Asebter amenzawi
Sin ay yemmuten, yejreḥ yiwen deg usehwu n webrid deg Tbatent
TABATENT– Mmuten sin n medden, ma d yiwen d amejruḥ deg tegnit yenḍerren deffir ma yella-d yiwen n usehwu (ḥadit) n webrid ass n lḥedd tameddit deg temdint n Tbatent, ɣef wakken ay aɣ-d-ixebber yemkellef s teɣwalt (ittiṣal) n tmehla tamnaḍant n uḥuddu aɣarim, Zoheir Nekkaa.
Yella-d usehwu-a ɣef tizi n tis 3:53 n tmeddit deg webrid ay yettawin ɣer uɣaram (ḥayy) n Unegzar (Abattoir), deg temdint n Tbatent, mi tudef yiwet n tkeṛṛust tusligt deg yiwen n ukamyun ameqran ay yellan yetteddu-d deg tnila tanemgalt, ɣef wakken ay d-tenna teɣbalut-a (maṣdar).
Sin-nni n yemdanen ay yemmuten werɛad ur ttwaɛeqlen yernu wwin-ten ɣer yemsismeḍ n wesbiṭar asdawan n Tbatent, ma d amdan wis 3 atan deg tegnit yenḍerren yernu wwin-d ɣer tuɛjilin n wesbiṭar-a, ɣef wakken ay aɣ-d-yenna umasay-a (mas’ul).
Reẓmen yimeẓla (maṣaliḥ) ay terza temsalt aḥtac akken ad ẓren ssebbat n tidet n usehwu-a « yessewḥacen » ɣef wakken ay d-nnan yinagan d yemsukksen n uḥuddu aɣarim.
