ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵟⵟⴼⴻⵏ ⵉⵎⵙⴻⵜⵜⵉⵢⴻⵏ ⵏ ⵓⵥⴻⵟⵟⴰ ⴰⴳⵔⴰⵖⵍⴰⵏ ⵏ ⵍⴻⵀⵢⵓⴼ ⴷⴻⴳ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ, ⴽⵙⴻⵏ-ⴰⵙⴻⵏ 6 ⵏ ⵢⵉⴽⵉⵍⵓⴳⵔⴰⵎⴻⵏ ⴽⵓⴽⴰⵢⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⵟⵟⴼⴻⵏ ⵉⵎⵙⴻⵜⵜⵉⵢⴻⵏ ⵏ ⵢⵉⵡⴻⵏ ⵏ ⵓⵥⴻⵟⵟⴰ ⴰⴳⵔⴰⵖⵍⴰⵏ ⵏ ⵢⵉⵎⵙⴻⵜⵜⵉⵢⴻⵏ ⴷⴻⴳ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ, ⴽⵙⴻⵏ-ⴰⵙⴻⵏ 6 ⵏ ⵢⵉⴽⵉⵍⵓⴳⵔⴰⵎⴻⵏ ⴽⵓⴽⴰⵢⵉⵏ, ⵉ ⴰⵖ-ⴷ-ⵏⵏⴰⵏ ⴰⵙⵙ ⵏ ⵍⵃⴻⴷⴷ ⵓⵖⴻⵍⵍⴰ ⵏ ⵓⴷⴻⴼⵔⵉⵔ ⵏ ⵓⵎⴻⵏⵏⵓⵖ ⵎⴳⴰⵍ ⴰⵙⴻⵢⵢⵉ ⵏ ⵍⴻⵀⵢⵓⴼ ⴰⴽⴽⴻⴷ ⵜⵄⴻⵇⵇⴰⵛⵉⵏ ⵏ ⵓⵙⴽⴰⵔ, ⵉ ⵛⵓⴷⴷⴻⵏ ⵙ ⵉⵎⴻⵥⵍⴰ ⵏ ⵜⵡⵉⵍⴰⵢⵜ ⵏ ⵜⴻⵎⵙⵓⵍⵜⴰ (ⵙⵡⵒⵊ).

ⵜⴰⵎⵣⴻⵍⵜ-ⴰ ⵡⴻⵔⴳⵉⵏ ⵜⴻⴹⵔⵉ ⵜⴻⵙⵙⴰⵡⴻⴹ ⵖⴻⵔ ⵜⵓⵟⵟⴼⴰ ⵏ ⵙⴻⵎⵎⵓⵙ (05) ⵜⵓⵍⴰⵡⵉⵏ ⵜⵉⵍⴻⵎⵥⵉⵢⵉⵏ ⵙⴻⴳ ⵜⵎⵓⵔⵜ ⵏ ⵜⵓⵏⴻⵙ, ⴷ ⵜⵉⵄⴻⴳⴳⴰⵍⵉⵏ ⵏ ⵢⵉⵡⴻⵏ ⵏ ⵓⵥⴻⵟⵟⴰ ⴰⴳⵔⴰⵖⵍⴰⵏ ⵏ ⵢⵉⵎⵙⴻⵜⵜⵉⵢⴻⵏ ⵢⴻⵎⵎⵓⵣⴳⴻⵏ ⴷⴻⴳ ⵓⵙⴻⵜⵜⵉ ⵏ ⵍⴻⵀⵢⵓⴼ ⵉⵡⴻⵄⵔⴰⵏⴻⵏ. ⵜⵉⵎⵙⴻⵜⵜⵉⵢⵉⵏ-ⴰ ⵄⴻⵔⴹⴻⵏⵜ ⴰⴷ ⵣⵣⴻⴳⵔⴻⵏⵜ ⵍⴻⴼⵢⵓⴼ ⵖⴻⵔ ⵜⵓⵔⵓⴼⵜ ⵙⴻⴳ ⵜⵎⵓⵔⵜ ⵏ ⵍⴻⵣⵣⴰⵢⴻⵔ ⵏⴻⵖ ⵙⴻⴳ ⵎⴻⵔⵔⵓⴽ’’, ⵉ ⴷ-ⵢⴻⵏⵏⴰ ⵓⵖⴻⵍⵍⴰ ⵏ ⵢⵉⵎⴻⵙⵙⵓⵍⵜⴰ ⴳⵀⴻⵍⵍⴰⴱ ⵜⴰⵔⴻⴽ, ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴰⵎⵙⴰ ⵉ ⵢⴻⵅⴷⴻⵎ ⴷⴻⴳ ⵜⴻⵙⵖⵉⵎⵜ ⵏ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ.

’ⵜⵉⵎⵙⴻⵜⵜⵉⵢⵉⵏ-ⴰ ⴷⴻⴳ ⵙⴻⵎⵎⵓⵙ (5) ⵢⵉⴷⵙⴻⵏⵜ ⵉ ⵍⵍⴰⵏⵜ, ⵙⵄⴰⵏ ⴷⴻⴳ ⵍⴻⵄⵎⴻⵔ-ⵏⵙⴻⵏⵜ ⴳⴰⵔ 24 ⴰⴽⴽⴻⴷ 38 ⵏ ⵢⵉⵙⴻⴳⴳⴰⵙⴻⵏ, ⵓⵙⴰⵏⵜ-ⴷ ⵙⴻⴳ ⵜⵎⵓⵔⵜ ⵏ ⴱⵔⵉⵣⵉⵍ ⵖⴻⵔ ⵜⴳⴻⵍⴷⵉⵡⵉⵏ ⵜⴰⵄⵔⴰⴱⵉⵏ ⵢⴻⴷⴷⵓⴽⵍⴻⵏ (ⴷⵓⴱⴰⵢ), ⵙⴰⴽⵉⵏ ⵍⴻⵣⵣⴰⵢⴻⵔ ⵉⴷⴻⴳ ⵜⵜⵡⴰⵟⵟⴼⴻⵏⵜ ⵓⵔ ⵙⵙⴰⵡⴹⴻⵏⵜ ⴰⴷ ⵣⴻⴳⵔⴻⵏⵜ ⵖⴻⵔ ⵎⴻⵔⵔⵓⴽ ⴰⴽⴽⴻⵏ ⴰⴷ ⴳⵔⵉⵏⵜ ⴷⴻⴳ ⵜⵓⵔⵓⴼⵜ’’, ⵉ ⵢⴻⵔⵏⴰ ⵢⴻⵏⵏⴰ-ⴷ.