Asebter amenzawi

Ugar n 10.000 n yigerdan ara yeddun ɣer yegriren n yimuras deg twilayt n Lezzayer

LEZZAYER TAMANEɣT– Tenna-d tmehla (mudiriyya) n yilemẓiyen d waddal n twilayt n Lezzayer dakken ad temmager, deg tsemhuyt-a n yimuras n unebdu, ugar n 10.000 n yigerdan seg twilauin n wenẓul n tmurt d taddart n Mihub (Lemdeyya).

Iwekked-d unemhal (mudir) n yilemẓiyen d waddal n twilayt n Lezzayer, Mass Krache Tarek, ass n lḥedd, dakken 6 n wammasen n yimuas ay d-yessewjen weɣlif n yilemẓiyen d waddal i « ummager n wugar n 10.000 n yigerdan seg twilayin yemgerraden n wenẓul, gar-asent Leɣwaṭ, Tamenɣest, Waregla d Adrar ».

Yenna-d Mass Krache dakken igriren-a (muxayyamat) n yimuras usan-d deg 4 n yideggen imeqranen, yernu wid d Sidi Fṛeǧ, Sṭawali, Zzradla d Qadus, ttwaheyyan-d i lmend n waya yernu sɛan ixeddamen ideblanen d yesnajyanen i lmend n webdad iwatan i yigerdan ara yesɛeddin imuras-nsen. Ad d-ilint 5 n tedwilin n yimuras yernu ad ifak ccɣel-a deg tgara n ɣuct.

Ammas n yimuras n Sidi Fṛeǧ ad yemmager 300 n yigerdan deg yegriren n « El Amel » d « Ibn Xeldun ». Igriren n « Lmeqrani » d « Ibn Badis » ad mmagren 250 n yigerdan. 200 n yigerdan niḍen ad qqimen deg yegriren n yeskutiyen inselmen idzayriyen. Adeg n Zzradla ad d yezgriren n Lqadus (taɣiwant n Hrawa) ad mmagren 250 n yigerdan.

ɣef leḥsab n Mass Krache, seg gar 10.000 n yigerdan ara d-yasen deg unebdu-a, 5000 seg-sen d arraw n yiɛessasen n tɣiwanin, ma d wiyaḍ usan-d seg taddart n Mihub (tawilayt n Lemdeyya) ay tḥuza tzenzelt deg wayyur n Mayu yezrin.