Asebter amenzawi

Wehṛan: dduṛt i ufaki n yixeddimen n ussemɣer n wezniq agejdan

WEHṚAN – Yefka uwali n Wehṛan, ass n lḥedd, tallit n dduṛt i ufaki n yixeddimen n ussihrew n weḥric wis sin n wezniq ameqran n wegmam (ḥayy) n « Bastie » yeqqnen ɣer yebḍi amdinan n « Ibn Sina » n Wehṛan.

« Yessefk ad ttwassiherwen kra n yezniqen igejdanen yernu bdan-d yixeddimen i ussisleg n yebriden i uferru n wugur n udafas (izdiḥam) sdaxel temdint. D acu kan, icanṭiyen cewwlen tagnit, ladɣa deg unebdu. ɣef waya, yessefk ad iɣiwel wenya (watira) n uxeddim », ɣef wakken ay d-yenna uwali mi yessefqed acanṭi-a, am wakken ay d-iḥettet ɣef tɣara n uxeddim.

Ixeddimen n ussihrew d ussisleg n wezniq-a ad d-sqamen 50 n yimelyunen n yidinaṛen yernu bdan ugar n sin n wayyuren aya. Ad yili daɣ wefrag gar sin-nni n yeḥricen n wezniq-a mi ara yettwassisleg, am wakken ara bellḍen daɣ tinedda (arṣifa) n wezniq-a.

Ixeddimen-a derreren daɣ abrid-a ɣer tama n wezniq ameqran wis sin, yernu yella-d waya s tukksa n kra n tḥuna seg wemkan-nni.

7 n lmaḥellat n uṣeggem n tkeṛṛusin umi beddlen amkan akken ad gen axeddim-a. Igaṛajen-a wwin-ten ɣer tama n usarir (malɛab) n « Castors » ay ibeɛden kra n twinas (mi’at) n yimitren ɣef ucanṭi-a.

Ixeddimen n ussihrew n webrid telha-d yid-sen tɣiwant n Wehṛan deg ukatar n usenfar n ussihrew n kra n yizenqan igejdanen n temdint n Wehṛan yettwassnen s yidafasen.