ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵙⴻⵎⵙⵉⵍⵜ: 8.000 ⵏ ⵍⵍⵉⵜⵔⴰⵜ ⵏ ⵣⵣⵢⴰⴷⴰ ⵏ ⵓⴽⴻⴼⴼⴰⵢ ⴷⴻⴳ ⵡⵓⵙⵙⴰⵏ ⵏ ⵔⴻⵎⴹⴰⵏ (ⴰⵎⴰⵙⴰⵢ)

ⵜⵉⵙⴻⵎⵙⵉⵍⵜ– ⵢⴻⵔⵏⴰ ⵡⴻⴼⵔⴰⵇ ⵏ ⵓⴽⴻⴼⴼⴰⵢ ⵙ 8.000 ⵏ ⵍⵍⵉⵜⵔⴰⵜ ⵏ ⵣⵣⵢⴰⴷⴰ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ ⴷⴻⴳ ⵜⵡⵉⵍⴰⵢⵜ ⵏ ⵜⵙⴻⵎⵙⵉⵍⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⵎⴻⵀⵍⴰ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ).

ⵙ ⵡⴰⵢⴰ, ⵜⴻⵔⵏⴰ ⵜⴻⵙⵎⴻⴽⵜⴰ ⵏ ⵓⴽⴻⴼⴼⴰⵢ ⴰⵢ ⵍⴰ ⵢⴻⵜⵜⵡⴰⴼⵔⴰⵇⴻⵏ ⴷⴻⴳ ⵜⵙⴻⵎⵙⵉⵍⵜ ⵙⴻⴳ 34.000 ⵖⴻⵔ 42.000 ⵏ ⵍⵍⵉⵜⵔⴰⵜ ⴷⴻⴳ ⵡⴰⵙⵙ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.

ⴰⴽⴻⴼⴼⴰⵢ-ⴰ ⵍⴰ ⴷ-ⵢⴻⵜⵜⵡⴰⵅⴷⴰⵎ ⴷⴻⴳ ⵍⵍⵓⵣⵉⵏⴰⵜ ⵏ ⵓⴽⴻⴼⴼⴰⵢ ⵏ ⵜⵉⵀⴻⵔⵜ, ⵄⵉⵏ ⴷⴷⴻⴼⵍⴰ, ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵓⵙⵓⴷⴷⵉⵙ (ⵎⵓⵔⴰⴽⴽⴰⴱ) ⵏ ⵓⴼⴰⵔⴻⵙ ⵏ ⵓⴽⴻⴼⴼⴰⵢ ⵏ ⵙⵉⴷⵉ ⵎⴻⵏⵚⵓⵔ, ⴷⴻⴳ ⵜⵖⵉⵡⴰⵏⵜ ⵏ ⵅⵎⵉⵙⵜⵉ, ⴰⵎ ⵡⴰⴽⴽⴻⵏ ⴰⵢ ⴰⵖ-ⴷ-ⵔⵏⴰⵏ ⴷⴰⴽⴽⴻⵏ ⵓⵔ ⴷ-ⵢⴻⵍⵍⵉ ⴰⴽⴽ ⵍⴻⵅⵚⴰⵚ ⵏ ⵓⴽⴻⴼⴼⴰⵢ ⴷⴻⴳ ⵜⵡⵉⵍⴰⵢⵜ-ⴰ.

ⵀⴻⵢⵢⴰⵏⵜ-ⴷ ⵜⵎⴻⵀⵍⴰ ⵏ ⵜⵏⴻⵣⵣⵓⵜ ⴷ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⴰⵀⵉⵍ ⵉ ⵡⴰⵢⵢⵓⵔ ⵏ ⵔⴻⵎⴹⴰⵏ ⵢⴻⵔⵏⵓ ⵎⵙⴻⴼⵀⴰⵎⴻⵏⵜ ⵖⴻⴼ ⵡⴻⴹⵎⴰⵏ ⵏ ⵡⴻⴼⵔⴰⵇ ⴰⵍⵓⴳⴰⵏ (ⵉⵄⵜⵉⵢⴰⴷⵉ) ⵏ ⵓⴽⴻⴼⴼⴰⵢ ⴷⴻⴳ ⵙⵙⵓⵇ ⴰⴷⵉⴳⴰⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵓⴷⴷⵉⵙ ⵏ ⵓⴽⴻⴼⴼⴰⵢ ⵏ ⵙⵉⴷⵉ ⵎⴻⵏⵚⵓⵔ, ⵜⴻⵏⵏⴰ-ⴷ ⵜⵎⴻⵀⵍⴰ ⵏ ⵜⵏⴻⵣⵣⵓⵜ ⴷⴰⴽⴽⴻⵏ ⵍⴰ ⴷ-ⵢⴻⵜⵜⴼⴰⵔⴰⵙ 4.800 ⵏ ⵍⵍⵉⵜⵔⴰⵜ ⵏ ⵓⴽⴻⴼⴼⴰⵢ ⴷⴻⴳ ⵡⴰⵙⵙ, ⵢⴻⵔⵏⵓ ⵜⴰⵙⵎⴻⴽⵜⴰ-ⴰ ⵜⴻⵜⵜⴳⴻⵏⵙⵉⵙ-ⴷ ⴰⵣⴰⵍ ⵏ 10% ⵙⴻⴳ ⵡⴰⵢⴻⵏ ⴰⵢ ⵜⴻⵃⵡⴰⵊ ⵜⵡⵉⵍⴰⵢⵜ.

ⵉ ⵡⴻⵙⵎⴻⴽⵜⵉ, ⵜⴻⴷⴷⴻⵎ ⵜⵎⴻⵀⵍⴰ ⵏ ⵜⵏⴻⵣⵣⵓⵜ ⵉⵃⴻⵣⵣⵉⴱⴻⵏ ⴷⴻⴳ ⵜⴻⵣⵡⴰⵔⴰ ⵏ ⵡⴰⵢⵢⵓⵔ-ⴰ ⴰⴽⴽⴻⵏ ⵓⵔ ⵜⵜⵅⴰⵚⵚⴰⵏ ⵢⵉⴼⴰⵔⵉⵙⴻⵏ (ⵎⴰⵏⵜⵓⴵⴰⵜ) ⵏ ⵓⵙⵙⵓⴷⴻⵔ (ⵓⵙⵜⵉⵀⵍⴰⴽ) ⴰⵎⴻⵇⵔⴰⵏ, ⴰⵎ ⵡⴰⴽⴽⴻⵏ ⴰⵢ ⵍⴰ ⵜⴻⵜⵜⴹⴰⴼⴰⵔ ⵢⴰⵍ ⴰⵙⵙ ⴰⴼⵔⴰⵇ ⵏ ⵢⵉⴼⴰⵔⵉⵙⴻⵏ ⴷⴻⴳ ⵙⵙⵓⵇ, ⵢⴻⵔⵏⵓ ⵜⴻⵜⵜⴻⵎⵍⵉⵍⵉ ⴷ ⵜⴻⵕⵎⵉⵙⵉⵏ ⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴻⵎⵙⴻⴼⵀⴰⵎ ⵖⴻⴼ ⵓⵙⵙⵉⵡⴻⴹ ⵏ ⵙⵙⴻⵍⵄⴰ ⴰⵢ ⵃⵡⴰⵊⴻⵏ ⵢⴻⵎⵙⵓⴷⵔⴻⵏ.