Asebter amenzawi

Galma: ugar n 5.600 n yimukan n ussileɣ deg wuɣal ay d-yetteddun

GALMA, – 5.626 n yimukan isensegmanen imaynuten ara d-yettwassumren deg twilayt n Galma deg wuɣal ay d-yetteddun (deg Ctembeṛ) i yilemẓiyen ay yebɣan ad lemden ṣṣenɛat, ɣef wakken ay aɣ-d-yenna, ass n ttlata, unemhal (mudir) n weḥric-a.

Deg yijifeṛ n yiwet n temlilit i ussewjed n wuɣal deg weḥric n ussileɣ (takwin) d usselmed asaduran ay d-yellan deg tesɣimt (maqarr) n twilayt s weḥdaṛ n yigensasen n wudusen inagduden d teṛmisin, yenna-d Abdelkrim Driss dakken imukan-a isensegmanen imaynuten bḍan ɣef 109 n tmezzugin.

Dɣa yenna-d, i lmend n waya, dakken aḥric-nnes la yessefray ad yefk tuzwirt i ussileɣ s usselmed n ṣṣenɛa, yernu ugar n 50% seg yimukan isensegmanen ay d-yettwassumren d wid aydeg ara d-yili usselmed, ladɣa imi ṣṣenf-a n ussileɣ d win ay d-yettakfen « igmaḍ yelhan », ɣef wakken ay d-yenna.

Assumer n ussileɣ asaduran (mihaniy) d win ara yefken azal, deg tedwilt n Ctembeṛ n 2016, i 5 n yifurka d tmezzugin (ixtiṣaṣat) ay la d-yessutur ssuq n temnaḍt-a d kra n temnaḍin ay d-yezzin fell-as yernu wi d iḥricen n lebni d yimahilen inagduden, takerrazt, tamerrit, tinḍi, imeswi d twennaḍt, ɣef wakken ay d-yenna.