ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴳⴰⵍⵎⴰ: ⵓⴳⴰⵔ ⵏ 5.600 ⵏ ⵢⵉⵎⵓⴽⴰⵏ ⵏ ⵓⵙⵙⵉⵍⴻⵖ ⴷⴻⴳ ⵡⵓⵖⴰⵍ ⴰⵢ ⴷ-ⵢⴻⵜⵜⴻⴷⴷⵓⵏ

ⴳⴰⵍⵎⴰ, – 5.626 ⵏ ⵢⵉⵎⵓⴽⴰⵏ ⵉⵙⴻⵏⵙⴻⴳⵎⴰⵏⴻⵏ ⵉⵎⴰⵢⵏⵓⵜⴻⵏ ⴰⵔⴰ ⴷ-ⵢⴻⵜⵜⵡⴰⵙⵙⵓⵎⵔⴻⵏ ⴷⴻⴳ ⵜⵡⵉⵍⴰⵢⵜ ⵏ ⴳⴰⵍⵎⴰ ⴷⴻⴳ ⵡⵓⵖⴰⵍ ⴰⵢ ⴷ-ⵢⴻⵜⵜⴻⴷⴷⵓⵏ (ⴷⴻⴳ ⵛⵜⴻⵎⴱⴻⵕ) ⵉ ⵢⵉⵍⴻⵎⵥⵉⵢⴻⵏ ⴰⵢ ⵢⴻⴱⵖⴰⵏ ⴰⴷ ⵍⴻⵎⴷⴻⵏ ⵚⵚⴻⵏⵄⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ, ⴰⵙⵙ ⵏ ⵜⵜⵍⴰⵜⴰ, ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵡⴻⵃⵔⵉⵛ-ⴰ.

ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵉ ⵓⵙⵙⴻⵡⵊⴻⴷ ⵏ ⵡⵓⵖⴰⵍ ⴷⴻⴳ ⵡⴻⵃⵔⵉⵛ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴷ ⵓⵙⵙⴻⵍⵎⴻⴷ ⴰⵙⴰⴷⵓⵔⴰⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵙⵖⵉⵎⵜ (ⵎⴰⵇⴰⵔⵔ) ⵏ ⵜⵡⵉⵍⴰⵢⵜ ⵙ ⵡⴻⵃⴷⴰⵕ ⵏ ⵢⵉⴳⴻⵏⵙⴰⵙⴻⵏ ⵏ ⵡⵓⴷⵓⵙⴻⵏ ⵉⵏⴰⴳⴷⵓⴷⴻⵏ ⴷ ⵜⴻⵕⵎⵉⵙⵉⵏ, ⵢⴻⵏⵏⴰ-ⴷ ⴰⴱⴷⴻⵍⴽⵔⵉⵎ ⴷⵔⵉⵙⵙ ⴷⴰⴽⴽⴻⵏ ⵉⵎⵓⴽⴰⵏ-ⴰ ⵉⵙⴻⵏⵙⴻⴳⵎⴰⵏⴻⵏ ⵉⵎⴰⵢⵏⵓⵜⴻⵏ ⴱⴹⴰⵏ ⵖⴻⴼ 109 ⵏ ⵜⵎⴻⵣⵣⵓⴳⵉⵏ.

ⴷⵖⴰ ⵢⴻⵏⵏⴰ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⴷⴰⴽⴽⴻⵏ ⴰⵃⵔⵉⵛ-ⵏⵏⴻⵙ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴻⴼⴽ ⵜⵓⵣⵡⵉⵔⵜ ⵉ ⵓⵙⵙⵉⵍⴻⵖ ⵙ ⵓⵙⵙⴻⵍⵎⴻⴷ ⵏ ⵚⵚⴻⵏⵄⴰ, ⵢⴻⵔⵏⵓ ⵓⴳⴰⵔ ⵏ 50% ⵙⴻⴳ ⵢⵉⵎⵓⴽⴰⵏ ⵉⵙⴻⵏⵙⴻⴳⵎⴰⵏⴻⵏ ⴰⵢ ⴷ-ⵢⴻⵜⵜⵡⴰⵙⵙⵓⵎⵔⴻⵏ ⴷ ⵡⵉⴷ ⴰⵢⴷⴻⴳ ⴰⵔⴰ ⴷ-ⵢⵉⵍⵉ ⵓⵙⵙⴻⵍⵎⴻⴷ, ⵍⴰⴷⵖⴰ ⵉⵎⵉ ⵚⵚⴻⵏⴼ-ⴰ ⵏ ⵓⵙⵙⵉⵍⴻⵖ ⴷ ⵡⵉⵏ ⴰⵢ ⴷ-ⵢⴻⵜⵜⴰⴽⴼⴻⵏ « ⵉⴳⵎⴰⴹ ⵢⴻⵍⵀⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵙⵙⵓⵎⴻⵔ ⵏ ⵓⵙⵙⵉⵍⴻⵖ ⴰⵙⴰⴷⵓⵔⴰⵏ (ⵎⵉⵀⴰⵏⵉⵢ) ⴷ ⵡⵉⵏ ⴰⵔⴰ ⵢⴻⴼⴽⴻⵏ ⴰⵣⴰⵍ, ⴷⴻⴳ ⵜⴻⴷⵡⵉⵍⵜ ⵏ ⵛⵜⴻⵎⴱⴻⵕ ⵏ 2016, ⵉ 5 ⵏ ⵢⵉⴼⵓⵔⴽⴰ ⴷ ⵜⵎⴻⵣⵣⵓⴳⵉⵏ (ⵉⵅⵜⵉⵚⴰⵚⴰⵜ) ⴰⵢ ⵍⴰ ⴷ-ⵢⴻⵙⵙⵓⵜⵓⵔ ⵙⵙⵓⵇ ⵏ ⵜⴻⵎⵏⴰⴹⵜ-ⴰ ⴷ ⴽⵔⴰ ⵏ ⵜⴻⵎⵏⴰⴹⵉⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ ⵢⴻⵔⵏⵓ ⵡⵉ ⴷ ⵉⵃⵔⵉⵛⴻⵏ ⵏ ⵍⴻⴱⵏⵉ ⴷ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ, ⵜⴰⴽⴻⵔⵔⴰⵣⵜ, ⵜⴰⵎⴻⵔⵔⵉⵜ, ⵜⵉⵏⴹⵉ, ⵉⵎⴻⵙⵡⵉ ⴷ ⵜⵡⴻⵏⵏⴰⴹⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.