻⵏⵏⴰ-ⴷ ⵎⴰⵙⵙ ⵣⴻⴷⴷⴰⵎ ⴷⴰⴽⴽⴻⵏ ⵜⴰⴼⵜⴰⵔⵜ-ⴰ (ⵡⴰⵜⵉⵇⴰ) ⵜⴻⴼⴽⴰ ⵜⵓⵣⵡⵉⵔⵜ ⵉ ⵓⵙⵙⴻⵏⵇⴻⵙ ⵡⴻⴼⵎⵉⴹⵉ (ⵏⵉⵙⴱⴰ) ⵏ ⵜⵎⴻⵜⵜⴰⵏⵜ ⵙⴻⴳ ⵓⵙⵉⴷⴰ ⴷ ⵡⴻⵏⵟⴰⴹ ⵙⴻⴳ ⵜⵢⴻⵎⵎⴰⵜ ⵖⴻⵔ ⵡⴻⴳⵔⵓⴷ ⵖⴻⵔ ⴷⴷⴰⵡ 5%. ⵙ ⵡⴰⵢⴰ, ⵉⵙⵡⵉ ⵏⴻⵜⵜⴰ ⴷ ⴰⴹⵎⴰⵏ ⵏ ⵜⵓⴷⴻⵔⵜ ⵉ 90% ⵙⴻⴳ ⵜⵢⴻⵎⵎⴰⵜⵉⵏ ⴷ ⵢⵉⴳⴻⵔⴷⴰⵏ ⵢⴻⵙⵄⴰⵏ ⴰⵙⵉⴷⴰ.

ⵉⵙⵡⵉ ⵏⵉⴹⴻⵏ ⴷ ⴰⵙⵙⴻⵏⵇⴻⵙ ⵏ ⵡⴻⵎⴹⴰⵏ ⵏ ⵢⵉⵎⵓⴹⵉⵏⴻⵏ ⵉⵎⴰⵢⵏⵓⵜⴻⵏ ⵖⴻⵔ ⴷⴷⴰⵡ 500, ⵢⴻⵔⵏⵓ ⴰⴷ ⴷ-ⵢⵉⵍⵉ ⵡⴰⵢⴰ ⵉ ⵓⵙⵙⵉⵡⴻⴹ, ⵙⴻⴳ-ⴰ ⵖⴻⵔ 2030, ⵖⴻⵔ ⵢⴻⵙⵡⵉ ⵡⵉⵙ 3 ⵏ ⵓⵏⵏⴻⴼⵍⵉ (ⵜⴰⵏⵎⵉⵢⴰ) ⴰⴷⵓⵎⴰⵏ ⵢⴻⴽⴽⴰⵜⴻⵏ ⵉ ⵡⴻⴹⵎⴰⵏ ⵏ « ⵜⴷⴰⵡⵙⴰ (ⵚⵉⵃⵃⴰ) ⴷ ⵜⵓⴷⴻⵔⵜ ⵢⴻⵍⵀⴰⵏ ⵉ ⵡⴰⴽⴽ ⵎⴻⴷⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⴻⴷⴷⴰⵎ.

ⴰⵖⴰⵡⴰⵙ-ⴰ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵉⴷⴰ ⴷ ⴰⵙⵙⴻⵖⵣⴻⴼ ⵏ ⵓⵖⴰⵡⴰⵙ-ⵏⵏⵉ ⵢⴻⵣⵔⵉⵏ (2013-2015) ⵢⴻⵔⵏⵓ ⵢⴻⵃⵡⴰⵊ ⴰⵣⴰⵍ ⵏ 157 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ, ⵢⴻⵔⵏⵓ ⴰⵡⴰⵏⴰⴽ (ⴷⴰⵡⵍⴰ) ⴰⴷ ⴷ-ⵢⴻⴼⴽ 95% ⵙⴻⴳ ⵢⴻⴷⵔⵉⵎⴻⵏ-ⴰ, ⵎⴰ ⴷ ⴰⵢⴻⵏ ⴰⵢ ⴷ-ⵢⴻⵇⵇⵉⵎⴻⵏ ⴰⴷ ⵜ-ⵉⴷ-ⵢⴻⴼⴽ ⵓⵏⴰⴳⵔⴰⵡ (ⵏⵉⴹⴰⵎ) ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏ ⵧⵏⵓⵙⵉⴷⴰ ⴷ ⵢⴻⵎⵚⴻⴷⴷⵇⴻⵏ ⵉⴳⵔⴰⵖⵍⴰⵏⴻⵏ.

ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⵣⴻⴷⴷⴰⵎ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⴻⴽⴽⵉ ⴷⴰⵖ ⵡⴻⵃⵔⵉⵛ ⵓⵙⵍⵉⴳ ⴷⴻⴳ ⵓⵖⴰⵡⴰⵙ-ⴰ ⴰⵖⴻⵍⵏⴰⵡ ⵢⴻⵔⵏⵓ ⴰⵜⵜⴻⴽⴽⵉ-ⴰ ⴰⴷ ⴷ-ⵢⵉⵍⵉ ⵍⴰⴷⵖⴰ ⴷⴻⴳ ⵓⵅⴻⴷⴷⵉⵎ ⵏ ⵓⵃⴻⵣⵣⴻⴱ ⴷ ⵡⴻⵙⵃⵓⵍⴼⵓ ⵖⴻⴼ ⵡⴰⴹⴹⴰⵏ-ⴰ.